चालू घडामोडी सराव पेपर – 13 जुलै 2020

छत्तीसगड उच्च न्यायालयाचे मुख्य न्यायाधीश पी. आर. रामचंद्र मेनन यांनी बिलासपूर जिल्ह्यातल्या छत्तीसगड राज्य उच्च न्यायालयाच्या कॉन्फरन्स हॉलमधून भारताच्या पहिल्या ई-लोक अदालत चे उद्घाटन केले. हे ई-लोक अदालत हा राष्ट्रीय लोक अदालत रद्द झाल्यानंतर एक वैकल्पिक विवाद निवारण मंच आहे

आकाश क्षेपणास्त्राच्यासंदर्भात भारत डायनॅमिक लिमिटेड (BDL) आणि संरक्षण संशोधन व विकास संघटना (DRDO) यांच्या दरम्यान एक करार झाला. हा करार क्षेपणास्त्राच्या निर्मिती तंत्रज्ञानाचे हस्तांतरण करण्यासाठी आणि त्याचा परवाना प्रदान करण्याविषयीचा आहे.

11 जुलै 2020 रोजी युनियन बँक ऑफ इंडिया (UBI) या बँकेनी त्याचा मार्जिनल कॉस्ट ऑफ फंड्स बेस्ड लेंडिंग रेट (MCLR) 20 बेसिस पॉइंटने कमी केला. त्यामुळे नवा MCLR 7.40 टक्के झालामार्जिनल कॉस्ट ऑफ फंड्स बेस्ड लेंडिंग रेट (MCLR) (किरकोळ खर्च निधी आधारित कर्ज दर) किंवा बेस रेट हा RBIकडून निश्चित केलेला किमान दर आहे. त्यापेक्षा कमी दराने अर्जदारांना कर्ज देण्यासाठी बँकांना परवानगी नाही. नवीन निर्देशांनुसार, बँकांना वेगवेगळ्या कालावधीसाठी (रातोंरात, एक महिन्याचा, तीन महिन्यांचा, सहा महिन्यांचा आणि एक वर्षाचा असे) पाच बेंचमार्क कर्ज दर ठरवावे लागतात. बेस रेटची मोजणी MCLR गणनेनुसार केली जाते.

जम्मू व काश्मीर केंद्रशासित प्रदेशात जिल्हा विकास आयुक्त अनंतनाग के.के. सिधा यांच्या हस्ते एक राष्ट्र-एक रेशन कार्ड योजनेचे उद्घाटन झाले. एक राष्ट्र-एक रेशन कार्ड योजना 1 जून 2020 या तारखेपासून संपूर्ण भारतभर लागू झाली

आंतरराष्ट्रीय ऑलम्पिक समितीने (IOC) जाहीर केले की लॉसने (स्वित्झर्लंड) येथे असलेल्या त्यांच्या नवीन मुख्यालयाला युरोपियन 2020 यूएस ग्रीन बिल्डिंग कौन्सिल (USGBC) लीडरशिप अवॉर्डदेण्यात आला आहे.

भारतीय तुकडीने लेबनॉनमध्ये संयुक्त राष्ट्रसंघाची अंतरिम सेना (UNIFIL) या संस्थेचा वार्षिक पर्यावरण पुरस्कारांचा पहिला पुरस्कार जिंकला आहे. कचर्याची निर्मिती कमी करणे, प्लास्टिकचा पुनर्वापर करणे आणि हरितगृह उभारणे याबाबतीत केलेल्या उल्लेखनीय कार्यासाठी हा पुरस्कार दिला गेला आहे.

दरवर्षी 11 जुलै हा दिवस जागतिक लोकसंख्या दिन म्हणून जगभरात साजरा केला जातो. लोकसंख्यावाढीमुळे निर्माण होणाऱ्या प्रश्नांकडे लक्ष वेधण्यासाठी संयुक्त राष्ट्रसंघटनेच्या माध्यमातून हा दिवस जगभरात साजरा केला जातो. यावर्षीच्या लोकसंख्या दिनाचे उद्दीष्ट महिला आणि मुलींच्या आरोग्याविषयी आणि हक्काविषयी जागृती करणे हे आहे.

भारतात दर चार वर्षांनी होणाऱ्या राष्ट्रीय व्याघ्र गणना 2018 याच्या अहवालानुसार कॅमेराद्वारे केलेल्या जगातल्या सर्वात मोठ्या वन्यजीव सर्वेक्षणात भारतातल्या व्याघ्र गणनेनी नवीन गिनीज विश्व विक्रम स्थापित केला आहे. नव्या गणनेनुसार, देशात सुमारे 2967 वाघ आहेत. जागतिक व्याघ्र संख्येच्या 75 टक्के वाघांचे वस्तीस्थान भारत आहे.वेगवेगळ्या 141 क्षेत्रात 26,838 ठिकाणी कॅमेरे बसविण्यात आले होते आणि त्याद्वारे 121,337 चौरस किलोमीटर (46,848 चौरस मैल) क्षेत्रफळाचे प्रभावी सर्वेक्षण करण्यात आले. या सापळा रुपी कॅमेऱ्यांनी वन्यजीवांची 34,858,623 छायाचित्रे हस्तगत केली. त्यात 76,651 वाघ आणि 51,777 बिबट्या होते; बाकीचे इतर स्थानिक प्राणी होते.

पंतप्रधान नरेंद्र मोदी यांच्या आत्मनिर्भर भारत उपक्रमाच्या आवाहनाच्या अनुषंगाने भारतीय मोबाइल ॲप नाविन्यपूर्ण पद्धतीने विकसित करण्याच्या दिशेने एक महत्त्वाचे पाऊल म्हणून, नीती आयोगाच्या अटल इनोव्हेशन मिशनने (AIM) देशभरातल्या शालेय विद्यार्थ्यांसाठी ‘अटल टिंकरिंग लॅब (ATL) ॲप डेव्हलपमेंट मॉड्यूल सादर केले आहे ATL ॲप डेव्हलपमेंट मॉड्यूल हा एक ऑनलाईन अभ्यासक्रम असून पूर्णपणे मोफत आहे. 6 प्रकल्प-आधारित शैक्षणिक सामग्री पद्धती आणि ऑनलाईन मार्गदर्शक सत्राद्वारे तरुण नवनिर्माते विविध भारतीय भाषांमध्ये मोबाइल अॅप तयार करण्याचे शिकू शकतात आणि त्यांचे कौशल्य दाखवू शकतात. याव्यतिरिक्त, शालेय शिक्षकांमध्ये ॲप विकासासाठी क्षमता आणि कौशल्य तयार करण्यासाठी, अटल इनोव्हेशन मिशनच्या ॲप डेव्हलपमेंट अभ्यासक्रमात ठराविक कालांतराने शिक्षक प्रशिक्षण सत्र आयोजित केले जाणार आहेत..

भारताने ब्रिटनमधल्या 120 प्रकल्पांमध्ये गुंतवणूक केली असून भारत अमेरिकेच्या पाठोपाठ 2019 साली ब्रिटनमध्ये केल्या गेलेल्या FDI गुंतवणूकीच्या बाबतीत द्वितीय क्रमांकाचा सर्वात मोठा स्त्रोत बनला