चालू घडामोडी सराव पेपर – 14 जुलै 2020

केंद्रीय गृहमंत्री अमित शहा यांनी केंद्रीय सशस्त्र पोलीस दलांच्या (CAPF) देशव्यापी वृक्षारोपण मोहिमेच्या अंतर्गत गुरूग्राम येथील केंद्रीय राखीव पोलीस दल (CRPF) परिसरात पिंपळा चे रोप लावून मोहिमेचा शुभारंभ केला. या मोहिमेच्या अंतर्गत संपूर्ण देशभरात, दीर्घायुष्य असणारी अशी 1.37 कोटी रोपांची लागवड केली जाणार आहे

फ्लिपकार्ट या ई-कॉमर्स कंपनीने कर्नाटक राज्याच्या MSME आणि खनिकर्म विभागांशी सामंजस्य करार केला, ज्यामार्फत राज्यातल्या कला, हस्तकला आणि हातमाग क्षेत्रांना प्रोत्साहन दिले जाणार.

भारतीय औषधे महानियंत्रकाने कोविड-19 रुग्णांवर आणीबाणीच्या परिस्थितीत प्रतिबंधित वापरासाठी इटोलिझुमाब या औषधीला परवानगी दिली आहे. हे औषध मध्यम ते तीव्र स्वरूपाचा श्वसन त्रास होत असल्यास रूग्णांना दिले जाणार आहे. हे औषध बायोकोन लिमिटेड या कंपनीने विकसित केले आहे.

बोईंग CH-47 नावाच्या हलक्या लढाऊ हेलिकॉप्टरांची शेवटची खेप भारताला प्राप्त झाली आहे. ते चिनूक हेलिकॉप्टर या नावाने ओळखले जाते, जे एक अवजड भार उचलण्यास सक्षम असलेले हेलिकॉप्टर आहे.

भारतीय हवाई दलाला अपाचे हेलिकॉप्टरची शेवटची खेप प्राप्त झाली, जे बोईंग इंडिया या कंपनीने तयार केले आहेत. एकूण 22 AH-64E अपाचे हेलिकॉप्टरच्या मागणीपैकी शेवटचे पाच गाझियाबादच्या हिंडन तळावर दलाकडे सोपविण्यात आले

मोहम्मद मुश्ताक अहमद यांच्या जागी ज्ञानेंद्रो निंगोम्बाम (मणीपूर) ह्यांची हॉकी इंडियाचे नवीन अधिकृत अध्यक्ष म्हणून नेमणूक करण्यात आली आहे.

संयुक्त राज्ये अमेरिका या देशाने जागतिक आरोग्य संघटनेचे (WHO) सदस्यत्व सोडण्याची औपचारिकरित्या घोषणा केली आहे. कोविड-19 विषाणूच्या प्रसाराबाबत WHO कडून वेळेवर पाऊले उचलण्यात आलेली नाही असा आरोप करीत ही घोषणा करण्यात आली. अमेरिकेकडून WHOला दरवर्षी 400 दशलक्ष डॉलर एवढा निधी मिळतो.

केंद्रीय गृह मंत्रालयाकडून तयार केल्या जाणाऱ्या पोलीस ठाण्यांच्या वार्षिक मानांकन यादीत हिमाचल प्रदेशातले नादौन पोलीस ठाणे देशातील सर्वोत्कृष्ठ ठरले आहे.

ऊर्जा मंत्रालयाच्या अंतर्गत कार्यरत केंद्रीय सार्वजनिक उपक्रम आणि भारतातली सर्वात मोठी वीज निर्मिती कंपनी असलेली NTPC मर्यादित (राष्ट्रीय औष्णिक ऊर्जा महामंडळ) याने प्रतिष्ठित CII-ITC शाश्वतता पुरस्कार 2019 पटकावला आहे. कॉर्पोरेट उत्कृष्टता श्रेणीत उल्लेखनीय कामगिरीसाठी NTPCला हा पुरस्कार देण्यात आला आहे

मलबार सराव हा भारत, जापान आणि संयुक्त राज्य अमेरिका यांचा एक संयुक्त त्रिपक्षीय नौदल युद्धसराव आहे. 2020 साली आयोजित करण्यात येणाऱ्या या वार्षिक सरावात प्रथमच ऑस्ट्रेलियाला आमंत्रित करण्यात येणार आहे.