चालू घडामोडी सराव पेपर – 16 ऑगस्ट 2020

तैवान देशाने अमेरिकेसोबत F-16 विमानांच्या खरेदी करारावर स्वाक्षरी केली आहे. करारानुसार, तैवान 66 नवीन लढाऊ विमानांची खरेदी करणार आहे. अमेरिकेची लॉकहीड मार्टिन कॉर्पोरेशन ही कंपनी F-16 विमान तयार करते.

पंतप्रधान नरेंद्र मोदी यांच्या हस्ते 13 ऑगस्ट 2020 रोजी व्हिडीओ कॉन्फरन्सिंगमार्फत “पारदर्शक करपद्धती – प्रामाणिकाचा सन्मान” (‘ट्रान्सपॅरेंट टॅक्सेशन ऑनरिंग द ऑनेस्ट ) यासाठीच्या नव्या मंचाचे उद्घाटन करण्यात आले आहे.केंद्रीय अप्रत्यक्ष कर व सीमाशुल्क मंडळाने कृत्रिम बुद्धिमत्ता तंत्रज्ञानावर आधारित असलेला “पारदर्शक करपद्धती – प्रामाणिकाचा सन्मान” यासाठीचा एक डिजिटल मंच तयार केला आहे. थेट कर सुधारणा आणि प्रामाणिकपणे कर भरणाऱ्या व्यक्तींचा सत्कार करणे हे या मंचाचे उद्दिष्ट आहे.

वायु गुणवत्तेच्या संबंधित विविध घटकांवर थेट दूरस्थ देखरेख ठेवण्यासाठी प्रा. राव ततावर्ती (गायत्री विद्या परिषद-वैज्ञानिक व औद्योगिक संशोधन केंद्र / GVP-SIRC याचे संचालक) आणि जीव्हीपी अभियांत्रिकी महाविद्यालय, विशाखापट्टणम इथल्या संशोधकांनी संयुक्तपणे स्वदेशी निर्मित AUM (एयर यूनिक-मॉनिटरिंग) फोटॉनिक यंत्रणातयार केली आहे. ही यंत्रणा भारत सरकारच्या विज्ञान व तंत्रज्ञान विभागाच्या स्वच्छ हवा संशोधन उपक्रमाच्या अंतर्गत विकसित केली गेली आहे. ही यंत्रणा कुठेही सुलभरीत्या हाताळण्याजोगी आहे.

संपूर्ण राज्य संविधानाच्या सहावी अनुसूची किंवा 371 या कलमाखाली आणले जावे, अशी मागणी अरुणाचल प्रदेश राज्याच्या राजकीय गटांकडून वारंवार केली जात आहे. अरुणाचल प्रदेश वर्तमानात पाचवी अनुसूची लागू आहे, जे मूळ निवासी लोकांना विशेष अधिकार प्रदान करीत नाही.सहाव्या अनुसूची अंतर्गत स्वायत्त जिल्हा परिषदांच्या स्थापनेच्या माध्यमातून मूळ निवासींच्या हक्काचे रक्षण करण्याचा प्रयत्न केला जातो.कलम 371(अ) यामध्ये असे म्हटले आहे की राज्य विधानसभेनी ठराव मान्य करून जोपर्यंत निर्णय घेत नाही तोपर्यंत संसदेचा कोणताही कायदा राज्यात अनेक भागात लागू केला जाऊ शकत नाही. वर्तमानात कलम 371(अ) अन्वये नागालँडचे प्रशासन चालते.

केंद्र सरकारने कोविड-19 लसीविषयीच्या प्रशासनासंबंधी एक राष्ट्रीय तज्ञ समिती नेमलेली आहे. या समितीच्या अध्यक्षपदी डॉ. व्ही.के. पॉल यांची नियुक्ती करण्यात आली आहे. ही समिती लस खरेदी-विक्री व्यवहारांच्या नैतिक पद्धतींच्या प्रशासनासंबंधी बाबींवर सल्ले देणार आहे.

तिबेटी बौद्धांचे धर्मगुरू असलेले 14 वे दलाई लामा यांनी अवर ओन्ली होम: ए क्लायमेट अपील टू द वर्ल्ड या शीर्षकाचे पुस्तक लिहिले.

इस्त्रायल देशाने अॅरो-2 नामक लक्ष्यभेदी आंतररोधी क्षेपणास्त्राची चाचणी घेतली. ही देशाची प्रगत क्षेपणास्त्र संरक्षण यंत्रणा आहे

संयुक्त अरब अमिराती (UAE) आणि इस्रायल या देशांमध्ये झालेल्या अब्राहम करारला 13 ऑगस्ट 2020 रोजी सहमती देण्यात आली आहे. हा एक शांती करार आहे. करारानुसार इस्रायल पॅलेस्टाईनचा वेस्ट बँक प्रदेश आपल्या ताब्यात घेण्याच्या त्याच्या योजना रद्द करणार आणि संयुक्त अरब अमिराती त्या प्रदेशाला औपचारिकरित्या इस्रायलचे एक राज्य म्हणून दर्जा देणार.यासह अब्राहम करारवर स्वाक्षरी करणारा संयुक्त अरब अमिराती पहिला पारशी आखाती देश तर इजिप्त (वर्ष 1979) आणि जॉर्डन (वर्ष 1994) नंतर तिसरा अरबी देश ठरला.

मॉरिटानिया देशाचे वर्तमान राष्ट्रपती मोहम्मद औल्द गाझौनी यांनी मोहम्मद औल्द बिलाल यांची मॉरिटानिया देशाच्या पंतप्रधान पदावर निवड केली. जवळजवळ 60 वर्षांपूर्वी मॉरिटानिया देशाने फ्रान्सपासून स्वातंत्र्य मिळविल्यानंतर 22 जून 2020 रोजी देशात पहिल्यांदाच निवडणुका घेतल्या गेल्या होत्या.मॉरिटानिया हा वायव्य आफ्रिकेतला एक देश आहे. नौकचोत हे राजधानी शहर आहे आणि ओउगुइया हे राष्ट्रीय चलन आहे.

इन्फोसिस फाऊंडेशनच्या अध्यक्षा सुधा मूर्ती यांना 2020 या वर्षासाठी ग्रामोदय बंधु मित्र पुरस्कार देऊन सन्मानित करण्यात आले आहे. या पुरस्काराने सन्मानित झालेल्या इतर व्यक्तींमध्ये शिवकुमार सुरमपुडी, गोविंदा राजुलु चिंतला (NABARDचे अध्यक्ष), विजय भाटकर, कुसम राजामौली, ब्रिज पोगुला गणेशम, विलास शिंदे आणि एस.पी. वर्मा ही आहेत.