चालू घडामोडी सराव पेपर – 09 जुलै 2020

ओला अॅपने ग्राहकांना ऑनलाइन देयके देण्यास सक्षम करण्याकरिता फोनपे या ऑनलाइन देयके कंपनीसोबत करार केला आहे.

6 जुलै 2020 रोजी भारतीय ऑलम्पिक संघाने ऑलम्पिक खेळांमध्ये भारतीय खेळाडूंच्या सहभागाची 100 वर्षे पूर्ण केली. याप्रसंगी भारतीय ऑलम्पिक संघ (IOA) या संस्थेनी व्हिज्युअल आयडेनटिटी म्हणजेच दृष्य ओळख हे नवीन वैशिष्ट्य सादर केले आहे. ही नवी ओळख त्याचे ब्रँड असून त्यात IOAच्या संस्थात्मक आणि व्यवसायिक बोधचिन्हाचा समावेश आहे. भारताने बेल्जियममध्ये झालेल्या 1920 उन्हाळी ऑलम्पिकमध्ये पहिल्यांदा खेळाडू पाठवले होते.

मर्सिडीज संघाचे चालक असलेले वाल्टेरी बोटास ह्यांनी ऑस्ट्रेलियन ग्रँड प्रीक्स 2020शर्यत जिंकली. ही शर्यत ऑस्ट्रियाच्या स्पीलबर्ग शहरात खेळवली गेली.

तामिळनाडूचा रहिवासी असलेला जी. आकाश भारताचा 66 वा बुद्धिबळ ग्रँडमास्टर ठरला आहे. तर एम. प्रणेश आणि अमेया ऑडी या बुद्धिबळपटूंनी आंतरराष्ट्रीय मास्टर किताब मिळवला आहे. याविषयी आंतरराष्ट्रीय बुद्धिबळ महासंघाच्या (FIDE) बैठकीत घोषणा करण्यात आली.

ब्रिटिश चित्रपट क्षेत्रातले प्रसिद्ध अभिनेता अर्ल कॅमेरून ह्यांचे 3 जुलै 2020 रोजी वयाच्या 102 व्या वर्षी निधन झाले

गंगा नदीच्या पुनरुज्जीविकरणाच्या हेतूने चालविलेल्या नमामी गंगेकार्यक्रमाला जागतिक बँकेकडून वाढीव अर्थिक मदत दिली जाणार असून त्यासंदर्भात जागतिक बँक आणि भारत सरकार यांच्यामध्ये 7 जून 2020 रोजी एका ऋण करारावर स्वाक्षऱ्या करण्यात आल्या. राष्ट्रीय गंगा नदी खोरे प्रकल्पाच्या द्वितीय टप्प्यासाठी ही मदत अतिशय महत्वपूर्ण ठरणार आहे. गंगा पुनरुज्जीविकरण प्रकल्पासाठी जागतिक बँकेनी देवू केलेल्या 400 दशलक्ष डॉलर रकमेत 381 दशलक्ष डॉलरचे कर्ज आणि 19 दशलक्ष डॉलरचे प्रस्तावित हमी आहेत.गंगेच्या पाण्यात झालेले प्रदूषण संपुष्टात आणून गंगेचा जलप्रवाह स्वच्छ आणि अबाधित राहावा, यासाठी सरकारने गंगा पुनरुज्जीविकरण प्रकल्प सुरू केला आहे. गंगेच्या काठावर, गंगा नदी खोऱ्यामध्ये 50 कोटींपेक्षा अधिक नागरीक वास्तव्य करतात. त्यांच्यासाठी गंगा पुनरुज्जीविकरण प्रकल्प महत्वाचा आहे. जागतिक बँकेच्या आर्थिक मदतीतून सरकारने गंगा नदी खोरे प्रकल्पाचे काम 2011 पासून सुरू केले आहे. एकूणच नद्यांचे व्यवस्थापन करण्यासाठी राष्ट्रीय संस्था म्हणून राष्ट्रीय गंगा स्वच्छता अभियान (NMCG) स्थापन करण्यात आले आहे. या माध्यमातून देशातल्या अनेक नद्याकाठच्या गावांमध्ये आणि शहरांमध्ये सांडपाणी प्रक्रिया करण्यासाठी पायाभूत सुविधा करण्यात आल्या.

कोविड-19 महामारीच्या पार्श्वभूमीवर, कर्नाटक सरकारने संकटात सापडलेल्या राज्यातल्या विणकरांना आर्थिक मदत देण्यासाठी राज्याने नेकारा सन्मान योजना लागू केली आहे. या योजनेसाठी स्वतंत्रपणे 10.96 कोटी रुपये निधी राखीव ठेवण्यात आला आहे. रेशीम, कापूस, लोकर आणि इतर हातमाग विणकर या योजनेसाठी पात्र आहेत. राज्यातल्या 19,744 लाभार्थी विणकरांच्या बँक खात्यात प्रत्येकी दोन हजार रुपयांची रक्कम जमा केली जाणार आहे

इंजेती श्रीनिवास हे आंतरराष्ट्रीय वित्तीय सेवा केंद्र प्राधिकरण (IFSCA) याचे पहिले अध्यक्ष आहेत. त्यांची नियुक्ती 3 वर्षांच्या मुदतीसाठी झाली आहे.

मुंबई शहरात आशियातले सर्वात मोठे आणि जगातले द्वितीय क्रमांकाचे सर्वात मोठे डेटा सेंटर प्रस्थापित करण्यात आले आहे. या केंद्राला योट्टा एन.एम.1 (Yotta NM1 (किंवा Uptime Tier IV Designed Data Centre) असे नाव देण्यात आले आहे. हे माहिती केंद्र नवी मुंबईच्या पनवेलमध्ये हिरानंदानी फॉर्च्यून सिटी येथील परिसरात आहे. हे केंद्र योट्टा इन्फ्रास्ट्रक्चर आणि NM1 यांच्याद्वारे विकसित केले गेले आहे.

इस्रायल देशाने 6 जुलै 2020 रोजी नवीन Ofek16 नावाचा एक गुप्तचर उपग्रह यशस्वीरित्या प्रक्षेपित केला. हा उपग्रह प्रामुख्याने सीमेवरील शत्रूच्या कारवायांवर पाळत ठेवण्यासाठी वापरला जाणार आहे.