चालू घडामोडी सराव पेपर 31 ऑगस्ट 2020

केरळच्या कोची शहरातल्या बंदरावर प्लास्टिकचा कचरा हाताळण्यासाठी एक सुविधा ऑगस्ट 2020 या महिन्यात कार्यरत करण्यात आली. प्रकल्पात पुनर्वापरायोग्य प्लास्टिकची विल्हेवाट लावली जाणार आहे. या उपक्रमास कोचीन शिपयार्ड लिमिटेड आणि स्टील इंडस्ट्रीज केरळ लिमिटेड यांनी सहकार्य केले आहे.

रशियाने जगातल्या सर्वात मोठ्या अणूबॉम्बच्या स्फोटाच्या चाचणीचा 40 मिनिटांचा एक चलचित्रपट प्रसिद्ध केला आहे. सोव्हिएत संघाने (आत्ताचे रशिया) शीत युद्धादरम्यान त्याच्या झार बॉम्ब(Tsar Bomba) याची चाचणी 30 ऑक्टोबर 1961 रोजी घेतली होती. तो अमेरिकेने जापानच्या हिरोशिमावर टाकलेल्या अणूबॉम्बपेक्षाही महासंहारक होता. तो अणूबॉम्ब 3333 पट अधिक शक्तीशाली होता.

आसाम राज्यात मंगलदोई या शहरात कौशल्य विद्यापीठची स्थापना केली जाणार आहे आणि यासंबंधीच्या प्रस्तावाला राज्य मंत्रिमंडळाने मान्यता दिली आहे. ही विद्यापीठ सिंगापूर सरकारच्या मदतीने उभारले जाणार आहे.

बंगळुरू शहरात 3 ते 5 फेब्रुवारी 2021 या कालावधीत एरो इंडिया प्रदर्शनी आयोजित केली जाणार आहे. परंपरागत ठिकाणी कार्यक्रम आयोजित करण्यासंबंधीचा निर्णय संरक्षण मंत्रालयाने तत्वतः घेतला आहे

दरवर्षी 29 ऑगस्ट या दिवशी तेलुगू भाषा दिन साजरा केला जातो.तेलुगू ही प्रामुख्याने भारतीय उपखंडात बोलली जाणारी द्राविड भाषाकुळातली भाषा आहे. भारतातल्या आंध्रप्रदेश आणि तेलंगणा या राज्यांची ही राजभाषा आहे. तिचा भारतीय प्रजासत्ताकाच्या 22 अधिकृत अनुसूचित भाषांमध्ये समावेश आहे.

“क्रिडा क्षेत्रातल्या उत्कृष्ठ कामगिरीसाठी भारत सरकारच्यावतीने दरवर्षी क्रिडा पुरस्कार दिले जातात. क्रिडामंत्री किरेन रिजीजू यांनी राष्ट्रीय क्रिडा पुरस्कारांच्या रकमेत वाढ करण्यात आल्याची घोषणा केली आहे. 2020 वर्षापासून वाढीव मानधन पुढीलप्रमाणे आहेराजीव गांधी खेल रत्न पुरस्कार – 25 लक्ष रुपये (पूर्वी 7.5 लक्ष)
अर्जुन पुरस्कार 15 लक्ष रुपये (पूर्वी 5 लक्ष)
द्रोणाचार्य पुरस्कार – 10 लक्ष रुपये (पूर्वी 5 लक्ष)
ध्यानचंद जीवनगौरव पुरस्कार – 15 लक्ष रुपये (पूर्वी 5 लक्ष)चार वर्षे क्रिडा क्षेत्रातल्या नेत्रदीपक आणि सर्वाधिक उत्कृष्ट कामगिरीबद्दल राजीव गांधी खेल रत्न पुरस्कार दिला जातो. चार वर्षे सातत्याने सर्वोत्कृष्ट कामगिरी करणाऱ्या खेळाडूला अर्जुन पुरस्कार दिला जातो. प्रतिष्ठित आंतरराष्ट्रीय क्रिडा स्पर्धांमध्ये पदक विजेते खेळाडू तयार करणाऱ्या प्रशिक्षकांना द्रोणाचार्य पुरस्कार दिला जातो. क्रिडा विकासासाठी आजीवन योगदानासाठी ध्यानचंद पुरस्कार आणि राष्ट्रीय खेल प्रोत्साहन पुरस्कार व्यवसायिक संस्थाना (खासगी आणि सार्वजनिक क्षेत्र अशा दोन्ही) आणि क्रिडा प्रोत्साहन व विकासाच्या क्षेत्रात ज्यांनी उल्लेखनीय भूमिका बजावली आहे अशांना दिला जातो. आंतर-विद्यापीठ स्पर्धेत एकूणच सर्वोत्तम कामगिरी करणाऱ्या विद्यापीठाला मौलाना अबुल कलाम आझाद करंडक दिला जातो. साहसी क्रिडा प्रकारात टेनझिंग नॉरगे राष्ट्रीय साहसी पुरस्कार दिला जातो.”

केरळ सरकारच्या मत्स्यव्यवसाय विभागाने पूर्णपणे सुसज्ज अशी प्रतीक्षा नामक सागरी रुग्णवाहिका सेवेत कार्यरत केली आहे. नौकेला विझिंजाम बंदरावर तैनात करण्यात आले आहे. आणखी दोन कारुण्य आणि प्रत्यषा रुग्णवाहिका कोचीन शिपयार्ड लिमिटेड तयार करीत आहे.

29 ऑगस्ट हा दिवस ख्यातनाम हॉकीपटू मेजर ध्यानचंद यांच्या स्मृतीत राष्ट्रीय क्रिडा दिन म्हणून देशभरात साजरा केला जातो. क्रिडा दिनानिमित्त, राष्ट्रपतींच्या हस्ते राष्ट्रीय क्रिडा आणि साहस पुरस्कार यांचे वाटप करण्यात येते.

दिनेश कुमार खारा हे भारतीय स्टेट बँकेचे (SBI) नवे अध्यक्ष आहेत. ते रजनीश कुमार यांच्याकडून 7 ऑक्टोबर 2020 रोजी पदभार सांभाळणार.

4 सप्टेंबर व 5 सप्टेंबर 2020 रोजी शांघाय सहकार्य संघटना (SCO) देशांच्या संरक्षण मंत्र्यांची वार्षिक बैठक घेण्याचे नियोजित आहे. रशियाकडे अध्यक्षपद असल्यामुळे बैठक मॉस्को शहरात घेतली जाणार आहे.शांघाय सहकार संघटना (Shanghai Cooperation Organisation -SCO) याची 2001 साली स्थापना झाली. त्याचे बिजींग (चीन) येथे मुख्यालय आहे. चीन SCO चा संस्थापक देश आहे. भारत 2017 साली समुहाचा पूर्ण सदस्य बनला. वर्तमानात रशियाकडे समूहाचे अध्यक्षपद आहे. समूहामध्ये चीन, रशिया, कझाकिस्तान, किर्गिजस्तान, ताजिकिस्तान, उज्बेकिस्तान, भारत आणि पाकिस्तान या देशांचा समावेश आहे