चालू घडामोडी सराव पेपर 26-April 2021

कोवलून द्वीपकल्प हाँगकाँगच्या प्रांतात मुख्य भूभागचा दक्षिणेकडील भाग आहे.

23 एप्रिल 2021 रोजी अमेरिकेच्या फ्लोरिडा येथील केनेडी एलसी-39ए या प्रक्षेपण स्थळावरून क्रू-2 मोहीम अंतराळात सोडण्यात आली. क्रू-2 मोहीमेच्या अंतर्गत 4 अंतराळवीरांना आंतरराष्ट्रीय अंतराळ स्थानकाकडे (ISS) पाठविण्यात आले. ही मोहीम NASA तर्फे स्पेसएक्स या कंपनीने प्रक्षेपित केली.

पंतप्रधान नरेंद्र मोदी यांनी 24 एप्रिल 2021 रोजी राष्ट्रीय पंचायतराज दिनाचे औचित्य साधून स्वामित्व / SVAMITVA (सुधारित तंत्रज्ञानासह ग्रामीण भागातील खेड्यांचे सर्वेक्षण आणि मानचित्रण) योजनेच्या अंतर्गत मालमत्ता कार्ड वितरणास व्हिडिओ कॉन्फरन्सिंगच्या माध्यमातून आरंभ केला. यावेळी 4 लक्ष 9 हजार मालमत्ताधारकांना त्यांच्या मालमत्तेची कार्ड्स देण्यात आली आणि देशभरातील स्वामित्व (SVAMITVA) योजनेचा आरंभ करण्यात आला.

21 एप्रिल 2021 रोजी हरविलेल्या इंडोनेशियाच्या नौदलाची केआरआय नानगाला (402) नामक लढाऊ पाणबुडी शोधण्यात मदत करण्यासाठी भारतीय नौदलाने ‘डीप सबमॉरन्स रेस्क्यू वेसल’ (DSRV) जहाज पाठविले.

इलेक्ट्रॉनिक्स व माहिती तंत्रज्ञान मंत्रालयाने सरकारमध्ये फ्री अँड ओपन सोर्स सॉफ्टवेअर (FOSS) याला स्वीकारण्याच्या प्रक्रियेला चालना देण्यासाठी इनोव्हेशन चॅलेंज जाहीर केले.

आंतरराष्ट्रीय दूरसंचार संघ (ITU) या संघटनेच्या सदस्य देशांकडून दरवर्षी एप्रिल महिन्याचा चौथा गुरुवार हा दिवस आंतरराष्ट्रीय माहिती व दळणवळण तंत्रज्ञानातील मुली दिन म्हणून साजरा केला जातो.
22 एप्रिल 2021 रोजी कनेक्टिंग गर्ल्स, क्रिएटिंग ब्राइटर फ्युचर्स!; या संकल्पनेखाली आंतरराष्ट्रीय माहिती व दळणवळण तंत्रज्ञानातील मुली दिन साजरा झाला.

वनिता गुप्ता ही अमेरिकेच्या न्याय विभागाचे सहाय्यक महान्यायवादी (अटर्नी जनरल) या पदावर नियुक्ती झालेली पहिली भारतीय वंशाची व्यक्ती ठरली आहे. सहाय्यक महान्यायवादी (अटर्नी जनरल) हे अमेरिकेच्या न्याय विभागातले तिसरे सर्वात मोठे पद आहे.

उत्तराखंडच्या उत्तरेकडील भागात समुद्रसपाटीपासून 3600 मीटर उंचीवर नीती खोरे आहे.
23 एप्रिल 2021 रोजी भारत-चीन सीमेवरील चमोली जिल्ह्यात असलेल्या नीती खोरे येथील सुमना येथे हिमनदीचा स्फोट झाला.

पंतप्रधान नरेंद्र मोदी यांच्या हस्ते 24 एप्रिल 2021 रोजी राष्ट्रीय पंचायत पुरस्कार 2021 प्रदान करण्यात आले. राष्ट्रीय पंचायत पुरस्कार 2021 खालील श्रेणींमध्ये देण्यात येत आहेत –

दीन दयाळ उपाध्याय पंचायत सशक्तीकरण पुरस्कार (224 पंचायती),
नानाजी देशमुख राष्ट्रीय गौरव ग्रामसभा पुरस्कार (30 ग्रामपंचायतींना),
ग्रामपंचायत विकास योजना पुरस्कार (29 ग्रामपंचायतींना),
बाल-स्नेही ग्रामपंचायत पुरस्कार (30 ग्रामपंचायती) आणि
ई-पंचायत पुरस्कार (12 राज्ये).

पंतप्रधानांनी 5 लक्ष रुपये ते 50 लक्ष रुपयांपर्यंतच्या पुरस्कारांची रक्कम एक कळ दाबून संबंधित पंचायतींना हस्तांतरित केली. ही रक्कम तात्काळ संबंधित पंचायतीच्या बँक खात्यात जमा केली गेली.

दरवर्षी 24 एप्रिल या दिवशी जगभरात शांतीसाठी बहुपक्षीयवाद व मुत्सद्दीगिरी याचा आंतरराष्ट्रीय दिन साजरा करण्यात येतो.