चालू घडामोडी सराव पेपर -03 जुलै 2020

ड्रीम केरला प्रकल्पाचे उद्दीष्ट केरळच्या रहिवासींचे पुनर्वसन हे आहे. केरळ राज्य सरकारने परदेशातून भारतात परतणाऱ्या रहिवासींचे पुनर्वसन करण्यासाठी हा प्रकल्प राबवत आहे. त्यांना आश्रय देणे आणि त्यांच्या कौशल्य व ज्ञानाचा उपयोग करून घेणे हे उद्दीष्ट ठेवण्यात आले आहे.

भारत सरकारने चिनी कंपन्यांना तसेच चीनी कंपन्यांसह स्थापन केलेल्या संयुक्त उपक्रमांना महामार्ग प्रकल्पाच्या विकासात भाग घेण्यावर बंदी घातली आहे. भारतीय कंपन्यांना या विकास क्षेत्रात प्रोत्साहन देण्यासाठी हा पुढाकार घेतला गेला आहे.

इंद्र मनी पांडे यांची जिनेव्हा येथे संयुक्त राष्ट्रसंघ आणि इतर आंतरराष्ट्रीय संघटनेमध्ये भारताचे नवे राजदूत आणि कायमस्वरूपी प्रतिनिधी म्हणून नेमणूक करण्यात आली आहे.

सांख्यिकी दिन 2020 निमित्त, RBIचे माजी गव्हर्नर सी. रंगराजन यांना सांख्यिकी क्षेत्रात दिलेल्या योगदानासाठी पहिला प्रा. पी. सी. महालनोबिस जीवन गौरव पुरस्कार देऊन सन्मानित करण्यात आले. सांख्यिकी व कार्यक्रम अंमलबजावणी मंत्रालयाने या वार्षिक पुरस्काराची स्थापना केली.

प्रा. संजय द्विवेदी यांची इंडियन इंस्टिट्यूट ऑफ मास कम्युनिकेशन (IIMC) याच्या महासंचालक पदावर 1 जुलै 2020 रोजी नेमणूक झाली आहे. ही संस्था माहिती व प्रसारण मंत्रालयाच्या अंतर्गत येणारी एक स्वतंत्र संस्था आहे.

कर्नाटकचे मुख्यमंत्री बी. येडीयुरप्पा यांच्या हस्ते स्किल कनेक्ट फोरम’ या डिजिटल व्यासपीठाचे उद्घाटन करण्यात आले. या व्यासपीठावर रोजगार शोधणारे आणि खासगी उद्योजकांना एकत्र आणते. तसेच बेरोजगार व्यक्तीला विशिष्ट कौशल्य शिकवले जाणार जे विशिष्ट कामांसाठी आवश्यक असणार.

दरवर्षी 1 जुलै या दिवशी राष्ट्रीय सनदी लेखापाल दिन साजरा केला जातो. भारतीय सनदी लेखापाल संस्थेनी (ICAI) यावर्षी ट्रान्सफॉर्मिंग द फ्यूचरः एनेबलिंग एक्सिलन्स, ऑगमेंटिंग ट्रस्ट या संकल्पनेखाली 72 वा चार्टर्ड अकाउंटंट दिन साजरा केला. यानिमित्त 29 जून ते 1 जुलै या काळात आभासी राष्ट्रीय CA परिषद आयोजित करण्यात आली आहे

विज्ञान व अभियांत्रिकी संशोधन मंडळाने (SERB) देशभरातल्या संशोधन इंटर्नशिप, क्षमता वाढवणारे कार्यक्रम आणि कार्यशाळेसाठी एक मंच प्रदान करण्यासाठी अॅसेलिरेट विज्ञान नावाचे एक व्यासपीठ सुरू केले. हे वैज्ञानिक अभ्यास सुधारेल आणि वैज्ञानिक मनुष्यबळ तयार करणार.

अमेरिका सरकारच्या फेडरल कम्युनिकेशन्स कमिशनने आणि हुवेई टेक्नॉलॉजीज या चीनी कंपन्यांना ‘राष्ट्रीय सुरक्षेला धोका’ म्हणून घोषित केले आहे. अमेरिकेने त्यांच्यावर दुसऱ्या देशांशी माहिती सामायिक केल्याचा आरोप केला आहे

भारतात दरवर्षी 1 जुलै या दिवशी राष्ट्रीय चिकित्सक दिन साजरा केला जातो. डॉ. बिधान चंद्र रॉय यांची जयंती राष्ट्रीय चिकित्सक दिन म्हणून साजरी केली जाते, ज्यांनी आपले जीवन वैद्यकीय क्षेत्राला आणि लोकसेवेला समर्पित केले.