चालू घडामोडी सराव पेपर – 10 जुलै 2020

जयंत कृष्णा यांची ब्रिटन-भारत व्यवसाय परिषद (UKIBC) याच्या मुख्य कार्यकारी अधिकारी (CEO) या पदावर नेमणूक करण्यात आली आहे. ते विद्यमान CEO रिचर्ड हेल्ड यांच्याकडून पदभार स्वीकारतील. जयंत कृष्णा पंतप्रधानांच्या कुशल भारत अभियानाचे माजी CEO होते. जयंत कृष्णा हे UKIBC गटाचे पहिले CEO असणार जे भारताचे रहिवासी आहेत.

मालदीव आणि श्रीलंका हे जागतिक आरोग्य संघटनेच्या कार्यक्षेत्रातल्या दक्षिण-पूर्व आशिया प्रदेशातले पहिले दोन देश ठरले आहेत, ज्यांनी 2023 सालाच्या लक्ष्यापूर्वीच गोवर रोगावर पूर्णपणे मात केली आहे.

गुजरात सरकारने आदिवासी लोकांच्या हक्कांचे रक्षण करण्यासाठी पाच सदस्यांचा समावेश असलेल्या आयोगाची स्थापना केली आहे. मुख्यमंत्री विजय रुपाणी यांनी हा निर्णय घेतला. आयोगात उच्च न्यायालयाचे एक सेवानिवृत्त न्यायाधीश, जिल्हा न्यायालयाचे दोन सेवानिवृत्त न्यायाधीश, वन विभागाचे एक सेवानिवृत्त अधिकारी आणि एक सेवानिवृत्त अतिरिक्त जिल्हाधिकारी असणार.

करुर वैश्य बँकेनी बँकेच्या ग्राहकांना जीवन विमा सेवा प्रदान करण्यासाठी बजाज एलियान्झ लाइफ इन्शुरन्स या कंपनीसोबत करार केला. हा करार ग्राहकांना बचत, सेवानिवृत्ती, गुंतवणूक, संरक्षण तसेच आरोग्य, जीवन विमा उत्पादने पुरवेल.

केंब्रिज युनिव्हर्सिटी प्रेस यांनी सस्टेनेबल डेव्हलपमेंट रिपोर्ट 2020 प्रसिद्ध केला. या अहवालात शाश्वत विकास ध्येये (SDG) निर्देशांक; देखील प्रसिद्ध करण्यात आला आहे, ज्यामार्फत ठरविलेल्या SDGच्या प्रगतीविषयी संयुक्त राष्ट्रांनी केलेली कामगिरी दर्शवली गेली आहे. हा अहवाल सस्टेनेबल डेव्हलपमेंट सोल्यूशन्स नेटवर्क (SDSN) आणि बर्टेल्समन स्टिफ्टुंग या संस्थांतल्या तज्ञांच्या एका समितीद्वारे तयार केला गेला आहे. SDG निर्देशांक 2020 याच्या यादीत भारताने 61.92 गुण मिळवून 117 वा क्रमांक प्राप्त केला आहे.

8 जुलै 2020 रोजी राष्ट्रीय कौशल्य विकास महामंडळ (NSDC) आणि मायक्रोसॉफ्ट या तंत्रज्ञान कंपनीने पुढील 12 महिन्यांत 1 लाखाहून अधिक तरुणांना डिजिटल कौशल्य प्रदान करण्याच्या भागीदारीची घोषणा केली. मायक्रोसॉफ्ट NSDCच्या ई-स्किल इंडिया डिजिटल व्यासपीठाच्या सहकार्याने शैक्षणिक साहित्य विनामूल्य मिळविण्यासाठी त्याच्या व्यासपीठावर प्रवेश देणार

पुण्याच्या मायलाब डिस्कव्हरी सोल्यूशन्स या कंपनीने कोविड-19 नमुन्यांची तपासणी करण्याकरिता RT-PCR तपासणी पद्धतीप्रमाणे रेणू-स्तरीय निदान पद्धती वापरणारे पूर्णपणे स्वयंचलित पद्धतीने चालणारे पहिलेच यंत्र तयार केले आहे. या यंत्राला त्यांनी कॉम्पॅक्ट XL असे नाव दिले आहे

दरवर्षी येणाऱ्या ईद-उल-अजहा सणानिमित्त पशूबळी देण्याची बांग्लादेशामध्ये प्रथा आहे. त्यामुळे रोगांचा संसर्ग टाळण्याच्या उद्देशाने बळी देण्यासाठी जनावरांची खरेदी-विक्री ऑनलाइन प्रक्रियेद्वारे करण्याची योजना बांग्लादेश सरकारने आखली आहे आणि त्यासाठी त्यांनी डिजिटल हाट नावाचे व्यासपीठ तयार केले आहे.

फिनो पेमेंट्स बँक लिमिटेडने अल्पवयीन मुलांसाठी भविष्य बचत खाता सादर केले आहे. ही बँक खाता योजना 10 ते 18 वर्ष या वयोगतातल्या मुलांसाठी आहे. लहानपणापासूनच बँकिंगची तसेच त्यांना बचत करण्याची सवय लावण्यासाठी ही योजना आहे.

पश्चिम बंगालच्या मुख्यमंत्री ममता बॅनर्जी यांच्या हस्ते सेल्फस्कॅन अॅपचे अनावरण करण्यात आले. पश्चिम बंगाल सरकारच्या माहिती तंत्रज्ञान विभागाने कागदपत्रांच्या स्कॅनिंगसाठी हे अॅप तयार केले आहे.