चालू घडामोडी सराव पेपर – 08 जुलै 2020

भारताच्या मदतीने नेपाळमध्ये एक संस्कृत शाळा उघडण्यात आली आहे आणि त्याला श्री सप्तमाई गुरुकुल संस्कृत विद्यालय असे नाव देण्यात आले. ही शाळा इलाम जिल्ह्यात उभारण्यात आली आहे

दरवर्षी 6 जुलै या दिवशी जागतिक पशूजन्य रोग दिन साजरा केला जातो. पशूजन्य रोगांबद्दल लोकांमध्ये जागृती निर्माण करण्यासाठी आणि योग्य ती कृती करण्यास मदत करण्यासाठी हा दिवस पाळला जातो. 6 जुलै 1885 रोजी लुईस पाश्चर यांनी पशूजन्य रोगावर प्रथम लस तयार केली होती.

ओडिशा सरकारने राज्यातल्या 7 लाखाहून अधिक भूमिहीन शेतकर्यांसाठी ‘बलराम योजना’ सादर केली आहे. देशव्यापी टाळेबंदीमुळे संकटात सापडलेल्या भूमिहीन शेतकर्यांना आर्थिक मदत देणे हे या योजनेचे उद्दीष्ट आहे. ही योजना कालिया योजनेची सुधारित आवृत्ती आहे

येस बँकेनी लोन इन सेकंड या नावाने डिजिटल सुविधा सुरू केली, ज्याद्वारे ग्राहकांना सुलभरीत्या कर्जे उपलब्ध करून दिले जाणार.

माजी RBI गव्हर्नर उर्जित पटेल हे ओव्हरड्राफ्ट: सेव्हिंग द इंडियन सेव्हर या पुस्तकाचे लेखक आहेत

दिल्ली सरकारने LEAD या नावाचे एक ई-लर्निंग डिजिटल व्यासपीठ तयार केले आहे, ज्याच्या माध्यमातून कोविड-19 संकटामुळे घरात अडकून पडलेल्या विद्यार्थ्यांचे शिक्षण चालू ठेवण्यासाठी प्रयत्न केले जाणार आहेत. केंद्रीय माध्यमिक शिक्षण मंडळ (CBSE), राष्ट्रीय शैक्षणिक संशोधन व प्रशिक्षण परिषद (NCERT) व दिल्ली सरकारच्या अभ्यासक्रमाच्या अनुषंगाने हे व्यासपीठ तयार करण्यात आले आहे. याद्वारे इयत्ता पहिली ते बारावी पर्यंत शैक्षणिक सामुग्री उपलब्ध करून देण्यात आली आहे.

हिमाचल प्रदेश हे प्रत्येक घरात लिक्विफाइड पेट्रोलियम गॅस (LPG) जोडणी असलेले पहिले राज्य ठरले आहे. भारत सरकारची उज्ज्वला योजना तसेच राज्य सरकारच्या हिमाचल गृहिणी सुविधा योजनेच्या अंतर्गत हे ध्येय गाठण्यात आले आहे. हिमाचल प्रदेशाचे मुख्यमंत्री जय राम ठाकूर यांनी 6 जुलै 2020 रोजी यासंबंधी घोषणा केली.

आसाम सरकारने देहिंग पटकाई अभयारण्याला राष्ट्रीय उद्यानाचा दर्जा देण्याचा निर्णय घेतला आहे. केंद्रीय पर्यावरण व वन मंत्रालयाच्या प्रोजेक्ट एलिफेंटअंतर्गत 1992 साली देहिंग पटकाई वनाला हत्तीसाठी संरक्षित क्षेत्र म्हणून घोषित करण्यात आले. 13 जून 2004 रोजी याला वन्यजीव अभयारण्य म्हणून घोषित केले गेले. हे अभयारण्य दिब्रूगड आणि टिनसुकिया जिल्ह्यात पसरलेले आहे आणि त्याचे क्षेत्रफळ 111.19 चौरस कि.मी. आहे.

ऑल इंडिया रेडियो (AIR) यांच्यावतीने ‘संस्कृत साप्ताहिकी’ या नावाने संस्कृत भाषेतला पहिला वृत्तपत्र कार्यक्रम संदरकरण्यात आला आहे. संस्कृत भाषेला प्रोत्साहन देण्याच्या उद्देशाने हा साप्ताहिक कार्यक्रम तयार करण्यात आला आहे. हा कार्यक्रम कला, संस्कृती आणि परंपरा, इतिहास, तत्वज्ञान आणि संस्कृत साहित्यात मूर्तिमंत मानवी मूल्ये स्पष्ट करणार.

डॉ बिष्णू प्रसाद नंदा यांनी रेल्वे मंडळामध्ये रेल्वे आरोग्य सेवा विभागाचे महासंचालक (DG RHS) म्हणून कार्यभार स्वीकारला आहे.