चालू घडामोडी सराव पेपर 30 ऑगस्ट 2020

उत्तरप्रदेश सरकारच्यावतीने NRI युनिफाइडसंकेतस्थळ कार्यरत करण्यात आले आहे. परदेशी भारतीय आणि अनिवासी भारतीयांच्या घराशी संबंधित समस्या तसेच स्थानिक प्रशासनाशी संबंधित समस्या सोडविण्यात हे व्यासपीठ सोयीचे ठरणार.

27-28 ऑगस्ट रोजी नवी दिल्लीमध्ये राष्ट्रीय उर्दू भाषा प्रसार परिषद (NCPUL) यांच्यावतीने जागतिक उर्दू परिषदचे आयोजन करण्यात आले होते.

केंद्रीय वाणिज्य व उद्योग मंत्री पीयूष गोयल यांच्या हस्ते नॅशनल GIS-अनेबल्ड लँड बँक सिस्टम याचा ई-शुभारंभ केला गेला. ही प्रणाली राज्याच्या भौगोलिक माहिती प्रणाली (GIS) प्रणालींसोबत औद्योगिक माहिती प्रणालीच्या एकत्रिकरणाने विकसित केली गेली आहे. सर्वप्रथम, ही प्रणाली सहा राज्यांसाठी सुरू करण्यात आली आहे.

नॅशनल सेक्युरीटी चॅलेंजेस: यंग स्कॉलर्स पर्स्पेक्टिव्ह या शीर्षकाचे पुस्तक फील्ड मार्शल सॅम मानेकशॉ यांच्या जीवनावर लिहिलेले आहे. ते 1971 साली झालेल्या भारत-पाकिस्तान युद्धाचे रणनीतिकार होते ज्यायोगे बांगलादेशची सुटका झाली.

HDFC बँकेनी डिजिटल ग्राहकांचे अनुभव वाढविण्यासाठी एडोब नामक सॉफ्टवेअर कंपनीसोबत एक करार केला आहे. या सहयोगातून एडोब एक्सपीरियन्स क्लाउड सोल्यूशन्स प्रणाली बँकेला उपलब्ध करून दिली जाणार आहे.

दिल्ली सरकारने विद्यार्थ्यांसाठी स्वस्थ शरीर, स्वस्थ मन मोहीमेचा आरंभ केला आहे. या कार्यक्रमाच्या अंतर्गत दर बुधवारी एक चलचित्रपट अपलोड करण्यासाठी एक यूट्यूब चॅनेल तयार करण्यात आले आहे, जे विद्यार्थ्यांना निरोगी राहण्याचा मंत्र देणार.

आदिवासी कल्याण मंत्रालयाच्या अंतर्गत स्थापना झालेल्या एकलव्य मॉडेल निवासी शाळा (EMRS) याच्या शिक्षकाची प्रथमच राष्ट्रीय शिक्षक पुरस्कार साठी निवड झाली आहे. त्यांचे नाव आहे, कु. सुधा पाईनुली. सुधा पाईनुली या EMRS शाळा, कलसी (देहरादून, उत्तराखंड) येथे उप-प्राचार्य पदावर रुजू आहेत. यंदा म्हणजेच 2020 या वर्षी एकूण 47 शिक्षकांना राष्ट्रीय शिक्षक पुरस्काराने सन्मानित करण्यात येणार आहे.भारताचे दुसरे राष्ट्रपती डॉ. सर्वपल्ली राधाकृष्णन यांच्या जयंतीनिमित्त दरवर्षी 5 सप्टेंबर या दिवशी देशात राष्ट्रीय शिक्षक दिन साजरा केला जातो. हा दिवस देशाच्या प्रगतीसाठी कुशल मनुष्यबळ निर्माण करणार्या शिक्षकांच्या सन्मानार्थ पाळला जातो. या दिवशी राष्ट्रीय शिक्षक पुरस्काराचे वितरण करण्यात येते. या पुरस्काराची स्थापना वर्ष 1958 मध्ये झाली. पुरस्कार म्हणून पदक, प्रमाणपत्र, 50 हजार रूपये रोख रक्कम दिली जाते.

8 ऑगस्ट 2020 रोजी केंद्रीय इलेक्ट्रॉनिक्स व माहिती तंत्रज्ञान मंत्री रवी शंकर प्रसाद यांच्या हस्ते चुनौती – नेक्स्ट जनरेशन स्टार्ट-अप चॅलेंज स्पर्धेची सुरुवात झाली. या स्पर्धेच्या माध्यमातून स्टार्टअप उद्योगांना प्रोत्साहन दिले जाणार आणि सॉफ्टवेअर उत्पादने तयार करण्यात येणार आहेत. याअंतर्गत श्रेणी-II शहरांवर विशेष लक्ष पुरवण्यात येणार आहे. या कार्यक्रमासाठी सरकारने तीन वर्षांसाठी 95.03 कोटी रुपयांच्या निधीची तरतूद केली आहे. या कार्यक्रमाच्या माध्यमातून निश्चित केलेल्या क्षेत्रांमध्ये 300 स्टार्टअप उद्योगांचा शोध घेणे आणि त्यांना 25 लक्ष रुपयांपर्यंत निधी आणि इतर सुविधा प्रदान करण्यात येणार आहे.

28 ऑगस्ट 2020 रोजी भारत-सिंगापूर संरक्षण धोरणासंबधी चर्चासत्र ची 14वी फेरी व्हीडिओ कॉन्फरन्सिंगच्या माध्यमातून नवी दिल्ली येथे पार पडली. यात संरक्षण सचिव डॉ. अजय कुमार आणि सिंगापूरचे सचिव (संरक्षण) चान हेंग नी यांनी संयुक्त अध्यक्षपद भुषवले. यावेळी भारत आणि सिंगापूरमधील अनेक द्विपक्षीय संरक्षण संबधांविषयी द्विपक्षीय चर्चा पार पडली.चर्चासत्राच्या अखेरीस भारत आणि सिंगापूरमध्ये मानवतावादी दृष्टीकोनातून सहाय्य आणि आपत्ती दरम्यान सहाय्य (HADR) यासाठीच्या अंमलबजावणीचे व्यवस्थापन या दस्तऐवजावर स्वाक्षऱ्या झाल्या.

भारत देशात 2021 BRICS खेळ या स्पर्धांचे आयोजन केले जाणार आहे. वर्ष 2021 मध्ये भारताला BRICS (ब्राझील, रशिया, भारत, चीन आणि दक्षिण आफ्रिका) या आंतरराष्ट्रीय गटाचे अध्यक्षपद मिळणार आहे.