चालू घडामोडी सराव पेपर – 06 ऑगस्ट 2020

शशिधर जगदीशन ही HDFC बँकेचे नवे मुख्य कार्यकारी अधिकारी आहेत. ही नियुक्ती आदित्य पुरी यांच्या जागी झाली.

खडगपूरच्या भारतीय तंत्रज्ञान संस्थेला गांधीयन यंग टेक्नॉलॉजिकल इनोव्हेशन अवॉर्ड 2020 हा पुरस्कार देऊन गौरवांकीत केले गेले आहे. या संस्थेतल्या संशोधकांनी सूर्यप्रकाशात वाळत घातलेल्या ओल्या कपड्यांपासून वीज निर्मितीचे तंत्र विकसित करण्यात आले. त्यांच्या या संशोधनासाठी हा पुरस्कार देण्यात आला आहे. सोसायटी फॉर रिसर्च अँड इनिशिएटिव्ह्ज फॉर सस्टेनेबल टेक्नोलॉजीज अँड इन्स्टिट्यूशन (SRISTI) या संस्थेच्यावतीने हा पुरस्कार देण्यात आला आहे.

आंध्रप्रदेश सरकारने राज्यातल्या महिलांच्या सक्षमीकरणासाठी हिंदुस्तान युनिलिव्हर लिमिटेड (HUL), प्रॉक्टर अँड गॅम्बल (P G) आणि ITC लिमिटेड या संस्थांसोबत सामंजस्य करार केला आहे.राज्य सरकार 12 ऑगस्ट 2020 रोजी वाय.एस.आर. चेयुथा योजना लागू करणार असून त्याच्या अंतर्गत 45 ते 60 वर्षे या वयोगटातल्या अनुसूचित जाती, अनुसूचित जमाती, मागासवर्गीय आणि अल्पसंख्याक महिलांना 75 हजार रुपयांची (प्रत्येकी वार्षिक 15 हजार रुपये) आर्थिक मदत दिली जाणार आहे. तसेच सप्टेंबरमध्ये वाय.एस.आर. आसरा योजना देखील लागू करणार असून, त्याच्या अंतर्गत नऊ लक्ष महिला बचत गटांना आर्थिक मदत दिली जाणार.

जयदीप भटनागर यांची ऑल इंडिया रेडिओच्या (AIR) वार्ता सेवा विभागाचे नवीन महासंचालक म्हणून नियुक्ती करण्यात आली आहे. ही नियुक्ती 31 जुलै 2020 रोजी प्रधान महासंचालक म्हणून निवृत्त झालेल्या इरा जोशी यांच्या जागी झाली आहे.

केंद्रीय युवा कल्याण व क्रिडा मंत्री किरेन रीजीजू यांच्या अध्यक्षतेखाली 4 ऑगस्ट 2020 रोजी खेलो इंडिया योजनेच्या सर्वसाधारण परिषदेची पहिली बैठक झाली. क्रिडा आणि इतर मंत्रालयाचे अधिकारी या बैठकीला उपस्थित होते. तळागाळातील क्रिडा कौशल्याला वाव मिळावा, यासाठी दरवर्षी राज्यस्तरीय खेलो इंडिया क्रिडा स्पर्धा आयोजित कराव्या, अशी विनंती रीजीजू यांनी केली. या बैठकीत पाच क्षेत्रीय नैपुण्य निवड समित्यांची स्थापना करण्याबाबत चर्चा केली गेली. पूर्व, पश्चिम, उत्तर, दक्षिण आणि ईशान्य भागांसाठी या समित्या तयार करण्याचा प्रस्ताव आहे.

सहकार क्षेत्रात तरुणांचा सहभाग सुकर करण्यासाठी राष्ट्रीय सहकारी विकास महामंडळाच्यावतीने (NCDC) सहकार कूपट्यूब NCDC चॅनेल या नावाचा नवा उपक्रम राबविला जात आहे. 4 ऑगस्ट 2020 रोजी केंद्रीय कृषी व शेतकरी कल्याण मंत्री नरेंद्र सिंग तोमर यांच्या हस्ते याचे उद्घाटन झाले.

पेयजल व स्वच्छता विभागाचे सचिव परमेश्वरन अय्यर यांनी संपादित केलेल्या स्वच्छ भारत रेव्होल्यूशन या पुस्तकाचा हिंदीत अनुवाद करण्यात आला असून स्वच्छ भारत क्रांती हे शीर्षक पुस्तकाला देण्यात आले आहे.

मोहीम कोटक महिंद्रा बँकेनी कोना कोना उम्मीद मोहीमेचा प्रारंभ केला. बँकेला ग्राहकांपर्यंत पोहचवण्यासाठी बँक दोन महिन्यांची ही मोहीम राबावत आहे.

विमेन आंत्रेप्रेनेऊरशिप अँड एंपोवरमेंट (WEE) या संस्थेनी WEE कोहोर्ट या त्याच्या नवीन उपक्रमाचा प्रारंभ केला आहे. या कार्यक्रमामार्फत महिलांमध्ये व्यवहार्य म्हणून उद्योजकतेला प्रोत्साहन दिले जाणार. दिल्लीची भारतीय तंत्रज्ञान संस्था येथे महिलांच्या परिसंस्थेला बळकट करण्यासाठी हा भारताचा पहिलाच उपक्रम आहे. कार्यक्रमामार्फत दर सहा महिन्यांनी 30 महिलांना प्रशिक्षण दिले जाणार आहे.

जम्मू व काश्मीरला उर्वरित भारताशी जोडणार्या 111 किलोमीटर लांबीच्या रेलमार्गादरम्यान जगातला सर्वात उंच रेल्वे पूल चिनाब नदीवर बांधण्यात येत आहे. हा पूल चीनमधील बिपान नदीवरील शुईबई रेल्वे पुलाचा (275 मी) विक्रम मोडणार. काश्मीरच्या चिनाब नदीवर 359 मीटर (जवळजवळ 1177 फुट) एवढ्या उंचीवर हा रेल्वे पूल बांधण्यात येत आहे, जो पॅरिसच्या आयफेल टॉवरच्या उंचीपेक्षा 35 मीटर अधिक उंचीवर आहे. उधमपूर-श्रीनगर-बारमुल्ला रेलमार्गाचा हा एक महत्त्वाचा भाग आहे.