चालू घडामोडी सराव पेपर – 20 ऑगस्ट 2020

आंतरराष्ट्रीय सौर युती (ISA) या संस्थेच्यावतीने 8 सप्टेंबर 2020 रोजी प्रथम जागतिक सौर तंत्रज्ञान शिखर परिषद; आयोजित करण्यात येणार आहे. अत्याधुनिक तंत्रज्ञान तसेच पुढील पिढीच्या तंत्रज्ञानावर प्रकाशझोत टाकणे हे या कार्यक्रमाचे उद्दीष्ट आहे.तंत्रज्ञान व वित्त खर्च कमी करणे आणि त्याद्वारे 1000 गिगावॅट क्षमतेची सौर ऊर्जा तैनात करण्याची सुविधा आणि सदस्य देशांमध्ये 2030 सालापर्यंत 1,000 अब्ज डॉलर या रकमेपेक्षा अधिक संसाधने सौर ऊर्जेसाठी एकत्रित करणे हे ISA या क्रियाशील संस्थेचे उद्दिष्ट आहे. ही संघटना सार्वत्रिक ऊर्जा प्रसार लक्ष्य (SDG7) साध्य करण्यात महत्त्वपूर्ण भूमिका बजावू शकते. ISAमध्ये 121 सदस्य देश आहेत. ISAचे मुख्यालय गुरुग्राम, हरयाणा येथे आहे.

राज्यपाल सत्यपाल मलिक यांची गोव्यातून बदली करण्यात आली आहे. मलिक यांची मेघालयाचे राज्यपाल म्हणून नियुक्ती करण्यात आली आहे. तर गोव्याच्या राज्यपालाचा अतिरिक्त पदभार हा महाराष्ट्राचे राज्यपाल भगतसिंग कोश्यारी यांच्याकडे देण्यात आला आहे.

अटल बिहारी वाजपेयी यांच्या नावावरून ग्वाल्हेर-चंबळ द्रुतगती मार्गाचे नाव ठेवले जाणार आहे. श्री अटल बिहारी वाजपेयी चंबळ प्रोग्रेसवे हा मध्यप्रदेशातला 300 किलोमीटर लांबीचा मार्ग आहे. सुमारे सहा हजार कोटी रुपये खर्चून सहा पदरी मार्ग विकसित केला जात आहे, जो राज्यातल्या शेओपूर, मोरेना आणि भिंड जिल्ह्यांना राजस्थान आणि उत्तरप्रदेशाच्या सीमावर्ती भागांना जोडणार.

17 ऑगस्ट 2020 रोजी आदिवासी कल्याण मंत्रालयाने आदिवासी लोकांचे आरोग्य व पोषण विषयक स्वास्थ्य नामक एका डिजिटल मंचाची घोषणा केली. भारतातल्या आदिवासींची आरोग्य आणि पोषण याविषयक माहिती एकाच व्यासपीठावर उपलब्ध करून देणारे हे पहिलेच ठिकाण आहे. हा मंच पुरावा, कौशल्य आणि अनुभवांची देवाणघेवाण सुलभ करण्यासाठी अभिनव पद्धती, संशोधनाचे संक्षिप्त तपशील, प्रकरणे आणि भारतातल्या विविध भागांतून गोळा केलेल्या सर्वोत्तम पद्धती उपलब्ध करून देणार.

मुंबईचे MCX (मल्टी कमोडिटी एक्सचेंज) 24 ऑगस्ट 2020 रोजी MCX iCOMDEX बुलियन इंडेक्स विषयी फ्युचर्स कॉन्ट्रॅक्ट सादर करणार आहे. त्याला बुलडेक्स असे नाव देण्यात आले आहे. मोठ्या प्रमाणात सुवर्ण आणि चांदीचा व्यापार करण्यासाठी हा मंच तयार करण्यात आला आहे.

दरवर्षी 19 ऑगस्ट या दिवशी संयुक्त राष्ट्रसंघाच्या नेतृत्वात जागतिक मानवतावाद दिनपाळला जातो. जागतिक मानवतावाद दिन संयुक्त राष्ट्रसंघाच्या आपत्कालीन मदतीच्या समन्वयाच्या बळकटीकरणासाठी स्वीडिश-प्रायोजित ठरावाच्या पार्श्वभूमीवर संयुक्त राष्ट्रसंघाच्या आमसभा (UNGA) यांच्या नेतृत्वात पाळला जातो. 19 ऑगस्ट 2003 रोजी संयुक्त राष्ट्रसंघाच्या बगदादमधील मुख्यालयी झालेल्या दहशतवादी हल्ल्यात 22 लोक ठार झाले होते. त्यावेळी इराकमधील संयुक्त राष्ट्रसंघाचे प्रमुख प्रतिनिधी सर्जिओ व्हिएरा डी मेलो यांनी आपले प्राण गमावले होते. या घटनेच्या पाच वर्षांनंतर 19 ऑगस्ट या तारखेला जागतिक मानवतावाद दिनम्हणून घोषित करण्यात आले.

सेवानिवृत्त एअर व्हाईस मार्शल अर्जुन सुब्रमण्यमहे फुल स्पेक्ट्रम इंडियाज वॉर्स, 1972-2020′ हे शीर्षक असलेल्या पुस्तकाचे लेखक आहेत

भारत-संयुक्त अरब अमिराती संयुक्त आयोगाची 14 वी बैठक अबू धाबी या शहरात होणार आहे. ही बैठक ऑगस्ट 2021 या महिन्यात होणार आहे.आयोगाची 13 वी बैठक ऑगस्ट 2020 या महिन्यात झाली. बैठकीच्या अध्यक्षस्थानी भारतीय परराष्ट्रमंत्री डॉ. सुब्रह्मण्यम जयशंकर आणि संयुक्त अरब अमिरातीचे परराष्ट्र कल्याण मंत्री शेख अब्दुल्ला बिन जाएद अल नाह्यान हे होते.

केंद्रीय मनुष्यबळ विकास मंत्रालयाने अटल रँकिंग ऑफ इंस्टीट्यूशन्स ऑन इनोव्हेशन अचिव्हमेंट्स (ARIIA 2020)जाहीर केले. हा मनुष्यबळ विकास मंत्रालयाचा उपक्रम असून, विद्यार्थी आणि प्राध्यापकांमध्ये नवसंशोधन, स्टार्टअप उद्योग आणि उद्योजकता विकासाशी संबंधित निर्देशकांवर भारतातल्या उच्च शिक्षण संस्था आणि विद्यापीठांना योग्य क्रमवारी प्रदान करण्यासाठी केंद्र सरकारच्या AICTE आणि मंत्रालयाच्या नवसंशोधन विभागाद्वारे या उपक्रमाची अंमलबजावणी केली जातेराष्ट्रीय महत्त्व असलेली संस्था, केंद्रीय विद्यापीठे; श्रेणीच्या अंतर्गत पहिला क्रमांक – भारतीय तंत्रज्ञान संस्था, मद्रास (द्वितीय: IIT मुंबई; तृतीय: IIT दिल्लीसरकारी व सरकार अनुदानित विद्यापीठे श्रेणीच्या अंतर्गत पहिला क्रमांक रासायनिक तंत्रज्ञान संस्था, मुंबई, महाराष्ट्र

अश्विनी कुमार शुक्ला यांची सेंट्रल बँक ऑफ इंडिया या बँकेच्या मुख्य जोखीम अधिकारी पदावर नियुक्ती केली आहे.