चालू घडामोडी सराव पेपर 21-February 2021

इस्रायल अमेरिका देशासोबत मिळून अॅरो- नामक एक नवीन प्रक्षेपी क्षेपणास्त्र भेदी संरक्षण प्रणाली विकसित करीत आहे.

भारत सरकारने 250 अब्ज रुपयांसह परवडणारी आणि मध्यम-उत्पन्न गृहनिर्माण प्रकल्पांच्या बांधकामाच्या पूर्णत्वासाठी विशेष खिडकी (SWAMIH) निधीची स्थापना केली आहे. हा निधी निधीअभावी रखडलेले गृहनिर्माण प्रकल्प पूर्ण करण्यासाठी तयार केला गेला आहे.

भारतीय संविधानाच्या कलम अन्वये राष्ट्रपतीला माफीचा अधिकार प्राप्त होतो.
मृत्यूदंडाची शिक्षा मिळालेल्या उत्तरप्रदेशातील शबनमची शिक्षा रोखण्यासाठी राष्ट्रपती राम नाथ कोविंद यांच्याकडे याचिका दाखल केली गेली आहे. जर ही याचिका मान्य न केल्यास शबनम गुन्ह्यासाठी फाशी मिळणारी स्वतंत्र भारतातील पहिली महिला ठरणार.

18 फेब्रुवारी 2021 रोजी तिसऱ्या इंडिया टुरिझम मार्ट या कार्यक्रमाचे उद्घाटन झाले. 18 फेब्रुवारी 2021 ते 20 फेब्रुवारी 2021 या कालावधीत हा कार्यक्रम पार पडला. भारतीय पर्यटन व आतिथ्य महासंघाने (FAITH) हा कार्यक्रम आयोजित केला होता. या कार्यक्रमात 60 देशांमधील 250 हून अधिक प्रतिनिधींनी भाग घेतला होता.

20 फेब्रुवारी 2021 रोजी पंतप्रधान नरेंद्र मोदी यांच्या अध्यक्षतेखाली नीती आयोगाच्या प्रशासन परिषदेची सहावी बैठक पार पडली. आयोगाची प्रशासन परिषद हे आंतरविभागीय, आंतर-क्षेत्रीय आणि सांघिक विषयांवर चर्चा करण्यासाठीचे व्यासपीठ आहे, ज्यात राज्ये आणि केंद्रशासित प्रदेशांचे मुख्यमंत्री, इतर केंद्रशासित प्रदेशांचे आमदार आणि उपराज्यपाल असतात.

चंदिगडमध्ये कामगार विभागाने पाच सर्वेक्षण केले आहेत, ज्यात पुढील सर्वेक्षणांचा समावेश आहे –

स्थलांतरित कामगारांचे अखिल भारतीय सर्वेक्षण
स्थानिक कामगारांचे अखिल भारतीय सर्वेक्षण
व्यवसायिकांद्वारे निर्माण केलेल्या रोजगाराचे अखिल भारतीय सर्वेक्षण
परिवहन क्षेत्रात निर्माण झालेल्या रोजगाराचे अखिल भारतीय सर्वेक्षण
आस्थापना आधारित रोजगारांचे तिमाही अखिल भारतीय सर्वेक्षण

ऑस्ट्रेलिया आणि भारतातील प्रतिभावान विद्यार्थी आणि स्टार्टअप उद्योगांना अभिनव तंत्रज्ञानाच्या मदतीने सामायिक समस्या सोडवण्यासाठी सक्षम करण्याच्या उद्देशाने “भारत-ऑस्ट्रेलिया चक्रीय अर्थव्यवस्था (I-ACE) हॅकाथॉन, 2021 आयोजित करण्यात आला आहे. कार्यक्रमाचे उद्घाटन 18 फेब्रुवारी 2021 रोजी झाले. भारताच्या नीती आयोगाच्या अटल इनोव्हेशन मिशन (AIM) आणि ऑस्ट्रेलियाच्या कॉमनवेल्थ सायंटिफिक अँड इंडस्ट्रियल रिसर्च ऑर्गनायझेशन (CSIRO) या संस्थांनी हा कार्यक्रम आयोजित केला आहे.
‘चक्रीय अर्थव्यवस्था’ मॉडेल, जे केवळ कचरा व्यवस्थापन करत नाही तर पुनर्वापर, पुनर्प्रक्रिया आणि जबाबदार उत्पादन जे नवीन उद्योग आणि रोजगारांच्या विकासात सहाय्य करू शकते, उत्सर्जन कमी करते आणि नैसर्गिक संसाधनांचा कार्यक्षम वापर वाढवते.

केरळमधील वैज्ञानिक, डॉक्टर आणि छायाचित्रकारांच्या गटाने स्नेकपिडिया नामक एक मोबाइल अॅप तयार केले आहे. सर्पांच्या चाव्यावर उपचार करण्यात लोकांना तसेच चिकित्सकांना मदत करण्यासाठीची सर्व संबंधित माहिती यात दिली आहे.

9 फेब्रुवारी 2021 रोजी केंद्रीय रस्ते वाहतूक व महामार्ग मंत्री नितीन गडकरी यांच्या हस्ते गो इलेक्ट्रिक नामक एका मोहिमेचा प्रारंभ केला गेला. शिवाय ई-मोबिलिटी इको सिस्टीमचा विकास दर्शवणाऱ्या गो इलेक्ट्रिक मोहिमेच्या बोधचिन्हाचे अनावरण करण्यात आले. ऊर्जा मंत्रालयाच्या अंतर्गत असणाऱ्या एनर्जी इफिशियन्सी ब्युरोकडे (BEE) ही जागृती मोहीम राबवण्याची जबाबदारी सोपवण्यात आली आहे.
विजेवर चालणारी वाहने, अश्या वाहनांसाठी चार्जिंगची पायाभूत सुविधा आणि स्वयंपाकासाठी विजेवर चालणाऱ्या उपकरणांच्या लाभाबाबत जागृती करण्यासाठी ही मोहीम राबवण्यात येत आहे.

ह्युंदाई मोटार कंपनीने टायगर एक्स-1 नामक एक अल्टिमेट मोबिलिटी रोबोकार वाहन विकसित केले आहे. येथे टायगर म्हणजे ट्रान्स्फॉर्मिंग इंटेलिजेंट ग्राउंड एक्सट्रूजन रोबोट असे पूर्ण नाव आहे.