चालू घडामोडी सराव पेपर 01 सप्टेंबर 2020

सप्टेंबर 2020 महिन्यात रशियात होणार्या बहुराष्ट्रीय कावकाझ 2020 नामक युद्धसरावात भारताने आपली तुकडी पाठविण्यास नकार दिला आहे. दक्षिण रशियातील अस्त्रखान भागात 15 सप्टेंबर ते 26 सप्टेंबर या कालावधीत मोठा युद्धसराव होणार आहे. शांघाय सहकार्य संघटनेचे (SCO) सदस्य असलेले भारताव्यतिरिक्त चीन, पाकिस्तान, रशिया, कझाकिस्तान, किर्गिस्तान, ताजिकिस्तान आणि उझबेकिस्तान याखेरीज इतर 11 देश या रशियातील युद्धसरावात सहभागी होणार होते.

केंद्रीय औद्योगिक सुरक्षा दलाने (CISF) संस्थेच्या सेवानिवृत्त कर्मचार्यांसाठी पेंशन कॉर्नर नावाचे मोबाईल अॅप तयार केला आहे. या अॅपचा वापर कर्मचार्यांच्या सर्व गरजा भागविण्यासाठी होणार आहे.

दरवर्षी 29 ऑगस्ट रोजी आंतरराष्ट्रीय अणुचाचणी विरोधी दिन साजरा केला जातो. 2020 या वर्षी हा दिवस एंब्रेस ए वर्ल्ड फ्री ऑफ न्यूक्लियर वेपन्स या संकल्पनेखाली साजरा करण्यात आला आहे.

मर्सिडीज संघाचा चालक असलेल्या लेविस हॅमिल्टनने बेल्जियम ग्रँड प्रिक्स 2020 ही एफ-वन शर्यत जिंकली.

रिलायन्स रिटेल व्हेन्चर्स लिमिटेड कंपनीने किशोर बियानी यांच्या मालकीचा फ्युचर रिटेल व्यवसाय विकत घेतल्याची घोषणा केली आहे.

ऑगस्ट 2020 महिन्यात न्युझीलँडच्या न्युझीलँड्स एक्सचेंज (NZX) लिमिटेड यावर डिस्ट्रिबुटेड डेनियल ऑफ सर्विस (DDOS) नामक सायबर हल्ला झाला. सलग चौथ्या दिवशी सायबर हल्ल्याचा फटका बसल्यानंतर न्युझीलँडच्या संचार सुरक्षेकडे मदत मागितली आहे.

5.5 अब्ज डॉलर एवढी वार्षिक उलाढाल असलेली अमूल कंपनी ही रोबोबँक संस्थेच्या वैश्विक शीर्ष 20 दुग्ध कंपन्यांच्या यादीमध्ये समाविष्ट केली गेली आहे आणि अमूल कंपनीला 16 वा क्रमांक मिळाला. ती या यादीमध्ये समाविष्ट केली गेलेली पहिली भारतीय दुग्ध कंपनी बनली. 22.1 अब्ज डॉलर एवढी वार्षिक उलाढाल असलेली स्वित्झर्लंडची नेस्ले कंपनी या यादीत पहिला क्रमांक मिळाला. द्वितीय क्रमांकावर 21 अब्ज डॉलरच्या उलाढालीसह फ्रान्सची लॅक्टलिस कंपनी आहे.

सरासरी मासिक वेतन याच्या बाबतीत Picodi.com कडून जाहीर करण्यात आलेल्या 106 देशांच्या जागतिक क्रमवारीमध्ये भारताचा क्रमांक 72 वा आहे. भारतात सरासरी मासिक वेतन रु. 32,800 किंवा 437 डॉलर एवढे आहे. रु. 4,49,000 किंवा 5,989 डॉलर इतक्या सरासरी मासिक वेतनासह स्वित्झर्लंड देशाला या यादीत पहिला क्रमांक मिळाला आहे. तर द्वितीय लक्समबर्ग आणि तृतीय क्रमांक अमेरिका देशाला मिळाले.

ASEAN समूह आणि भारत या देशांच्या अर्थ मंत्र्यांची ‘8 वी पूर्व आशिया शिखर परिषद आणि ‘17 वी सल्ला-मसलत बैठक आभासी पद्धतीने 29 ऑगस्ट 2020 रोजी घेण्यात आली. बैठकीला ASEAN समूहाच्या सर्व 10 देशांचे प्रतिनिधी आणि भारताच्यावतीने केंद्रीय वाणिज्य व उद्योग तसेच रेल्वे मंत्री पीयूष गोयल ही उपस्थित होते. परिषदेत व्हिएतनामचे उद्योग मंत्री त्रान तुआन अन्ह यांनी अध्यक्षपद भूषवले. पीयूष गोयल आणि व्हिएतनामचे उद्योग मंत्री त्रान तुआन अन्ह यांनी बैठकीचे अध्यक्षपद संयुक्तपणे भूषवले.आग्नेय आशियाई राष्ट्र संघ (Association of Southeast Asian Nations -ASEAN) ही आग्नेय आशियामधली एक राजकीय व आर्थिक संघटना आहे. त्याची स्थापना इंडोनेशिया, मलेशिया, फिलिपाईन्स, सिंगापूर व थायलँड या देशांनी 8 ऑगस्ट 1967 रोजी केली. जकार्ता (इंडोनेशिया) शहरात त्याचे मुख्यालय आहे. आज समूहात ब्रुनेई, कंबोडिया, इंडोनेशिया, लाओस, मलेशिया, म्यानमार, फिलिपिन्स, सिंगापूर, थायलँड आणि व्हिएतनाम या 10 देशांचा समावेश आहे.

FIDE ऑनलाइन बुद्धिबळ ऑलिम्पियाड 2020 स्पर्धेच्या अंतिम सामन्यात रशिया आणि भारत संघ संयुक्त विजेता ठरले. ऑनलाईन बुद्धिबळ ऑलिम्पियाडमध्ये भारत पहिल्यांदा विजेता ठरला आहे. आंतरराष्ट्रीय बुद्धिबळ महासंघाने (FIDE) प्रथमच ऑनलाईन स्वरूपात ऑलिम्पियाडचे आयोजन केले होते. यावेळी, भारतीय संघात कर्णधार विदित गुजराती, विश्वनाथन आनंद, कोनेरू हम्पी, डी. हरिका, आर. प्रज्ञानानंद, पी. हरीकृष्ण, निहाल सरीन आणि दिव्या देशमुख यांनी रशियाविरुद्ध भारतीय संघाचे प्रतिनिधित्व केले.