एमपीएससीकडे सर्व परीक्षा देण्याबाबत शासन सकारात्मक

राज्यमंत्री दत्तात्रय भरणे : राज्य शासन सकारात्मक निर्णय घेणार; आवश्यक कार्यवाही करण्याचे अधिकाऱ्यांना दिले निर्देश

पदसंख्या:
शेवटची तारीख:

पुणे : महाराष्ट्र लोकसेवा आयोगाकडे शासनाच्या विविध पदांची भरती प्रक्रिया देण्याबाबत राज्य शासन सकारात्मकअसून, राज्याच्या सामान्य प्रशासन विभागाचे राज्यमंत्री दत्तात्रय भरणे यांनी याबाबत बैठक घेऊन संबंधित अधिकाऱ्यांना आवश्यक कार्यवाही करण्याचे निर्देश दिले आहेत.

राज्यातील शासकीय पदांची भरती प्रक्रिया पारदर्शक पद्धतीने व्हावी, यासाठीसर्व पदांची भरती एमपीएससीकडे द्यावी,अशी मागणी स्पर्धा परीक्षांचा अभ्यास करणाऱ्या विद्यार्थ्यानी वारंवार शासनाकडे केली आहे. मात्र, याकडे सतत दुर्लक्ष करण्यात आले.

राज्यातील सर्व विभागांतील लिपिक संवर्गातील पदांसाठी स्वतंत्रपणे परीक्षा घेतली जाते. परंतु, प्रत्येक विभागातील लिपिक संवर्गातील पदांच्या परीक्षेसाठी वेगळी जाहिरात प्रसिद्ध , करणे वेगळी परीक्षा घेणे, निकाल जाहीर करणे, यात बराच कालावधी जातो. तसेच या परीक्षांसाठी वेगवेगळे शुल्क आकारले जाते. त्यामुळे सर्व विभागांच्या लिपिकसंवर्गातील पदांची राज्यस्तरावर एकच परीक्षा घ्यावी, अशी मागणी वारंवार करण्यात आली होती. त्यानुसार स्वतंत्रपणे परीक्षा न चेता राज्यस्तरावरएकच पीक्षा घ्यावी, अशी सूचना भरणेयांनी दिली.

तब्बल 3२ लाख उमेदवारांनी भरले ऑनलाइन अर्ज

महा परीक्षा पोर्टल वर प्रसिद्ध करण्यात आलेल्या जाहिरातीनुसार सुमारे 3२ लाख उमेदवारांनी वेगवेगळ्या पदांसाठी ऑनलाइन अर्ज भरले आहेत. परंतु, दोन वर्षे उलटून गेले तरी या पदांसाठी परीक्षा झाली नाही. उमेदवारनी वयाची अट ओलांडल्यामुळे परीक्षेपासून अपात्र
होण्याची भीती आहे. मात्र, याबाबतही शासन सकारात्मक निर्णय घेण्यात येणार असल्याचे आसवासन दत्ता भरणे यांनी दिले, असे सूत्रांनी सांगितले.