चालू घडामोडी सराव पेपर -10 May 2021

तेलंगणा सरकारला राज्यात लसींच्या दृष्टीपलीकडील वितरणासाठी प्रायोगिक तत्वावर ड्रोन यंत्राचा वापर करण्याची सशर्त परवानगी केंद्रीय सरकारकडून मिळाली.

सीमा रस्ते संघटना (BRO) याची स्थापना 07 मे 1960 रोजी झाली. त्याचे मुख्यालय नवी दिल्ली येथे आहे. जवाहरलाल नेहरू हे या संस्थेचे संस्थापक आहेत

मेघन मर्केल (डचेस ऑफ ससेक्स) या द बेंच या बाल पुस्तकाचे लेखिका आहेत.

दरवर्षी 8 मे या दिवशी जागतिक रेडक्रॉस व रेड क्रिसेंट दिवस साजरा करतात. 2021 या वर्षी हा दिवस अनस्टॉपेबल या संकल्पनेखाली साजरा करण्यात आला.
रेडक्रॉस सोसायटी ही जगातील बहुतेक सर्व देशांमधील नागरिकांचा सहभाग असलेली मानवहितवादी, सेवाभावी व स्वयंसेवी संघटना आहे. युद्धात जखमी झालेल्या व आजारी सैनिकांची देखभाल व शुश्रूषा करण्याच्या मूळ उद्देशाने ही स्थापण्यात आली. तसेच नैसर्गिक व मानवनिर्मित आपत्तींमध्ये सापडलेल्या दुःखितांना व पीडितांना मदत करणे, त्याची सेवा करणे ही कामे देखील संघटना करते

नाइट फ्रँक या संस्थेने प्राइम ग्लोबल सिटीझ इंडेक्स Q1 2021 प्रसिद्ध केले. या यादीत प्रथम तीन क्रमांकावर चीनची शहरे असून त्यांची नावे अनुक्रमे शेन्झेन, शांघाय आणि गुआंगझू अशी आहेत. या यादीत पहिल्या 50 मध्ये तीन भारतीय शहरांचा समावेश आहे; ते आहेत – मुंबई (32 वा), नवी दिल्ली (36 वा) आणि बेंगळुरू (40 वा)

वाढत्या कोविड-19 रुग्णसंख्येचा सामना करण्यासाठी आर्म्ड फोर्स वेटेरन डॉक्टर्स या संस्थेने ई-संजीवनी ओपीडी उपक्रमाचा प्रारंभ केला आहे. या उपक्रमाच्या माध्यमातून सशस्त्र दलांमधून सेवानिवृत्त चिकित्सक नागरिकांना ऑनलाइन सल्ला देतील

बेलारूसची आर्यना सबलेन्का ही मॅड्रिड ओपन 2021 या टेनिस स्पर्धेत महिला एकेरी गटाची विजेती ठरली.

अमेरिकेच्या यूएस चेंबर ऑफ कॉमर्स या संस्थेने ग्लोबल टास्क फोर्स ऑन पॅनडेमीक रिस्पॉन्स याची स्थापना केली. यात अमेरिकेच्या 40 कंपन्यांचे मुख्य कार्यकारी अधिकारी यांचा समावेश आहे.

IUCN श्रेणीच्या धोक्यात असलेले अंतर्गत व्हाइट अबॅलोन ही पशुप्रजाती वर्गीकृत आहे. व्हाइट अबॅलोन ही ऐतिहासिक महत्व असलेली प्रशांत महासागरात आढळणारी समुद्री गोगलगाय आहे

पुलायर, मलाई मालासर, मुथुवार, कादर, मुडुवन आणि एरावलार या आदिवासी जाती अनामलाई व्याघ्र प्रकल्प येथे वास्तव्यास आहे. तामिळनाडूच्या तिरुप्पूर जिल्ह्यात अनामलाई टेकड्यांमध्ये अनामलाई व्याघ्र प्रकल्प आहे.