चालू घडामोडी सराव पेपर -31मे 2020

राष्ट्रीय आधुनिक कला दालन (NGMA) या संस्थेनी रामकिनकर बैज | जर्नी थ्रू सायलंट ट्रान्सफॉर्मेशन अँड एक्सप्रेशन या शीर्षकाखाली एका आभासी सहलीचे आयोजन केले. रामकिनकर बैज हे एक प्रसिद्ध चित्रकार, शिल्पकार होते

भारतीय राष्ट्रीय देयके महामंडळ (NPCI) या संस्थेनी उत्पादनाविषयी जनजागृती करण्यासाठी PAi चॅटबॉट तयार केले आहे. कृत्रिम बुद्धिमत्तेच्या आधारे संवाद साधणारी ही सुविधा UPI, रुपे, AePS, फास्टॅग अश्या उत्पादनाविषयी जनजागृती करते.

दरवर्षी 29 मे या दिवशी संकायुक्त राष्ट्रसंघाच्या नेतृत्वात आंतरराष्ट्रीय संयुक्त राष्ट्रसंघ शांतीदूत दिन पाळला जातो. हा दिवस संयुक्त राष्ट्रसंघाच्या कामात बलिदान देणाऱ्या गणवेशधारी आणि नागरी कर्मचार्यांच्या अमूल्य योगदानाबद्दल श्रद्धांजली म्हणून साजरा केला जातो.2020 साली आंतरराष्ट्रीय संयुक्त राष्ट्रसंघ शांतीदूत दिन विमेन इन पीसकीपिंग: ए की टू पीस या संकल्पनेखाली पाळला गेला.

विप्रो कंपनीचे नवे मुख्य कार्यकारी अधिकारी (CEO) म्हणून थिरी डेलापोर्ट यांची नियुक्ती झाली आहे. ते 1 जून 2020 रोजी अबिदाली नीमूचवाला यांच्याकडून पदभार स्वीकारतील.

निलेश साठे यांची भारतीय राष्ट्रीय महामार्ग प्राधिकरण (NHAI) याचे वित्त सल्लागार या पदावर नेमणूक झाली आहे.

INS कलिंग या युद्धनौकेवर अग्निप्रस्थ क्षेपणास्त्र उद्यान (मिसाईल पार्क) उभारण्यात येणार आहे. हे उद्यान INS कलिंगचे अधिकारी, नाविक आणि सहायक कर्मचारी यांना समर्पित करण्यात येणार आहे. INS कलिंग या युद्धनौकेच्या निर्मितीच्या कामाला 1981 साली प्रारंभ झाला. त्यावेळेपासूनच्या महत्वपूर्ण घडामोडींचा, वैशिष्ट्यपूर्ण ऐतिहासिक घटनांचा मागोवा या अग्निप्रस्थ उद्यानामध्ये घेण्यात येणार आहे. या क्षेपणास्त्र उद्यानामध्ये क्षेपणास्त्र आणि त्यांना पूरक म्हणून उपयोगी ठरणाऱ्या GSE यांच्या प्रतिकृती ठेवण्यात येणार आहेत.

28 मे 2020 रोजी केंद्रीय वित्त व कॉर्पोरेट कल्याण मंत्री निर्मला सीतारमण यांच्या अध्यक्षतेत आर्थिक स्थिरता व विकास परिषद यांची 22 वी बैठक पार पडली. बैठकीत कोविड-19 महामारीच्या पार्श्वभूमीवर सध्या सुरू असलेल्या देशांतर्गत व जागतिक आर्थिक परिस्थिती, असुरक्षितता आणि आर्थिक स्थैर्य अश्या मुद्यांवर चर्चा झाली.

कल्पक उपक्रमांचा वापर करून एक भारत श्रेष्ठ भारत कार्यक्रम पुढे नेण्याचा निर्णय भारत सरकारने घेतला आहे. त्यासाठी पुढाकार घेत सांस्कृतिक मंत्रालयाने ई-हेरिटेजपीडिया आणि ई-आर्टिस्टपीडिया अश्या व्यासपीठांचा विकास करण्याचा प्रस्ताव मांडला आहे. भारतीय कलांचा समाजामध्ये विकास करण्यासाठी त्याविषयी माहिती उपलब्ध करून देण्याच्या उद्देशाने हे व्यासपीठ असणार आहे.

कोविड-19 महामारीमुळे लागू असलेल्या राष्ट्रव्यापी टाळेबंदीचा कालावधी आता संपुष्टात येत असून पुढे मोठ्या संख्येनी कामावर परत रुजू होणाऱ्या कर्मचाऱ्यांकडून वापरल्या जाणाऱ्या विविध वस्तूंचे निर्जंतुकीकरण करण्यासाठी पश्चिम नौदल कमांडमधील नौदल डॉकयार्ड (मुंबई) येथे अतिनील निर्जंतुकीकरण कक्ष ही सुविधा उभारण्यात आली आहे. UV-C प्रकाशयोजनेसाठी एल्युमिनियम शीट्सच्या विद्युतीय व्यवस्थेच्या बनावटीद्वारे एका मोठ्या सामान्य खोलीचे या सुविधेत रूपांतर करण्यात आले आहे. या सुविधेला UV सॅनिटायझेशन बेअसे नाव देण्यात आले आहे.

कायमस्वरूपी खाता क्रमांक (PAN) हा कर भरणाऱ्यांना दिला जाणारा 10-अंकी ओळख क्रमांक आहे.आता वैध आधार क्रमांक आणि ‘आधार’कडे नोंदविलेला मोबाईल क्रमांक असलेल्या व्यक्तींनी कायमस्वरूपी खाता क्रमांक (Permanent Account N​umber -PAN) मिळविण्यासाठी अर्ज केला असल्यास, त्यांना इन्स्टंट पॅन (PAN)ही सुविधा उपलब्ध आहे.