चालू घडामोडी सराव पेपर – 19 ऑगस्ट 2020

केंद्र सरकारचे गृह मंत्रालय एखाद्या जिल्ह्याचे किंवा रेल्वे स्थानकाचे नाव बदलण्याला मान्यता देते. जेव्हा राज्य सरकार नाव बदलण्यासाठी विनंती करते, तेव्हा ही विनंती पृथ्वी विज्ञान मंत्रालय, रेल्वे मंत्रालय, टपाल विभाग आणि भारतीय भौगोलिक सर्वेक्षण अश्या इतर विभाग आणि संस्थांकडे पाठवली जाते आणि त्यांच्याकडून नाहरकत पत्र मिळवते.

राकेश अस्थाना यांची सीमा सुरक्षा दलाच्या (BSF) महासंचालक पदावर नेमणूक करण्यात आली आहे. ते पाकिस्तानसह सामायिक केलेल्या 2,280 कि.मी. लांबीच्या सीमेवर तैनात दलाचे पूर्णवेळ कार्यभार स्वीकारतील.

18 ऑगस्ट 2020 रोजी सुप्रसिद्ध शास्त्रीय गायक पंडित जसराज यांचे निधन झाले. पंडित जसराज भारतीय शास्त्रीय संगीत क्षेत्रातल्या प्रख्यात गायकांपैकी होते. पंडित जसराज यांना 2000 साली पद्म विभूषण या देशाचा दुसरा सर्वोच्च नागरी पुरस्काराने गौरवण्यात आले होते

मर्सिडीज संघाचा चलाक असलेला लेविस हॅमिल्टनने स्पॅनिश ग्रँड प्रीक्स 2020 ही फॉर्म्युला वन शर्यत जिंकली.

युरोपीय संघाने महाराष्ट्रातल्या गृहनिर्माण क्षेत्राविषयी महिलांना कौशल्य प्रदान करण्यासाठी 1 दशलक्ष युरो एवढी गुंतवणूक असलेल्या प्रकल्पाचा आरंभ केला आहे. या उपक्रमांतर्गत ओडिशा आणि महाराष्ट्र या राज्यांच्या चार जिल्ह्यांतल्या 3 हजार महिलांना नळजोडणी, विद्युत जोडणी अश्या कामांचे प्रशिक्षण दिले जाणार आहे. हा उपक्रम महाराष्ट्रातल्या उस्मानाबाद आणि बीड जिल्ह्यात तर ओडिशाच्या जाजपूर आणि धेंकनाल जिल्ह्यात राबविला जात आहे.

भारतीय रेल्वे मणीपूरमध्ये इजाई नदीवर जगातला सर्वाधिक उंचीवरचा पियर पूल बांधत आहे. नोनी जिल्ह्यातल्या मारंगचिंग गावाजवळ डोंगराळ भागात इजाई नदीवर हा पूल बांधण्यात येत आहे. पूलाची उंची 141 मीटर आहे, जी युरोपातल्या 139 मीटर उंचीच्या माला-रिजेका पूलापेक्षा अधिक आहे.

देशातली सर्वाधिक ऊर्जा निर्मिती करणारी कंपनी म्हणजेच NTPC लिमिटेड या कंपनीने दूरवरच्या सिमेंट प्रकल्पांना स्वस्त दरात कोळशाच्या राखेची वाहतूक करण्यासाठी उत्तरप्रदेशातल्या रिहांद प्रकल्पात पायाभूत सुविधेची उभारणी केली आहे. उत्तरप्रदेशातल्या टीकरिया शहरापासून 458 कि.मी. अंतरावरील ACC सिमेंट उत्पादक प्रकल्पाला कोळशाची राख पुरविण्यासाठी 3450 मेट्रिक टन (MT) कोळशाची राख वाहून नेणाऱ्या BOXN प्रकारच्या रेल्वे वॅगनच्या पहिल्या रेकला NTPCच्या रिहांद सुपर थर्मल पॉवर स्टेशनचे कार्यकारी संचालक बालाजी अय्यंगार यांनी 16 ऑगस्ट 2020 रोजी हिरवा झेंडा दाखविला.

पंतप्रधान नरेंद्र मोदी यांनी स्वातंत्र्य दिनी वन सन, वन वर्ल्ड, वन ग्रिड (OSOWOG) या उपक्रमाची घोषणा केली. OSOWOG उपक्रमाच्या अंतर्गत एकाच पॉवर ग्रीडद्वारे पूर्व आशिया, पश्चिम आशिया, आफ्रिका प्रदेश आणि मध्य-पूर्व प्रदेशातल्या 140 देशांना जोडण्याचा प्रस्ताव तयार केला जात आहे. हा जगभरात सौर ऊर्जा पुरवठा करणारा एक आंतर-राष्ट्र पॉवर ग्रीड प्रकल्प असणार आहे.

छत्तीसगड सरकार पढाई तुहार परा योजना राबवित आहे. हा एक ऑनलाइन शिक्षण मंच आहे. या योजनेनुसार कोविड-19 महामारीमुळे शिक्षणातला अडथळा दूर करण्यासाठी विद्यार्थी त्यांच्या आसपासच्या भागातच अभ्यास करू शकणार. ग्रामीण भागात या योजनेचा फायदा सुमारे 22 लक्ष मुलांना होणार.

नेपाळ देशात 900 मेगावॅट क्षमता असणाऱ्या अरुण-III जलविद्युत प्रकल्पाची बांधणी करण्यासाठी भारत मदत करीत आहे. हा प्रकल्प अरुण नदी बांधण्यात येणार आहे.