चालू घडामोडी सराव पेपर 22-February 2021

तृतीय पिढीचे रणगाडा-भेदी मार्गदर्शित ‘हेलिना’ (भुदलासाठी नाग क्षेपणास्त्राची आवृत्ती) आणि ध्रुवस्त्र (हवाई दलासाठी नाग क्षेपणास्त्राची आवृत्ती) क्षेपणास्त्र प्रणाली संरक्षण संशोधन व विकास संस्थेने (DRDO) विकसित केले आहेत

दरवर्षी फेब्रुवारी महिन्याच्या तिसरा शनिवार जगभरात “जागतिक खवल्या मांजर दिन” म्हणून साजरा करतात. यंदा, 20 फेब्रुवारी 2021 रोजी 10 वा जागतिक खवल्यामांजर दिन साजरा केला गेला. खवल्या मांजर या दुर्मिळ प्राण्याविषयी जागृती वाढविणे आणि संवर्धनाच्या प्रयत्नांना गती देणे हे या दिवसाचे उद्दीष्ट आहे.
खवल्या मांजर (Pangolin) हा फॉलिडोटा वर्गातल्या मॅनिडी कुळातील मॅनिस प्रजातीतील सस्तन प्राणी आहे. हा आफ्रिका व आशिया इथल्या उष्ण कटिबंधीय भागांमध्ये आढळतो. ज्याची त्वचा खवल्यांनी आच्छादलेली असते असा हा एकमेव सस्तन प्राणी आहे.

करारामधून बाहेर पडल्यानंतर 107 दिवसानंतर, संयुक्त राज्ये अमेरिका देशाने हवामानविषयक पॅरिस करारात अधिकृतपणे पुन्हा प्रवेश केला आहे.
हवामानविषयक पॅरिस करार हा हरितगृह वायू उत्सर्जन कमी करणे, परिस्थितीशी जूळवून घेण्यासाठी आणि आर्थिक बाबी हाताळण्यासाठी युनायटेड नेशन्स फ्रेमवर्क कन्व्हेन्शन ऑन क्लायमेट चेंज (UNFCCC) या संघटनेच्या कार्यचौकटीत तयार करण्यात आलेला एकमेव असा (पहिलाच) करार आहे. कराराला दि. 12 डिसेंबर 2015 रोजी पॅरिसमध्ये झालेल्या UNFCCC च्या 21 व्या पक्षीय परिषदेत 195 देशांमधील प्रतिनिधींद्वारा एकमताने अंगिकारले गेले आणि 4 नोव्हेंबर 2016 रोजी तो लागू झाला. पूर्व-औद्योगिक पातळीच्यावर 2 अंश सेल्सियसच्या खाली जागतिक सरासरी तापमान वाढ नियंत्रित करणे आणि पूर्व-औद्योगिक पातळीच्या वर 1.5 अंश सेल्सियसपर्यंत तापमान वाढ मर्यादित करण्यासाठी प्रयत्न करणे तसेच अश्या अनेक कारकांच्या हेतूने हा करार आहे.

20 फेब्रुवारी 2021 रोजी “ए कॉल फॉर सोशल जस्टिस इन द डिजिटल इकॉनॉमी” या संकल्पनेखाली जागतिक सामाजिक न्याय दिन साजरा करण्यात आला

पर्यावरण, वन आणि हवामान बदल मंत्रालयाने लक्षद्वीप येथे अटल पर्यावरण भवन उघडले. ते लक्षद्वीप वन विभागाचे मुख्यालय आहे

18 फेब्रुवारी 2021 रोजी भारत आणि इंडोनेशिया या देशांच्या नौदलांनी अरबी समुद्रात ‘पॅसेज एक्ससरसाईज’ कवायत आयोजित केली होती. ‘INS तलवार’ जहाजाने भारतीय नौदलाचे प्रतिनिधित्व केले.

प्रधानमंत्री नरेंद्र मोदी यांच्या हस्ते दिनांक 19 फेब्रुवारी 2015 रोजी राजस्थानमधल्या सुरतगड या ठिकाणी मृदा आरोग्य पत्रिका योजनेचे उद्घाटन करण्यात आले. शेत जमिनीतील पोषक द्रव्यांच्या कमतरतेचा शोध घेण्याच्या उद्देशाने सुरू केलेल्या या योजनेच्या अंतर्गत शेतकर्‍यांना दर दोन वर्षांनी मृदा आरोग्य पत्रिका दिल्या जातात. देशातल्या सर्व शेतकऱ्यांना मृदा आरोग्य पत्रिकांचे वाटप करण्यासाठी राज्य सरकारांना मदत करण्यासाठी ही योजना सुरु करण्यात आली आहे. मातीचे आरोग्य आणि तिची उत्पादकता सुधारण्यासाठी शेतकऱ्यांना त्यांच्या शेतजमीनीतल्या पोषक द्रव्यांची स्थितीची माहिती तसेच पोषक द्रव्यांच्या योग्य मात्रेबाबत माहितीही या योजनेच्या माध्यमातून उपलब्ध करुन दिली जाते.

अरुणाचल प्रदेश आणि मिझोरम या राज्यांनी 20 फेब्रुवारी 2021 रोजी राज्य स्थापना दिवस साजरा केला. 20 फेब्रुवारी 1987 रोजी दोन्ही राज्यांना राज्याचा दर्जा प्राप्त झाला.

अजय मल्होत्रा हे जिनेव्हा येथील संयुक्त राष्ट्रसंघाच्या मानवाधिकार परिषदेच्या सल्लागार समितीचे अध्यक्ष म्हणून निवडले गेलेले पहिले भारतीय ठरले

20 फेब्रुवारी ते 25 फेब्रुवारी 2021 या कालावधीत संयुक्त अरब अमिराती देशाची राजधानी अबू धाबी येथे NAVDEX 21 (नौ संरक्षण प्रदर्शनी) आणि IDEX 21 (आंतरराष्ट्रीय संरक्षण प्रदर्शनी) या कार्यक्रमांचे आयोजन केले गेले आहे. यात भाग घेण्यासाठी भारताचे ‘INS प्रलय’ जहाज पाठविण्यात आले आहे.