चालू घडामोडी सराव पेपर – 13 ऑगस्ट 2020

दरवर्षी 12 ऑगस्ट या दिवशी जगभरात आंतरराष्ट्रीय युवा दिन पाळला जातो. 2020 साली हा दिवस यूथ एंगेजमेंट फॉर ग्लोबल अॅक्शन या संकल्पनेखाली पाळला गेला. हा दिवस भावी पिढी आणि जगातील परिवर्तनाची प्रेरणा शक्ती म्हणून युवाशक्तीचे महत्त्व दर्शवितो.

केंद्रीय कृषी व शेतकरी कल्याण मंत्री नरेंद्र सिंह तोमर यांनी कृषी मेघया राष्ट्रीय कृषी संशोधन आणि शिक्षण प्रणालीचे उद्घाटन केले. ही प्रणाली क्लाऊड इन्फ्रास्ट्रक्चर आणि सेवांवर आधारित आहे.हैदराबाद शहरातल्या भारतीय कृषी संशोधन परिषद (ICAR) याच्या नॅशनल अकॅडेमी ऑफ अॅग्रिकल्चरल रिसर्च मॅनेजमेंट या संस्थेतल्या आपत्ती निवारण केंद्रासोबत नवी दिल्लीच्या ICAR-भारतीय कृषी सांख्यिकी संशोधन संस्थेच्या ICAR-डेटा सेंटरचे एकात्मीकरण करणार्या कृषी मेघस्थापना करण्यात आली आहे.याच्यामार्फत शेतकरी, संशोधक, विद्यार्थी आणि धोरणकर्ते यांना ICAR संस्था आणि राज्य कृषी विद्यापीठांनी डिजिटल स्वरुपात निर्माण केलेली शेती, संशोधन, शिक्षण आणि विस्तारासंदर्भात अद्ययावत आणि नवीन माहिती उपलब्ध झाली आहे.

वॉल्टर रॉजर मार्टोस रुईझ हे पेरू देशाचे नवे पंतप्रधान आहेत. ही नियुक्ती पेरूचे राष्ट्रपती मार्टिन विझकारा यांनी केली.पेरूचे प्रजासत्ताक हा दक्षिण अमेरिका खंडाच्या पश्चिम भागातला प्रशांत महासागराच्या किनार्यावरील एक देश आहे. लिमा हे देशाचे राजधानी शहर आहे आणि नुएव्हो सोल हे राष्ट्रीय चलन आहे.

रशियाच्या आरोग्य मंत्रालयाने कोविड-19 आजारावर विकसित करण्यात आलेल्या ‘लस’ची अधिकृत नोंदणी केली आहे. यासह नोंदणी करणारा तो जगातला पहिला देश ठरला आहे. रशियाच्या गामालिया इंस्टिट्यूट ऑफ अॅपिडेमियोलॉजी अँड मायक्रोबायोलॉजी या संस्थेनी ही लस विकसित केली आहे.

पाच इको टूरिझम क्षेत्रांच्या विकासासाठी भारताने मालदीव देशासोबत करार केला. अड्डू अटोल येथे या क्षेत्रांचा विकास केला जाणार आहे. या प्रकल्पासाठी मालदीवला 5.5 दशलक्ष डॉलरचे अनुदान देखील दिले जाणार आहे.

छत्तीसगडच्या जगदलपूर महानगरपालिकाने शहरी भागातल्या लोकांना वनपट्ट्याचे अधिकार देणाऱ्या प्रमाणपत्रांचे वाटप केले. शहरी भागात लोकांना वनभूमीचे प्रमाणपत्र वाटप करणारी ही भारतातली पहिली महानगरपालिका ठरली. पात्र अनुसूचित जमाती आणि इतर पारंपारिक वनवासीयांना वनभूमी भाड्याने देण्याची तरतूद वन हक्क कायद्यात आहे. जागतिक आदिवासी दिनी हा उपक्रम जाहीर करण्यात आला

देशाच्या स्वातंत्र्य लढ्यात आदिवासी लोकांनी केलेला त्याग आणि योगदानाला योग्य सन्मान प्राप्त करून देण्याच्या हेतूने आदिवासी कल्याण मंत्रालय आदिवासी स्वातंत्र्य सैनिक संग्रहालयउभारत आहे. ही संग्रहालये आदिवासींनी डोंगर-दऱ्यात आणि जंगलांमध्ये राहण्याच्या आणि इच्छेच्या अधिकारासाठी कसा लढा दिला याच्या इतिहासाचा मागोवा घेणार. ही संग्रहालये पुढील ठिकाणी उभारली जाणार राजपिपला (गुजरात), रांची (झारखंड), लंबसिंगी (आंध्रप्रदेश), रायपूर (छत्तीसगड), कोझिकोडे (केरळ), छिंदवाडा (मध्यप्रदेश), हैद्राबाद (तेलंगणा), सेनापती (मणीपूर), म्युलेन्गो, केलसिह (मिझोरम).

दिल्ली राज्य विधी सेवा प्राधिकरणाने व्हिडियो कॉन्फ्रेन्सच्या माध्यमातून प्रथमच आभासी लोक अदालत भरवली. न्यायमूर्ती धीरूभाई नारानभाई पटेल (मुख्य न्यायाधीश, दिल्ली उच्च न्यायालय) यांच्या मार्गदर्शनाखाली हे आयोजन करण्यात आले होते. या ई-लोक अदालतमध्ये मोटर अपघातांचा वाद, नागरी पुनर्प्राप्तीविषयक प्रकरणे, विद्युत अधिनियम प्रकरणे हाती घेण्यात आली आहेत. दिल्लीच्या जिल्हा न्यायालयात एकूण 5,838 प्रकरणे निकाली काढण्यात आली.

केंद्रीय माहिती व प्रसारण मंत्री प्रकाश जावडेकर यांनी उपराष्ट्रपतींच्या तिसऱ्या वर्षाच्या कारकीर्दीचा आढावा घेणारे कनेक्टिंग, कम्युनिकेटिंग, चेंजिंग हे शीर्षक असलेल्या ई-पुस्तकाचे प्रकाशन केले. या पुस्तकात उपराष्ट्रपतींच्या कारकिर्दीतल्या विविध घटना, कामे तसेच देश-विदेशातले दौरे यांची चित्रमय माहिती संकलित करण्यात आली आहे.

केंद्रीय जलशक्ती मंत्री गजेंद्र सिंग शेखावत यांच्या हस्ते स्वच्छ भारत मिशन अकादमी याचे उद्घाटन झाले. लोकांच्या स्वच्छतेसंबंधी वाईट सवयी बदलण्यासाठी आठवड्यापासून सुरू असलेल्या गंदगीमुक्त भारत या मोहिमेचा भाग म्हणून ही संस्था उभारण्यात आली आहे.स्वच्छ भारत मिशन अकादमी ही मोबाईल आधारीत तंत्रज्ञानासह स्वच्छाताग्रहींचे तसेच इतर सभासदांच्या प्रशिक्षणाचे उद्दिष्ट साध्य करणार. अकादमी अभ्यासक्रमामध्ये चार भाग असणार. सध्या अकादमीचे 60 मिनिटांचे प्रशिक्षण हिंदीमध्ये आहे आणि वापरकर्त्याला (18001800404) हा टोल फ्री क्रमांक डायल करावा लागणार.