चालू घडामोडी सराव पेपर -16 May 2021

लिंगायत धर्माचे धर्मगुरु महात्मा बसवण्णा यांचा जन्मदिवस वैशाख शुद्ध तृतीया अर्थात अक्षय तृतीयेला झाला अशी धारणा असल्याने हा दिवस बसवेश्वर जयंती म्हणून साजरा करतात. लिंगायत हा एक स्वतंत्र धर्म आहे. त्यामुळे त्याचे अनुयायी महाराष्ट्र, कर्नाटक, आंध्रप्रदेश या भागात हा दिवस विशेष उत्साहाने साजरा करतात. यंदा बसवा किंवा बसवेश्वर जयंती 14 मे 2021 रोजी आहे.

जागतिक बँकेने त्याचा माइग्रेशन अँड डेव्हलपमेंट ब्रीफ अहवाल प्रकाशित केला आहे. या अहवालानुसार, जागतिक वित्तप्रेषणाच्या बाबतीत प्रथम ठरलेल्या भारताला वर्ष 2020 मध्ये 83 अब्ज डॉलरपेक्षा अधिक वित्त प्राप्त झाले, जे गेल्या वर्षीच्या तुलनेत फक्त 0.2 टक्के कमी आहे

भारताच्या नागालँड राज्याचे पर्यावरण संरक्षक नुक्लू फोम यांना 2021 व्हिटली पुरस्कार प्रदान करून सन्मानित करण्यात आले आहे. त्यांना राज्यातील समुदाय मालकीच्या जंगलांचे जाळे तयार करण्याचे आणि दुर्मिळ अमूर गिधाडाचे संरक्षण करण्याच्या प्रयत्नांसाठी ब्रिटनच्या व्हिटली फंड फॉर नेचर (WFN) या संस्थेतर्फे हा पुरस्कार देण्यात आला आहे. या पुरस्काराला ग्रीन ऑस्कर म्हणून देखील ओळखले जाते

शावूत (किंवा शावुअस)” हा ज्यू लोकांचा एक सण आहे. सिवाण या हिब्रू महिन्याच्या सहाव्या दिवशी हा सण साजरा करतात. यावर्षी हा सण 16 मे ते 18 मे 2021 पर्यंत पाळला जाणार आहे. बायबल ग्रंथात शावूत सण इस्रायल देशातील गहू कापणीला चिन्हांकित करते.

ब्रिटनने अॅक्शन प्लान फॉर अॅनिमल वेलफेअर घोषणा केली आहे. या योजनेमुळे देशातील पशु कल्याण मानकांशी तडजोड होणार नाही याची खात्री होईल.

संयुक्त राज्ये अमेरिका देशाच्या टेक्सास राज्याने हार्टबीट विधेयक ला मंजूरी दिली आहे. गर्भपाताविषयीच्या या विधेयकामध्ये गर्भाचे हृदयाचे ठोके ऐकू येत असल्यास त्यानंतर गर्भपात करण्यावर बंदी घालण्याविषयीची तरतूद आहे. गर्भावस्थेच्या 6 आठवड्यांनंतर गर्भाचे हृदयाचे ठोके ऐकू येतात

नायजेरिया देशात प्राचीन नोक संस्कृतीचे अवशेष आढळतात. या संस्कृतीमधील 40,000 वर्ष जुन्या मातीच्या भांड्याकुंड्यात अलिकडेचे मधमाशीचे मेण सापडले आहे. लोह युगातील नोक संस्कृती टेराकोटा शिल्पांसाठी प्रसिद्ध आहे. ही संस्कृती 1500 इ.स.पू. ते 500 इ.स. या दरम्यान अस्तित्वात होती

केंद्रीय सरकारने 2006-07 या वर्षापासून राष्ट्रीय बांबू अभियानाला सुरुवात केली. क्षेत्र-आधारित, क्षेत्रीयदृष्ट्या भिन्न धोरण अवलंबुन बांबूच्या क्षेत्राच्या सर्वांगीण विकासाला प्रोत्साहन देणे आणि बांबू लागवड व विपणन क्षेत्र वाढविणे हे या कार्यक्रमाचे उद्दिष्ट आहे. कृषी व शेतकरी कल्याण मंत्रालयाच्या अखत्यारीत कृषी व सहकार विभाग अभियानच्या अंमलबजावणीसाठी जबाबदार आहे.
आज, जगातल्या एकूण बांबू लागवडीच्या क्षेत्रापैकी 19 टक्के बांबूची लागवड भारतात केली जाते. साधारणतः बांबूच्या एकूण 1500 जाती आहेत. त्यातल्या 100 ते 150 जातींच्या बांबूचे पीक घेतले जाते.

पत्रकारितेच्या क्षेत्रात अग्रगण्य अश्या टाइम्स समूहाची मालकी असलेल्या बेनेट, कोलमन अँड कंपनीच्या अध्यक्ष इंदू जैन यांचे 13 मे 2021 रोजी निधन झाले. त्या 84 वर्षांच्या होत्या. FICCIच्या छत्राखाली स्थापन झालेल्या महिला उद्योजिकांच्या संघटनेच्या त्या संस्थापक अध्यक्ष होत्या. त्यांना 2016 साली पद्माभूषण पुरस्कार दिला गेला होता

पंजाबचे मुख्यमंत्री कॅप्टन अमरिंदर सिंग यांनी मुस्लिमबहुल क्षेत्र असलेल्या मलेरकोटला याला पंजाबचा 23 वा जिल्हा म्हणून घोषित केले. मलेरकोटला शहर यापूर्वी संगरूर जिल्ह्याचा एक भाग होते आणि ते संगरूर जिल्हा मुख्यालयापासून सुमारे 35 किलोमीटरच्या अंतरावर आहे. मलेरकोटला, अमरगड आणि अहमदगड शहरही मलेरकोटला हद्दीत येतील