चालू घडामोडी सराव पेपर -17 May 2021

चीनची पहिली मंगळ मोहीम, जिचे नाव तियानवेन-1 असे ठेवण्यात आले आहे, यशस्वीपणे मंगळावर उतरली आहे आणि यासह चीन अमेरिकेनंतर मंगळ ग्रहाच्या पृष्ठभागावर रोव्हर पाठविणारा दुसरा देश ठरला. या मोहिमेच्या अंतर्गत झु रोंग नामक रोव्हर मंगळ ग्रहाच्या पृष्ठभागावर यूटोपिया प्लॅनिटिया (ईमपॅक्ट बेसिन) असे नाव दिलेल्या ठिकाणी यशस्वीपणे उतरवले गेले.

युरोपच्या युरोपियन स्पेस एजन्सी या अंतराळ संशोधन संस्थेने ज्युपिटर आईसी मून एक्सप्लोरर (JUICE / ज्यूस) नामक आंतरग्रही अंतराळयान विकसित केला आहे. हे यान गुरु ग्रहाचे कॅलिस्टो, युरोपा आणि गॅनीमेड नामक तीन गॅलिलियन चंद्रांचा शोध घेणार आणि अभ्यास करणार आहे

दरवर्षी 15 मे या दिवशी जगभरात आंतरराष्ट्रीय कुटूंब दिवस साजरा करतात. 2021 साली आंतरराष्ट्रीय कुटुंब दिवस फॅमिलीज अँड न्यू टेक्नोलॉजीज या संकल्पनेखाली पाळला गेला

ब्रिटनचे मार्टिन ग्रिफिथ्स यांची संयुक्त राष्ट्रसंघ मानवतावादी कार्य समन्वय कार्यालय (UN Office for the Coordination of Humanitarian Affairs) याचे नवीन प्रमुख म्हणून निवड करण्यात आली आहे. ते मानवतावादी कार्य यासाठी अवर-सरचिटणीस आणि आपत्कालीन मदत समन्वयक म्हणून काम पाहतील. ते ब्रिटनचे मार्क लोकोक यांच्याकडून पदाचा कार्यभार स्वीकारतील.

म्यानमार देशाने अरबी समुद्रामध्ये तयार झालेल्या तौकते नामक उष्णकटिबंधीय चक्रीवादळाचे नामकरण केले आहे. भारताच्या पश्चिम किनारपट्टीवर धडकलेले तौकते चक्रीवादळ 16 मे 2021 रोजी अधिक तीव्र झाले. वेधशाळेने या वादळाने ‘व्हेरी सीव्हियर सायक्लॉनिक स्टॉर्म’ म्हणजे अतितीव्र चक्रीवादळाची पातळी गाठली असल्याचे जाहीर केले आहे.
उष्णकटिबंधीय चक्रीवादळांची नावे जागतिक हवामानशास्त्र संघटना (WMO) / आशिया आणि प्रशांत यासाठी संयुक्त राष्ट्रसंघ आर्थिक व सामाजिक आयोग (ESCAP) याचे उष्णकटिबंधीय चक्रीवादळे समिती (पॅनेल ऑन ट्रॉपिकल सायक्लोन्स -PTC) निश्चित करते. या मंडळामध्ये कतार, सौदी अरब, ओमान, श्रीलंका, थायलँड, इराण, भारत, बांगलादेश, म्यानमार, पाकिस्तान, मालदीव, संयुक्त अरब अमिराती आणि येमेन असे 13 देश आहेत.

फॉर्च्युन मॅगझिन या संस्थेने त्याची 2021 या वर्षासाठी जगातील 50 महान नेत्यांची यादीप्रकाशित केली आहे. या यादीत प्रथम क्रमांकावर न्यूझीलँडची पंतप्रधान असलेल्या जॅसिंडा अर्डेर्न या आहेत. यादीत अदार पूनावाला (सीरम इन्स्टिट्यूट ऑफ इंडियाचे मुख्य कार्यकारी अधिकारी) या एकमेव भारतीयाचा समावेश झालेला असून त्यांना 10 व्या क्रमांकावर ठेवण्यात आले आहे

नेपाळ देशामध्ये 13 मे 2021 रोजी विरोधी पक्षाला नवे सरकार स्थापन करण्यास आवश्यक असलेले बहुमत सिद्ध करण्यात अपयश आले. त्यानंतर नेपाळच्या संसदेने मोठ्या राजकीय पक्षाच्या नेत्याच्या रुपात के. पी. शर्मा ओली यांच्याकडे सलग दुसऱ्या कार्यकाळासाठी पंतप्रधानपदाची जबाबदारी सोपवली. नेपाळच्या राष्ट्राध्यक्षा विद्यादेवी भंडारी यांनी CPN-UML पक्षाचे अध्यक्ष के. पी. शर्मा ओली यांना पंतप्रधान म्हणून नियुक्त केले. 14 मे 2021 रोजी ओली यांनी पंतप्रधानपदाची शपथ घेतली.
नेपाळ हा एक दक्षिण आशियाई देश आहे. हा हिमालय पर्वतराजीमध्ये वसलेला भूपरिवेष्टित देश आहे. उत्तरेला चीन देशाची सीमा असून, इतर सर्व बाजूंना भारत देश आहे. नेपाळ हा आयताक्रुती राष्ट्रध्वज नसलेला जगातला एकमेव देश आहे. काठमांडू हे नेपाळचे राजधानी शहर आहे आणि नेपाळी रुपया हे राष्ट्रीय चलन आहे.

भारतीय जाहिरात मानके परिषद (अॅडव्हर्टायझिंग स्टँडर्ड्स कौन्सिल ऑफ इंडिया -ASCI) या संस्थेचे सरचिटणीस असलेल्या मनीषा कपूर यांची वर्ष 2023 पर्यंतच्या कालावधीसाठी इंटरनेशनल कौन्सिल फॉर अॅडव्हर्टायझिंग सेल्फ-रेगुलेशन (ICAS) याच्या कार्यकारी समितीवर नियुक्ती झाली आहे. त्यांची वर्ष 2021 मध्ये भारताच्यावतीने इंटरनेशनल कौन्सिल फॉर अॅडव्हर्टायझिंग सेल्फ-रेगुलेशन (ICAS) या संस्थेचे उपाध्यक्ष (Vice President) म्हणून नियुक्ती झाली

आसामचे साहित्य लेखक आणि पत्रकार म्हणून ओळख मिळविणारे होमेन बोरगोहेन यांचे निधन झाले. त्यांना वर्ष 1978 मध्ये त्यांच्या ‘पिता पुत्र’ या कादंबरीसाठी साहित्य अकादमीचा पुरस्कार देऊन सन्मानित केले होते. ते नियोमिया बार्ता या आसामी दैनिकपत्राचे मुख्य संपादक होते.

डोंगरिया कोंढही आदिवाशी जमाती प्रामुख्याने ओडिशा राज्यात आढळते. त्यांचा नियामगिरी डोंगर प्रदेशात अधिवास आहे. ते कोंढआदिवासी समुदायाचे सदस्य आहेत.