चालू घडामोडी सराव पेपर -26 जून 2020

दरवर्षी 23 जून या दिवशी संयुक्त राष्ट्रसंघ लोकसेवा दिन साजरा केला जातो . समुदायाप्रती सार्वजनिक सेवेचे मूल्य आणि विकास प्रक्रिया याबाबत जागृती निर्माण करण्यासाठी हा दिवस साजरा केला जातो.

कौशल्य विकास व उद्योजकता मंत्रालयाच्या अखत्यारीत असलेल्या प्रशिक्षण महासंचालनालयाने IBM इंडिया या कंपनीच्या संयुक्त विद्यमाने स्किल्स-बिल्ड रिइगनाइट आणि स्किल्स-बिल्ड इनोव्हेशन कॅम्प हे उपक्रम सुरू केले. उद्योजक आणि बेरोजगार लोकांना डिजिटल माध्यमाद्वारे मोफत कौशल्य प्रदान करणे आणि त्यांचा व्यवसाय पुन्हा घडविण्यात मदत करणे हे या उपक्रमाचे उद्दीष्ट आहे.

रिलायन्स जिओ टीव्ही या कंपनीने मुख्यमंत्री दूरस्थ शिक्षण कार्यक्रमाच्या अंतर्गत विद्यार्थ्यांना शिक्षण देण्यासाठी हरयाणा सरकारसोबत करार केला आहे. करारानुसार, EDUSATच्या चार वाहिन्या विना-शुल्क जिओ मंचावर उपलब्ध असतील.

चीनने 23 जून 2020 रोजी बीदौ उपग्रह प्रणाली तला अंतिम उपग्रह प्रक्षेपित केला. 1983 सालापासून ही प्रणाली विकसित केली जात आहे. ही चीनची प्रगत नेव्हिगेशन प्रणाली ठरणार आहे.

बंगळुरुच्या भारतीय विज्ञान संस्थेनी (IISc) जिवाणू पेशी चे आवरण नष्ट करणारे नॅनोझाइम विकसित केले आहे. मानवी शरीराला हानी पोहचविणाऱ्या जिवाणूला नष्ट करण्यासाठी किंवा त्यामध्ये औषधी पोहचवून त्या पेशी निष्क्रिय करण्यासाठी ही प्रक्रिया महत्वाची ठरते.

2017 साली अनुक्रमे चीन (16.4 टक्के) आणि अमेरिका (16.3 टक्के) यांच्यानंतर परचेसिंग पॉवर पॅरिटी (PPP) याबाबतीत जागतिक GDPच्या 6.7 टक्के एवढ्या रकमेसह भारत तिसऱ्या क्रमांकाची अर्थव्यवस्था आहे.

अमेरिकेच्या लॉस एंजेलिस या शहरात भारताबाहेरील जगातले पहिले योग विद्यापीठ उभारण्यात आले आहे, त्याला विवेकानंद योग विद्यापीठ (VAYU) असे नाव देण्यात आले आहे. येथे पदवीचे अभ्यासक्रम उपलब्ध आहेत.

केंद्रीय मनुष्यबळ विकास मंत्री रमेश पोखरियाल निशंक यांच्या हस्ते YUKTI (यंग इंडिया कॉम्बेटिंग कोविड विथ नॉलेज, टेक्नॉलॉजी अँड इनोव्हेशन) याच्या द्वितीय आवृत्तीचे (YUKTI 2.0) उद्घाटन करण्यात आले आहे. कोविड-19 महामारीच्या पार्श्वभूमीवर हाती घेतलेले उपक्रम आणि उपाययोजनांची नोंद ठेवणे तसेच त्याच्या अंमलबजावणीवर देखरेख ठेवण्यासाठी एक संकेतस्थळ विकसित करण्यात आले आहे. या व्यासपीठावर सर्व शिक्षणसंस्थांच्या विविध उपक्रम आणि संशोधनाची माहिती देण्यात आली आहे.

चीनचा दिओयू बेट यांच्या मालकी मुद्द्यावरून जापान आणि तैवान सोबत वाद चालू आहे. हे बेट दक्षिण चीन समुद्रात आहे. अलीकडेच जापानने या बेटाला टोनोशिरो सेनकाकू हे नवीन नाव दिले.

नटराजन चंद्रशेखरन यांची भारतीय रिझर्व्ह बँकेच्या मध्यवर्ती मंडळामध्ये अनाधिकृत संचालक  part-time non-official director या पदावर नेमणूक आणखी दोन वर्षांसाठी करण्यात आली आहे. नटराजन चंद्रशेखरन टाटा समूहाचे अध्यक्ष आहेत.