चालू घडामोडी सराव पेपर 02 सप्टेंबर 2020

भारतीय रेल्वेने मेडबॉट नामक स्वयंचलित वैद्यकीय ट्रॉली तयार केली आहे, ज्याद्वारे कोविड-19 रुग्णांना अन्न आणि औषधे पुरवण्यात मदत होते.

लेबनीज राष्ट्रपति मिशेल आऊन यांनी मुस्तफा अदिब यांना प्रमुख राजकीय पक्षांचा पाठिंबा मिळविल्यानंतर नवीन पंतप्रधान म्हणून नेमले आहे.  लेबेनॉनचे प्रजासत्ताक हा पश्चिम आशियातल्या भूमध्य समुद्राच्या पूर्व किनाऱ्यावर वसलेला एक देश आहे. बैरूत ही लेबेनॉनची राजधानी आहे. लेबनीझ पाउंड हे राष्ट्रीय चलन आहे.

उत्पल कुमार सिंग यांची लोकसभा सचिव पदावर नेमणूक झाली असून त्यांनी 1 सप्टेंबर 2020 पासून पदाचा कार्यभार सांभाळला.

उत्तरप्रदेश सरकारने राज्यात मेजर ध्यानचंद विजयपथ योजना लागू केली. या योजनेच्या अंतर्गत राज्यातल्या 19 आंतरराष्ट्रीय खेळाडूंच्या घरापर्यंत रस्ते तयार केले जाणार आहेत. तयार करण्यात येणाऱ्या रस्त्याची नावे माजी क्रिकेटपटू चेतन चौहान यांच्या नावावरुन ठेवण्यात येणार.

हैदराबाद आंतरराष्ट्रीय विमानतळ हे भारतीय उद्योग संघ (CII)-गोदरेज ग्रीन बिझिनेस सेंटर (GBC) या संस्थांच्या वतीने देण्यात आलेल्या ‘नॅशनल एनर्जी लीडर’ आणि ‘एक्सेलेंट एनर्जी इफिशिएंट युनिट’ या पुरस्कारांचा मानकरी ठरला. पुरस्कार 21 व्या एक्सेलेन्स इन एनर्जी मॅनेजमेंट साठी राष्ट्रीय पुरस्कार सोहळ्याचा भाग होता.

दरवर्षी 30 ऑगस्ट या दिवशी बळजबरीने बेपत्ता करण्यात बळी पडलेल्यांचा आंतरराष्ट्रीय दिन पाळला जातो

संयुक्त अरब अमिराती (UAE) देशाच्या सरकारने देशातले खाद्यान्न उद्योग व भारतीय शेतकरी यांच्यातली दरी मिटविण्यासाठी अॅग्रिओटा ई-मार्केटप्लेस उपक्रमाचा आरंभ केला आहे. हा उपक्रम एक नवीन तंत्रज्ञानाद्वारे चालणारा कृषी-कामोडिटी ट्रेडिंग म्हणजेच व्यापार आहे.

वैज्ञानिक व औद्योगिक संशोधन परिषदेच्या दुर्गापूर येथील केंद्रीय यांत्रिकी अभियांत्रिकी संशोधन संस्थेनी (CSIR-CMERI) जगातला सर्वात मोठा सौर वृक्ष तयार केला आहे, ज्याची ऊर्जा निर्मिती क्षमता 11.5 किलोवॅट एवढी आहे.

कर्नाटकचे मुख्यमंत्री बी.एस. येडियुरप्पा यांनी बंगळुरू (नेलामंगला) ते सोलापूर (महाराष्ट्र) या शहरांच्या दरम्यान रोल-ऑन/रोल-ऑफ (रो-रो) रेलगाडीला रवाना केले. ही मालगाडी आहे, ज्याद्वारे 14 ट्रकांची वाहतूक केली गेली.

हवाई दल क्रिडा नियंत्रण मंडळाला राष्ट्रीय खेल प्रोत्साहन पुरस्कार 2020 देऊन सन्मानित करण्यात आले आहे. हवाई दल क्रिडा नियंत्रण मंडळ (AFSCB) ही हवाई दल आणि सेवा-अंतर्गत स्तरावरील क्रिडा स्पर्धांचे नियोजन आणि आयोजन करणारी शिखर संस्था आहे.