चालू घडामोडी सराव पेपर 07 सप्टेंबर 2020

रेल्वे पोलीस दलाच्या स्व. जाहगीर सिंग यांना भारताच्या राष्ट्रपतींच्या हस्ते मरणोत्तर सर्वोत्तम जीवन रक्षा पदक देऊन सन्मानित करण्यात आले. जाहगीर सिंग यांनी आदर्शनगर-आझादपूर रेल्वे विभागात दिल्ली जवळ 4 मुलांचा जीव वाचविण्यासाठी आपले बलिदान दिले सर्वोत्तम जीवन रक्षा पदक हा भारत सरकारतर्फे दिला जाणारा नागरी जीवनगौरव पुरस्कार आहे, जो कर्तव्य बजावताना केलेल्या लक्षणीय कृत्यांसाठी सैन्यदल, पोलीस किंवा अग्निशमन सेवेच्या सदस्यांना दिला जातो.

ओडिशा सरकार राज्यात पर्यटनाला चालना देण्यासाठी क्रुज जहाज चालविणार आहे. धमारा ते परदीप पर्यंतच्या राष्ट्रीय जलमार्ग-5 यासह चिलिका तलाव, महानदी नदी व दंगमाला वन क्षेत्रात क्रुज जहाज चालवले जाणार.

आसाम सरकारने राज्यातल्या वारसा स्थळांचे संरक्षण करण्यासाठी आसाम वारसा (मूर्त) संरक्षण, जतन, संवर्धन आणि देखरेख विधेयक-2020 मंजूर केले आहे.

बल्क ड्रग पार्क उभारण्यासाठी आंध्रप्रदेश औद्योगिक पायाभूत सुविधा महामंडळ (APIIC) या संस्थेचा वैज्ञानिक व औद्योगिक संशोधन परिषद याची उपसंस्था असलेल्या भारतीय रसायन तंत्रज्ञान संस्था (CSIR-IICT) सोबत एक सामंजस्य करार झाला.

टाटा मोटर्स कंपनीने भारतातले सर्वात मोठे सौर कारपोर्ट उभारण्यासाठी टाटा पॉवर कंपनीसोबत करार केला. 6.2 मेगावॅट क्षमतेसह सौर ऊर्जेवर चालणारे कारपोर्ट पुणे शहरातल्या चिखली भागात असलेल्या टाटा मोटर्स कंपनीच्या कारखान्यात तयार केला जाणार आहे.

बिझनेस रिफॉर्म अॅक्शन प्लान (BRAP) 2019 क्रमवारीनुसार, व्यवसाय सुलभतेच्या बाबतीत आंध्रप्रदेश हा सर्व भारतीय राज्ये आणि केंद्रशासित प्रदेशांमध्ये सर्वोत्कृष्ट कामगिरी करणारा राज्य ठरला. या क्रमावारीत अव्वल दहा राज्यांमध्ये अनुक्रमे आंध्रप्रदेश, उत्तरप्रदेश, तेलंगणा, मध्यप्रदेश, झारखंड, छत्तीसगड, हिमाचल प्रदेश, राजस्थान, पश्चिम बंगाल आणि गुजरात यांचा क्रम लागतो आहे.

भारत आणि बांगलादेश यांच्या भागीदारी अंतर्गत अंतर्देशीय जलमार्ग कार्यरत झाला आहे. मालवाहू जहाज अगरतळा 50 मेट्रिक टन इतके सिमेंट घेऊन बांगलादेशमधून नदीमार्गाने निघालेले मालवाहू जहाज 5 सप्टेंबर रोजी त्रिपुराच्या सोनामुरामध्ये पोहोचले. त्रिपुरा-बांगलादेशमध्ये नदी मार्गाने सुरु झालेली ही पहिली जलवाहतूक आहे. 89.5 किलोमीटरच्या या जलमार्गावर चाचणी पार पडली आहे.मालवाहू जहाज भारत आणि बांगलादेश यांच्यात 1972 साली ईशान्येकडील राज्यांबरोबर संपर्क मजबूत करण्यासाठी प्रोटोकॉल फॉर इनलँड वॉटर ट्रेड ॲण्ड ट्रान्झिट करारावर स्वाक्षऱ्या झाल्या होत्या. आतापर्यंत आठ जलमार्ग खुले झाले आहेत. मात्र त्रिपुरातून पहिल्यांदाच नदीमार्गाने बांगलादेशबरोबर जलवाहतूक सुरु करण्यात आली आहे.

संयुक्त राष्ट्रसंघ पर्यावरण कार्यक्रम (UNEP) या संस्थेकडून ‘द लिटिल बुक ऑफ ग्रीन नजेज’ या शीर्षकाचे पुस्तक प्रसिद्ध करण्यात आले. जगभरातल्या सुमारे 200 दशलक्ष विद्यार्थ्यांना पर्यावरणाशी अनुकूल असलेल्या पद्धती आणि हरित जीवनशैली स्वीकारण्यास प्रवृत्त करणे हा या पुस्तकाचा हेतु आहे.

“सर्व विधाने अचूक आहेत, त्यामुळे पर्याय (D) उत्तर आहे. एक भारत श्रेष्ठ भारत अंतर्गत भारतीय संस्कृतीचे आदानप्रदान व्हावे या उद्देशाने राज्यांच्या जोड्या तयार केल्या जात आहेत. या उपक्रमाच्या अंतर्गत कला व संस्कृती, शिक्षण, साहित्य आणि परंपरा याविषयी समजूत वाढवली जात आहे. या उपक्रमाच्या अंतर्गत राज्यांच्या जोड्या तयार केल्या जात आहेत. पुढील जोड्या तयार करण्यात आल्या आहेत -गोवा आणि झारखंड
सिक्किम आणि दिल्ली
मध्यप्रदेश आणि मणीपूर, नागालँड
गुजरात आणि छत्तीसगड”

फ्रान्स नंतर जर्मनी हा दुसरा युरोपीय देश ठरला आहे ज्याने हिंद-प्रशांत क्षेत्रासाठी धोरण स्वीकारले आहे. हिंद-प्रशांत प्रदेशात पर्यायी माल-पुरवठा शृंखला तयार करण्यासाठी अमेरिका, जापान, ऑस्ट्रेलिया आणि भारत या देशांनी पुढाकार घेत हिंद-प्रशांत क्षेत्रासाठी धोरणची रचना केली आहे.