MPSCExams | Free Current Affairs Test -26 December 2021

हाँगकाँग विद्यापीठाने 23 डिसेंबर 2021 रोजी बीजिंगच्या तियानमेन चौकात मारल्या गेलेल्या आंदोलनकर्त्या लोकांच्या स्मृतीत विद्यापीठाच्या परिसरात बांधण्यात आलेला “पिलर ऑफ शेम” म्हणून ओळखला जाणारा पुतळा हटवला. 4 जून 1989 रोजी बीजिंगमध्ये तियानमेन चौकात निदर्शकांवर झालेल्या चिनी सैनिकांच्या रक्तरंजित हल्ल्यात गमावलेल्या प्राणांचे चित्रण या पुतळ्याने केले होते.

IUCN संस्थेच्या रेड लिस्ट या पशुसंवर्धन यादीत ऑलिव्ह रिडले कासव (शास्त्रीय नाव: लेपिडोकेलिस ऑलिव्हेसिया) या प्राण्याची असुरक्षितया गटात नोंद करण्यात आली आहे

भारत सरकारच्या गृहनिर्माण आणि शहरी कार्ये मंत्रालयाने कचरामुक्त शहरांना क्रम देण्यासाठी योग्य मूल्यांकन पद्धतीसाठी आझादी@75 स्टार रेटिंग प्रोटोकॉल ऑफ गार्बेज फ्री सिटीज – टूलकिट 2022 याचे अनावरण केले.

तामिळनाडू सरकारने पिवळ्या रंगाच्या कापडी पिशवीचे पुनरुज्जीवन करून प्लॅस्टिक प्रदूषण टाळण्यासाठी मींडम मंजपाई विझीपुनर्वू इयक्कम हा पर्यावरणपूरक उपक्रम सुरू केला आहे.

टाइप 14 किंवा ब्लॅकवुड श्रेणीचे INS खुकरी नामक स्वदेशी बनावटीचे पहिले क्षेपणास्त्र कॉर्वेट जहाज 23 डिसेंबर 2021 रोजी नौसेनेतील 32 वर्षांच्या गौरवशाली सेवेनंतर निवृत्त करण्यात आले.

हरयाणा सरकारने मद्यपान करण्यास मान्य वयोमर्यादेत घट करून ते सध्याच्या 25 वरून आता 21 केले आहे. आता कायद्यांतर्गत दारूची खरेदी, विक्री किंवा सेवन 21 वर्षावरील व्यक्ती करू शकणार.

24 डिसेंबर 2021 रोजी, भारतीय रिझर्व्ह बँकेने (RBI) कार्ड-ऑन-फाइल टोकनायझेशन (CoF) प्रक्रियेच्या अंमलबजावणीसाठी कालमर्यादा सहा महिन्यांनी वाढवली असून आता ती 30 जून 2022 पर्यंत आहे.

दरवर्षी 25 डिसेंबर या दिवशी भारतात सुशासन दिवस साजरा करतात. माजी पंतप्रधान अटल बिहारी वाजपेयी यांच्या जयंतीनिमित्त हा दिवस साजरा करतात. या दिवसाचे उद्दिष्ट नागरिकांना, विद्यार्थ्यांना आणि देशाच्या भविष्याबद्दल सरकारी जबाबदाऱ्या आणि जबाबदाऱ्यांबद्दल माहिती देणे हा आहे.

25 डिसेंबर 2021 रोजी आलेल्या नाताळ सणाच्या निमित्त, श्रीनगर शहरातील सेंट ल्यूक चर्च हे 126 वर्ष जुने धार्मिकस्थळ गेल्या 35 वर्षांच्या दीर्घ काळानंतर पुन्हा एकदा उघडण्यात आले.

दरवर्षी 24 डिसेंबर या दिवशी भारतात राष्ट्रीय ग्राहक दिवस साजरा करतात. या दिवशी राष्ट्रपतींनी ग्राहक संरक्षण अधिनियम-1986 याला त्यांची मान्यता दिली होती.
2021 साली राष्ट्रीय ग्राहक दिवस “प्लास्टिक प्रदूषणाशी लढा” या संकल्पनेखाली पाळला गेला