चालू घडामोडी सराव पेपर -05 जुलै 2020

केंद्रीय माध्यमिक शिक्षण मंडळ (CBSE) आणि फेसबुक कंपनी यांनी शिक्षक आणि विद्यार्थ्यांसाठी डिजिटल सुरक्षा आणि ऑनलाइन कल्याणआणि ऑगमेंटेड रिअलिटी या विषयावर प्रशिक्षण अभ्यासक्रम सुरू करण्यासाठी भागीदारी केली आहे. हा प्रशिक्षण कार्यक्रम तीन आठवड्यांसाठी घेण्यात येणार असून यामध्ये प्रत्येकी दहा हजार शिक्षक व विद्यार्थी उपस्थित राहतील

गोवा सरकारने वर्णा औद्योगिक वसाहतीत 14380 चौरस मीटर क्षेत्रफळाचा भूखंड कोकण मेरीटाईम क्लस्टरया भारतातल्या पहिल्या सागरीकार्ये समूहासाठी त्याचे सामान्य सुविधा केंद्र उभारण्यासाठी बहाल केला आहे. या ठिकाणी 49 MSME एकक असणार आहेत.

भारत देश टोळहल्ल्यावर नियंत्रण मिळविण्यासाठी ड्रोन तंत्राचा यशस्वीपणे वापर करणारा पहिला देश ठरला आहे. भारत सरकारने 11 एप्रिल 2020 पासून सुमारे 9 राज्यात यासंबंधी कार्यांची सुरूवात केली होती. राजस्थान, मध्यप्रदेश, पंजाब, गुजरात, उत्तरप्रदेश, महाराष्ट्र, छत्तीसगड, हरयाणा आणि बिहार या राज्यांमध्ये ड्रोनद्वारे फवारणी करण्यात आली. सध्या, 60 नियंत्रण पथके राज्यांमध्ये कार्यरत आहेत.

नागरिकांकडून वापरल्या जाणारे आणि त्यांच्या संबंधित श्रेणीत जागतिक दर्जाचे अॅप बनण्याची संभाव्य क्षमता असलेले सर्वोत्कृष्ट भारतीय अॅप जाणून घेण्याच्या उद्देशाने आत्मनिर्भर भारत अॅप इनोव्हेशन चॅलेंजया स्पर्धात्मक कार्यक्रमाचा प्रारंभ करण्यात आला आहे. हा नीती आयोग आणि अटल इनोव्हेशन मिशन (AIM) कार्यक्रम यांच्या सहकार्याने चालणारा इलेक्ट्रॉनिक्स व माहिती तंत्रज्ञान मंत्रालयाचा कार्यक्रम आहे.देश आत्मनिर्भर भारत निर्मितीच्या दिशेने वाटचाल करीत असताना, स्थानिक बाजारपेठांबरोबरच जागतिक बाजारपेठेत स्पर्धा करू शकतात असे अॅप विकसित करण्यासाठी त्यास दिशा आणि गती देण्याचे काम हा कार्यक्रम करणार आहे. हा इलेक्ट्रॉनिक्स व माहिती तंत्रज्ञान मंत्रालयाचा कार्यक्रम आहे, जे सध्याच्या अॅपची जाहिरात करणे आणि नवीन अॅपचा विकास करणे या दोन मार्गांवर कार्यरत आहे. ई-लर्निंग, वर्क-फ्रॉम-होम, गेमिंग, व्यवसाय, करमणूक, कार्यालयीन सुविधा आणि सोशल नेटवर्किंग या विभागांमध्ये अस्तित्त्वात असलेले अॅप आणि व्यासपीठाना प्रोत्साहन देण्यासाठी सरकार मार्गदर्शन, सहकार्य आणि समर्थन प्रदान करणार आहे

दरवर्षी जुलै महिन्याचा पहिला आठवडा या काळात “वन महोत्सव” साजरा केला जातो. या काळात जवळपास संपूर्ण भारतात पावसाळा सक्रीय सुरू झालेला असतो. या काळात विविध कार्यक्रमांच्या माध्यमातून लोकांना वृक्षारोपण करण्यास आणि पर्यावरणाची रक्षा करण्यास प्रोत्साहन दिले जाते. वन महोत्सवाची सुरुवात 1950 साली झाली होती.

चीनचे बॅडमिंटनपटू लिन डॅन यांनी 4 जुलै 2020 रोजी सेवानिवृत्तीची घोषणा केली. त्यांच्या 20 वर्षांच्या कारकीर्दीला विराम देण्याचा त्यांनी निर्णय घेतला आहे.

रिलायन्स जियो या कंपनीद्वारे जियोमीट नावाचे एक व्हिडिओ कॉन्फरन्सिंग व्यासपीठ कार्यरत करण्यात आले आहे.

नीती आयोगाच्या सहकार्याने रॉकी माउंटन इन्स्टिट्यूट (RMI) या संस्थेनी टूवर्ड्स ए क्लीन एनर्जी इकॉनॉमी या शीर्षकाचा अहवाल प्रसिद्ध केला. भविष्यासाठी स्वच्छ, कमी खर्चात आणि शाश्वत ऊर्जा मिळविण्यासाठी भारताद्वारे चाललेल्या प्रयत्नांना अधोरेखित करणारा हा अहवाल आहे. अहवालानुसार, परिवहन आणि ऊर्जा क्षेत्रावर लक्ष केंद्रित केले गेले आहे.

मध्यप्रदेश राज्य सरकार पर्यटकांना आकर्षित करण्यासाठी ‘इंतजार आप का’ मोहीम राबवत आहे. पर्यटकांना सुरक्षित प्रवासासाठी आकर्षक पर्यटन प्रस्ताव देखील देण्यात आले आहे

जुलै महिन्याचा पहिला शनिवार हाआंतरराष्ट्रीय सहकार दिन म्हणून साजरा केला जातो. यावर्षी हा दिवस 4 जुलै 2020 रोजी पाळला गेला. सहकार पद्धतीविषयी जागृती करण्याच्या उद्देशाने हा दिवस पाळला जातो.