चालू घडामोडी सराव पेपर – 26 जुलै 2020

दिनांक 23 जुलै 1927 रोजी मुंबई शहरातून भारतात पहिले रेडिओ प्रसारण झाले. या घटनेच्या स्मृतीत दरवर्षी 23 जुलै या दिवशी देशात राष्ट्रीय प्रसारण दिन साजरा केला जातो.

पंजाब सरकारने कौशल्य विकासासाठी रोपार शहरातल्या भारतीय तंत्रज्ञान संस्था (IIT) सोबत सामंजस्य करार केला. कराराच्या अंतर्गत संस्थेचा तांत्रिक शिक्षण विभाग राज्यातल्या अभियांत्रिकी महाविद्यालयांचा सल्लागार म्हणून काम करणार आहे.

आंध्रप्रदेशच्या दुग्ध उद्योगाला आणखी चालना मिळावी या उद्देशाने आंध्रप्रदेश सरकारने 21 जुलै 2020 रोजी आनंद मिल्क युनियन लिमिटेड (AMUL) सोबत एक सामंजस्य करार केला आहे. या करारामुळे सरकारी क्षेत्रातल्या सार्वजनिक दुग्ध सहकारी संस्थांना प्रोत्साहन दिले जाणार आणि महिला बचत गटांना सक्षम करण्याचा प्रयत्न केला जाणार आहे.

रशिया देशाने प्रथमच थ्री डी प्रिंटिंग तंत्रज्ञानाद्वारे तयार केलेल्या MGTD-20 गॅस टर्बाइन इंजिन ची उड्डाण चाचणी पार पाडली. हे इंजिन विमानात वापरले जाणार आहे.

बँक ऑफ बडोदा या बँकेनी नवी कागद-विरहित इंस्टा क्लिक बचत खाता योजना सादर केली. हा डिजिटल ऑनलाइन बचत खाता आहे जे ग्राहकांना कोणत्याही विशेष मदतीशिवाय उघडता येते.

खासगी आणि सार्वजनिक क्षेत्रातल्या बँकांकडून दरमहा झालेल्या रोख व्यवहारांचा अहवाल प्राप्त करण्यासाठी केंद्रीय प्रत्यक्ष कर मंडळाने (CBDT) फायनान्शियल इंटेलिजन्स युनिट (FIU) याला केंद्रीय संस्था म्हणून नियुक्त केले आहे. काळा पैसा, दहशतवादाला वित्तपुरवठा, कर चुकवेगीरी आणि फसवणूक याबाबत संस्था तपास करणार आहे.

भारत आणि इस्रायल या देशांच्या शास्त्रज्ञांच्या संयुक्त प्रयत्नातून 30 सेकंदाच्या आत परिणाम देणारी अल्ट्रा-रॅपिड कोविड-19 चाचणी विकसित केली आहे

भारतात शिकाया कार्यक्रमाच्या अंतर्गत भारत सरकारच्या केंद्रीय मनुष्यबळ विकास मंत्रालयाने दिनांक 22 जुलै 2020 रोजी पहिल्यांदाच भारतीय शैक्षणिक मूल्यांकन (Ind-SAT) परीक्षा घेतली. राष्ट्रीय चाचणी संस्थेतर्फे (NTA) प्रक्षेपित आंतरजाल पद्धतीने घेतलेल्या या परीक्षेत नेपाळ, इथिओपिया, बांग्लादेश, भुटान, युगांडा, टांझानिया, रवांडा, श्रीलंका, केनिया, झांबिया, इंडोनेशिया आणि मॉरीशस या देशांमधून सुमारे पाच हजार उमेदवार सहभागी झाले होते.Ind-SAT परीक्षेत मिळालेल्या गुणांच्या आधारे भारतात शिका या कार्यक्रमाच्या अंतर्गत पदवी तसेच पदव्युत्तर अभ्यासक्रम पूर्ण करू इच्छिणाऱ्या विद्यार्थ्यांची शिष्यवृत्तीसाठी निवड केली जाणार आहे

22 जुलै 2020 रोजी एयरटेल पेमेंट्स बँकेनी राष्ट्रीय कौशल्य विकास महामंडळ (NSDC) सोबत ग्रामीण भारतातल्या तरुणांना वित्तीय सेवा उद्योग क्षेत्रात प्रशिक्षण देण्याकरिता नव्या भागीदारीची घोषणा केली. तरुणांना वित्तीय सेवा क्षेत्रातल्या कार्यांचे प्रशिक्षण दिले जाणार आहे.

निकाराग्वा हा आंतरराष्ट्रीय सौर युती (ISA) या सौर ऊर्जा निर्मिती क्षेत्रातल्या आंतरराष्ट्रीय भागीदारीमध्ये औपचारीकपणे सहभागी होणारा 87 वा देश ठरला आहे. देशाच्या प्रतिनिधींनी 22 जुलै 2020 रोजी ISAच्या कार्यचौकटीच्या संदर्भात असलेल्या करारावर स्वाक्षरी केली. निकाराग्वा हा मध्य अमेरिका उपखंडातला सर्वात मोठा देश आहे.2015 साली स्वीकारण्यात आलेल्या पॅरिस हवामान करारनाम्याच्या पार्श्वभूमीवर चालवला जाणारा आंतरराष्ट्रीय सौर युती (International Solar Alliance –ISA) कार्यक्रम हा सर्वसामन्यांना स्वच्छ आणि स्वस्त ऊर्जा उपलब्ध करून देण्यासाठी भारत आणि फ्रान्स या देशांच्या पुढाकाराने चालू करण्यात आलेला एक जागतिक उपक्रम आहे. भारतात हरयाणाच्या गुडगाव इथल्या राष्ट्रीय सौर ऊर्जा संस्था (NISE, गवलपहारी) येथे ISAचे मुख्यालय आणि अंतरिम सचिवालय आहे.