चालू घडामोडी सराव पेपर – 17 ऑगस्ट 2020

नुकत्याच प्रसिद्ध करण्यात आलेल्या अमृत योजनेच्या कामगिरीविषयी 2020 सालाच्या मानांकन यादीत ओडिशा राज्याने प्रथम क्रमांक पटकावला आहे. या यादीत द्वितीय क्रमांकावर चंदीगड आणि तृतीय क्रमांकावर तेलंगणा राज्य आहे. केंद्र सरकारतर्फे लोकांच्या शहरी जीवनमानाचा दर्जा सुधारण्यासाठी स्वच्छ, शाश्वत व पर्यावरणपूर्वक शहरे तयार करण्याच्या उद्देशाने अटल मिशन फॉर रिज्युव्हनेशन अँड अर्बन ट्रान्सफॉर्मेशन (अमृत) या महत्वाकांक्षी अभियानाची घोषणा दिनांक 25 जून 2015 रोजी करण्यात आली होती. ही एक पंचवार्षिक योजना आहे. या योजनेच्या अंतर्गत पाणी व सांडपाणी व्यवस्थापन प्रकल्प चालवले जात आहेत.

15 ऑगस्ट 2020 रोजी नागालँड सरकारने स्थानिक व्यापार आणि उद्योजकतेला प्रोत्साहन देण्यासाठी विकसित केलेला यलो चेन नामक एकल खिडकी ई-वाणिज्य मंच कार्यरत केला. या मंचावर विक्रेते आपल्या सेवा व उत्पादने प्रदर्शित करणार आणि राज्याचे नागरिक त्या या मंचामार्फत मिळवू शकतात.

HDFC (गृहनिर्माण विकास व वित्त निगम) बँकेनी लष्करी व निमलष्करी व्यवसायिकांसाठी शौर्य KGC कार्ड नामक एक कृषीकर्ज साधन सादर केले. हे कार्ड किसान क्रेडिट कार्डच्या मार्गदर्शक तत्त्वावरच आधारित आहे. .

आसाम राज्य सरकारने राज्यातल्या महिलांच्या आर्थिक सक्षमीकरणासाठी ओरुणोदोई योजना लागू केली आहे. या योजनेच्या अंतर्गत लाभार्थ्यांची जिल्हानिहाय निवड केली जाणार आहे आणि त्यांना जवळपास 17 लक्ष गरीब कुटुंबांना प्रत्येकी दरमहा 830 रुपये मदत स्वरूपात दिले जाणार.

संरक्षण उत्पादन विभागाने सृजन / SRIJAN नामक एक वन स्टॉप शॉप डिजिटल व्यासपीठ तयार केले आहे, ज्यामार्फत उत्पादनांची स्वदेशी निर्मिती करण्यात येणार आहे त्यांच्या सामग्रीची माहिती पुरवठादार विक्रेत्यांना उपलब्ध होणार आहे. खासगी क्षेत्राकडून स्वदेशी निर्मिती करण्यात येणाऱ्या उत्पादनांची आणि त्यांच्या सामग्रीची माहिती या मंचावर उपलब्ध होणार आहे.

रसेल किर्श हे डिजिटल इमेजिंग या क्षेत्रातले एक नामवंत व्यक्तित्व होते. त्यांना डिजिटल छायाचित्रकारितेचे प्रणेते म्हणून देखील ओळखले जाते. त्यांनी पहिला डिजिटल इमेज स्कॅनर तयार केला होता आणि त्याद्वारे प्रथम डिजिटल स्कॅन केले होते. त्यांनी अमेरिकेच्या स्टँडर्ड इलेक्ट्रॉनिक ऑटोमॅटिक कॉम्प्यूटर (SEAC) नामक प्रथम प्रोग्रॅमेबल संगणकावर देखील काम केले होते.

भारतीय विज्ञान संस्था (IISc), बेंगळुरू आणि भारतीय अवकाश संशोधन संस्था (ISRO) या संस्थेच्या संशोधकांनी जिवाणु आणि गवार शेंगाच्या बियांचा वापर करून चंद्रावर विटांसारखी एक संरचना तयार करण्यासाठी एक टिकाऊ प्रक्रिया विकसित केली आहे.

भारत अर्थ मूव्हर्स मर्यादित (BEML) या संस्थेनी वैमानिक-रहीत विमानाच्या संयुक्त विकासासाठी कानपूरच्या भारतीय तंत्रज्ञान संस्थेसोबत (IIT) करार केला.

पश्चिम बंगाल सरकारने सुमारे एक लक्ष तरूणांना सॉफ्ट कर्ज व अनुदान देण्याच्या उद्देशाने कर्म साथी प्रकल्प ही योजना राबविण्यास सुरूवात केली.

पंजाब सरकार 92 कोटी रुपयांची पंजाब स्मार्ट कनेक्ट योजना राबवित आहे. या योजनेच्या माध्यमातून नोव्हेंबर 2020 पर्यंत 1.74 लक्षाहून अधिक विद्यार्थ्यांना स्मार्टफोन उपलब्ध करुन दिले जाणार आहे, जेणेकरून ते ऑनलाइन शिक्षण घेऊ शकणार.