चालू घडामोडी सराव पेपर – 22 October 2020

आसाम राज्यात जोगीगाहोपा येथे देशातले पहिले बहु-आयामी लॉजिस्टिक पार्क उभारण्यात येत आहे. 693.97 कोटी रुपयांच्या या पार्कमुळे हवाई, रस्ते, रेल्वे आणि जलमार्गासाठीची थेट संपर्कव्यवस्था उपलब्ध होणार आहे. केंद्र सरकारच्या भारतमाला या महत्वाकांक्षी दळणवळण प्रकल्प योजनेअंतर्गत हा पार्क विकसित केला जाणार आहे. हा प्रकल्प NHIDCL मार्फत विकसित केला जाणार आहे. ब्रह्मपुत्रा नदीवर 317 एकर जमिनीवर हा प्रकल्प विकसित होत आहे.

हिंग पिकाचे फेरूला अॅसा फोइटिडा वाण भारतात पिकविले जात नाही.
वैज्ञानिक व औद्योगिक संशोधन परिषदेची घटक प्रयोगशाळा असलेल्या पालमपूरच्या हिमालयीन जैवस्त्रोत तंत्रज्ञान संस्थेच्या प्रयत्नाने हिमाचल प्रदेशातल्या दुर्गम लाहौल खोऱ्यामध्ये हिंगाची लागवड करण्याचा ऐतिहासिक प्रयोग करण्यात आला आहे. हिमालयीन क्षेत्रात असलेल्या अतिशय थंड प्रदेशात मोठ्या प्रमाणावर हिंगाची लागवड करण्यात येत आहे. या भागामधील अतिथंडीमुळे खूप मोठे क्षेत्र कोणत्याही पिकाविना पडीक राहते. त्या पडीक जमिनीचा वापर करण्यासाठी कृषी तंत्रज्ञानाने विकसित करण्यात आलेले हिंगाचे बियाणे लावण्यात येवून येथे हिंगाची शेती करण्याचा ऐतिहासिक प्रयोग करण्यात येत आहे.
भारतीय मसाल्यांच्या पदार्थांमध्ये हिंगाला महत्वाचे स्थान आहे. भारतामध्ये हिंगाचा वापर प्रचंड प्रमाणावर केला जातो. देशाची हिंगाची गरज पूर्ण करण्यासाठी अफगाणिस्तान, इराण आणि उजबेकिस्तान या देशांकडून भारत सुमारे 1200 टन कच्च्या स्वरूपातला हिंग आयात करतो. रोजच्या वापरातला हिंग तयार करण्यासाठी, तो मिळविण्यासाठी फेरूला अॅसा फोइटिडा या वाणाच्या झाडांची लागवड करावी लागते. हिंगाचे झाड अतिशीत आणि कोरड्या हवामानामध्ये चांगले वाढते.

पर्यटन मंत्रालयाने जाहीर केलेल्या भारतीय पर्यटन सांख्यिकीयाच्यानुसार उत्तरप्रदेश राज्याने सर्वाधिक स्थानिक पर्यटकांना आकर्षित केले आहे. 2019 साली भारतात येणाऱ्या परदेशी पर्यटकांची संख्या 2.2 टक्क्यांनी वाढली. सुमारे 28.9 दशलक्ष परदेशी पर्यटकांनी भारताला भेट दिली.

नियोजित असलेल्या संयुक्त राज्ये अमेरिका आणि भारत यांच्यात 26-27 ऑक्टोबर 2020 रोजी होणाऱ्या 2+2 मंत्री बैठकीत दोन्ही देशांमध्ये भू-स्थानिक सहकार्यासाठी मूलभूत विनिमय आणि सहकार्य करार (BECA) हा करार होणार आहे. या करारामुळे अमेरिकेने तयार केलेली संरक्षण उपकरणे आणि क्षेपणास्त्रांविषयीची माहिती मिळविण्यासाठी अमेरिकेची माहिती भारतासाठी उपलब्ध होणार.

सिक्कीम राज्यात इंडियन फार्मर्स फर्टिलायझर कोऑपरेटिव्ह लिमिटेड (IFFCO) आणि सिक्कीम IFFCO ऑर्गेनिक लिमिटेड या संस्थांनी अन्नप्रक्रिया प्रकल्प उभारण्यासाठी बांधकामाला सुरूवात केली आहे. प्रकल्पामुळे राज्यात सेंद्रिय शेतीला चालना मिळेल

सप्टेंबर 2020 पर्यंत भारताने 128.7 दशलक्ष टन कोळसा आयात केला आहे. त्यापैकी 50.4 दशलक्ष टन कोळसा इंडोनेशियातून आयात करण्यात आला. अशा प्रकारे, इंडोनेशिया हा आग्नेय आशियात भारताला सर्वाधिक कोळश्याचा पुरवठा करणारा देश आहे.

उत्तर अटलांटिक करार संघटना (NATO) समूहाच्या कलम 5अंतर्गत जर्मनीच्या रॅमस्टेन येथे एक नवीन अंतराळ केंद्र उभारले जाणार आहे. ते केंद्र उपग्रहांच्या मदतीने लष्करी कारवायांवर लक्ष ठेवणार.

केवळ 1 व 2 विधान अचूक असल्यामुळे पर्याय (D) उत्तर आहे.
मिझोरम हे भारत देशाच्या ईशान्य भागातले एक राज्य आहे. मिझोरमच्या उत्तरेकडे आसाम राज्य आहे.
अलीकडेच आसाम आणि मिझोरामच्या नागरिकांमध्ये सीमेवर झालेल्या हिंसाचारात अनेक जण जखमी झाले आहेत. दोन्ही राज्यांच्या सीमेवर तणावाची स्थिती निर्माण झाली आहे. मिझोरमच्या मते सीमा 1875 सालाच्या सीमांकनाच्या आधारे निश्चित केली गेली पाहिजे.

महाराष्ट्र, तेलंगणा आणि आंध्रप्रदेश ह्या तीन राज्यांची जीवनवाहिनी असणाऱ्या गोदावरी नदीवर तेलंगणा राज्यात जगातला सर्वात मोठा कालेश्वरमसिंचन प्रकल्प उभारण्यात आला आहे. मेगा इंजिनिअरिंग अँड इन्फ्रा लिमिटेड आणि भारत हेवी इलेक्ट्रिक यांनी 18 महिन्यांच्या विक्रमी वेळात उभारलेल्या या प्रकल्पाद्वारे गोदावरीचे 13 अब्ज घनफूट (TMC) पाणी उपसा तंत्राद्वारे उचलले जाणार आहे.

अमेरिकेच्या NASAया अंतराळ संशोधन संस्थेचे स्पेक्ट्रल इंटरप्रिटेशन, रिसोर्स रिगोलिथ एक्स्प्लोरल (OSIRIS-REx)नामक अंतराळयान बेन्नूलघुग्रहावर यशस्वीरित्या उतरले. बेन्नू या लघुग्रहाबाबत संशोधन करण्यासाठी या यानाला सप्टेंबर 2016 मध्ये प्रक्षेपित करण्यात आले होते.
एखाद्या लघुग्रहाचा अभ्यास करण्यात प्रक्षेपित करण्यात आलेले NASAचे हे पहिलेच अभियान आहे. यान लघुग्रहावरील धूळ आणि इतर माहिती मिळविण्यास सुरुवात करणार. यान सप्टेंबर 2023 पर्यंत पृथ्वीवर परतणार आहे.