International Tea Day| आंतरराष्ट्रीय चहा दिन विशेष

International Tea Day |आंतरराष्ट्रीय चहा दिन

दिवस चहाप्रेमींचा, आरोग्यासाठी गुणकारी आहे चहा, जाणून घ्या फायदे

चहा प्रेमींसाठी आज खास दिवस आहे कारण आज म्हणजेच 15 डिसेंबर रोजी जागतिक चहा दिवस म्हणून साजरा केला जातो. जवळपास प्रत्येकाच्याच दिवसाची सुरुवात चहाने होते. तर आजच्या या खास दिवशी जाणून घेऊया चहाचे काही असे फायदे जे तुम्हाला करतील थक्क.

केसांची चमक वाढवण्यासाठी

केस चमकदार व्हावेत यासाठी ग्रीन टी चा वापर केला जातो. त्यासाठी ग्रीन टीच्या तीन बॅग उकळत्या पाण्यात टाका. पाणी थंड झाल्यावर टी बॅग काढून घ्याव्या आणि त्या पाण्याने केस धुवून घ्या. केस गडद होण्यासाठी ग्रीन टीऐवजी ब्लॅक टीचा वापर करावा.

डोळ्यांवरील सूज घालवण्यासाठी

सुजलेले डोळे टी बॅग तुमची समस्या दूर करू शकतात. त्यासाठी डोळे बंद करून टी बॅग डोळ्यांवर 10 मिनिटं ठेवा. त्यानंतर तुम्हाला झालेला बदल जाणवेल.

आपल्यासोबत गुलाबाच्या फुलांचं सौंदर्य वाढवण्यासाठी

चहाच्या पानांमध्ये असलेलं विशिष्ट प्रकारचे टॅनिक ऍसिड गुलाबाच्या फुलांचे सौंदर्य आणि रंग वाढवण्यास मदत करतं. त्यासाठी वापरलेल्या टी बॅग फाडून गुलाबाच्या झाडाच्या मुळाशी पसरवावी.

पायांचे सौंदर्य वाढवण्यासाठी

जर दिवसभर काम करून तुमच्या पायांना दुर्गंध येत असेल किंवा पायाच्या स्किनची समस्या असेल तर टी बॅगचा वापर करू शकता. त्यासाठी कोमट पाण्यात टी बॅग टाकून त्या पाण्यात पाय भिजवा. त्यामुळे पायांची दुर्गंधी तर जाईलच, पण त्याचसोबत पायदेखील मऊ होतात.

चहा हे ऊर्जा देणारं पेय समजलं जातं. चहामधून तुम्हाला साखर आणि दूध दोन्ही शरीरात गेल्यामुळे मेंदूला तरतरी येते. काहींना तर चहा घेतल्याशिवाय काम करण्याची तरतरी येत नाही. अगदी छोट्यांपासून ते वयोवृद्धांपर्यंत चहा हे प्रत्येक घरातलं आणि लोकांच्या मनातलं लोकप्रिय पेय आहे. शनिवारी आंतरराष्ट्रीय चहा दिन जगभरात साजरा करण्यात आला. यानिमित्तानं चहा आणि चहाचे फायदे काय आहेत हे आम्ही तुम्हाला सांगणार आहोत.

नुकत्याच झालेल्या एका संशोधनाक असं सांगण्यात आले आहे की, चहामध्ये तणाव दूर करण्याचे घटक असतात. संशोधनातून समोर आलेल्या अहवालानुसार याचा परिणाम शरीरावर चांगला येतो. थकवा आला असेल, तुम्ही तणावात असाल, आळस आला की लोक चहा पितात. त्यामुळे थकवा, आळस दूर निघून जातो.

दूधाच्या चहा इतकाच कोरा चहा, पुदीना, लेमन टी, आल्याचा चहा असे वेगवेगळ्या प्रकारचे चहा शरीरासाठी बदलत्या हवामानानुसार फायदेशीर असतात. चहामधील तुळस आणि आलं सर्दी खोकल्याच्या आजारापासून दूर ठेवते. तर चहाची पात ही विषाणूंसोबत लढण्याची क्षमता वाढते. चहातील वेलची श्वसनाचे आणि कफाच्या आजारांपासून तुम्हाला दूर ठेवते तर कोरा चहा प्यायल्यानं तुमच्या शरीरातील वजन कमी होतं.

नॅशनल यूनिवर्सिटी ऑफ सिंगापुरमधील सहाय्यक प्राध्यापक फेंग ली म्हणाले की, ‘आम्ही केलेल्या संशोधनाच्या निष्कर्षात तर हेच समोर आलं की, चहा पिण्याचा आपल्या मेंदूवर सकारात्मक परीणाम होतो. नियमितपणे चहा प्यायल्याने मेंदू अधिक ताजातवाना राहतो आणि सुरक्षात्मक कवच तयार होतं.’ याआधीच्या संशोधकांनीही सांगितले की, चहा पिणं हे आरोग्यासाठी फायदेशीर असतं. याशिवाय व्यक्तिच्या मूडवरही याचा सकारात्मक परिणाम होतो. हृदय रोगाशी संबंधीत अनेक रोगांवर नियंत्रण राहतं.

चहा पिणं जसं शरीरासाठी चांगलं आहे तसंच चहाचे इतर फायदेही आहेत. भाजल्यावर चहापावडर भिजवून फ्रीजमध्ये ठेवून त्याने शेक दिला जातो. त्याने लवकर फरक पडतो असं म्हणतात. मेहंदी भिजवण्यासाठी कोऱ्या चहाचा वापर करतात. त्यामुळे मेहंदीला रंग चांगला चढतो. त्यामुळे आरोग्यासाठी फादेशीर असणारा चहा अति नाही पण रोज घ्यायला काहीच हरकत नाही.

 

आंतरराष्ट्रीय चहा दिन निमित्त हार्दिक शुभेच्छा !!!

 

✔ तुमचा एक ‘Share’ व ‘Like’ तुमच्या मित्रांना नोकरीची संधी देऊ शकतो !

ताज्या चालू घडामोडी जाणून घेण्यासाठी आमचे  टेलीग्राम चॅनल जॉईन  करा  Join Us on Telegram

ताज्या चालू घडामोडी जाणून घेण्यासाठी आमचे  WhatsApp चॅनल जॉईन  करा. Join Us on WhatsApp

अपडेट राहण्यासाठी लाईक करा आमचे फेसबुक पेज                                       Join Us on Facebook

आमची पोस्ट आवडल्यास कॉमेंट करून सांगा.