मुख्यमंत्री फडणवीस यांची राजीनाम्याची घोषणा ; बहुमता पूर्वीच कोसळले भाजप सरकार!!!

२३ नोव्हेंबर सकाळी ८.३० वाजता स्थापन झालेले भाजप चे सरकार विधिमंडळाच्या सभागृहात बहुमत सिद्ध करण्यापूर्वीच कोसळले आहे.

महाराष्ट्राच्या राजकारणात सर्वात मोठा भूकंप झाला असून उपमुख्यमंत्री अजित पवार यांच्या राजीनाम्यानंतर मुख्यमंत्री पदाचा राजीनामा देत असल्याची घोषणा पत्रकारपरिषदेत मुख्यमंत्री देेवेंद्र फडणवीस यांनी दिला.पत्रकार परिषदेत नव्या येणार्या सरकारला शुभेच्छा देत शिवसेनेने सत्तेसाठी कशी लाचारी पत्करली यावर टिका केली.तसेच अजित पवार यांनी न्यायालयाच्या निर्णयानंतर आपल्याकडे संख्याबळ नसल्याचे सांगत राजीनामा दिला.त्यानंतर आम्ही विचार केला आणि कुठलाही घोडाबाजार न करता संख्याबळ नसल्याने पत्रकार परिषदेनंतर लगेच राज्यपाल यांची भेट घेऊन राजीनामा देणार असल्याचे फडणवीस म्हणाले.

गेली ३३ दिवस महाराष्ट्राच्या राजकारणाने सत्ता स्थापनेसाठी अनेक घडामोडी अनुभवल्या त्यात सर्वात मोठी घटना म्हणजे भाजप ला सरकार स्थापण्याचे निमंत्रण देऊन राज्यपाल भगतसिंग कोषारी कोषारी यांनी ७२ तासापूर्वी २३ नोव्हेंबर ला सकाळी ५.४५ वाजताच राज्यातील राष्ट्रपती राजवट हटवली होती.भाजप च्या देवेंद्र फडणवीस यांनी मुख्यमंत्री पदाची शपथ घेतली होती सोबत राष्ट्रवादी काँग्रेस चे विधिमंडळ नेते अजित पवार यांच्या पाठिंब्याचे पत्र घेऊन सरकार स्थापन केले होते. अजित पवारांनी उपमुख्यमंत्री म्हणुन शपथ देखील घेतली होती.

मुख्यमंत्री म्हणून शपथ घेतल्यावर देवेंद्र फडणवीस यांनी पदाचा कार्यभार देखील स्वीकारला होता.मात्र अजित पवारांनी उपमुख्यमंत्री पदाचा कार्यभार स्वीकारला नव्हता हे विशेष.अजित पवारांनी उपमुख्यमंत्री पदाचा राजीनामा आजच दिला आणी त्यांच्या पाठोपाठ २ तासात मुख्यमंत्री देवेंद्र फडणवीस यांनीही पत्रकार परिषद घेऊन आपल्या राजीनाम्याची घोषणा केली  असून आता अल्पजीवी ठरलेले देवेंद्र चे भाजप सरकार आता कोसळणार आहे.

उद्या बहुमत चाचणीत यश मिळवून शिवसेनेचे उद्धव ठाकरे मुख्यमंत्री म्हणून शपथ घेण्याची श्यक्यता आहे.काँग्रेस कडून बाळासाहेब थोरात व राष्ट्रवादी कडून जयंत पाटील उपमुख्यमंत्री म्हणून शपथ घेतली असा अंदाज आहे.

✔ तुमचा एक ‘Share’ व ‘Like’ तुमच्या मित्रांना नोकरीची संधी देऊ शकतो !

ताज्या चालू घडामोडी जाणून घेण्यासाठी आमचे  टेलीग्राम चॅनल जॉईन  करा  Join Us on Telegram

ताज्या चालू घडामोडी जाणून घेण्यासाठी आमचे  WhatsApp चॅनल जॉईन  करा. Join Us on WhatsApp

अपडेट राहण्यासाठी लाईक करा आमचे फेसबुक पेज                                       Join Us on Facebook

आमची पोस्ट आवडल्यास कॉमेंट करून सांगा.