चालू घडामोडी सराव पेपर -09 जून 2020

जानेवारी 2021 या महिन्यात दावोस येथे नियोजित करण्यात आलेली जागतिक आर्थिक मंच याची वार्षिक बैठक द ग्रेट रीसेट या विषयावर केंद्रित असणार आहे.

मदुराईची तेरा वर्षीय एम. नेत्रा या मुलीची युनायटेड नेशन्स असोसिएशन फॉर डेव्हलपमेंट अँड पीस (UNADAP) याची सदिच्छा दूत म्हणून नियुक्ती करण्यात आली आहे.

केरळ सरकार डिसेंबर 2020 या महिन्यात त्याचा केरला फायबर ऑप्टिक नेटवर्क (K-FON)नावाचा निशुल्क इंटरनेट प्रकल्प कार्यरत करण्याची अपेक्षा आहे. 1,500 कोटी रुपये खर्च असलेला हा प्रकल्प पूर्णपणे कार्यरत झाल्यानंतर गरिबांना निशुल्क इंटरनेट सेवा उपलब्ध करून दिली जाणार आहे. इंटरनेट हा नागरिकांचा मूलभूत हक्क म्हणून जाहीर करणारे केरळ हे देशातले पहिले राज्य आहे.

दक्षिण आफ्रिकेच्या साऊथ आफ्रिकन नॅशनल स्पेस एजन्सी (SANSA) या अंतराळ या संस्थेनी देशात डीप स्पेस ग्राउंड स्टेशन उभारण्यासाठी अमेरिकेच्या नॅशनल एयरोनॉटिक्स अँड स्पेस अॅडमिनिस्ट्रेशन (NASA) या संस्थेसोबत भागीदारी केली आहे. हे केंद्र पृथ्वी, मंगळ व त्यापलीकडच्या ग्रहांच्या नैसर्गिक उपग्रहावर मानवी अंतराळ मोहिमा राबवितांना उपयोगात आणले जाणार याही. यासोबतच दक्षिण आफ्रिका हा अमेरिका, ऑस्ट्रेलिया आणि स्पेननंतर डीप स्पेस ग्राउंड स्टेशन असणारा चौथा देश ठरणार आहे.

कृष्णेन्दु मजूमदार यांची ब्रिटीश अॅकॅडमी ऑफ फिल्म अँड टेलिव्हिजन आर्ट्स (BAFTA) या चित्रपट क्षेत्रातल्या प्रतिष्ठित संस्थेच्या अध्यक्षपदी निवड झाली आहे. पुढील तीन वर्षांच्या कालावधीसाठी त्यांची नियुक्ती करण्यात आली आहे.

दरवर्षी 7 जून या दिवशी जागतिक खाद्यान्न सुरक्षा दिन पाळला जातो. दूषित खाद्यान्न आणि पाण्याचे दुष्परिणाम याबद्दल जनजागृती करण्यासाठी हा दिवस साजरा केला जातो. 2020 सालासाठी जागतिक खाद्यान्न सुरक्षा दिनाची संकल्पना फूड सेफ्टी, एव्रीवन्स बिझनेस ही होती.

राष्ट्रीय सॉफ्टवेयर व सेवा कंपनी संघ (NASSCOM) या संस्थेनी IoT: ड्राईव्हिंग द पेटंट ग्रोथ स्टोरी इन इंडिया ही शीर्षक असलेला अहवाल प्रकाशित केला. अहवालानुसार, 2009-2019 या कालावधीत सुमारे 6000 पेटंट अर्ज दाखल झाले होते आणि यातले 5000 गेल्या पाच वर्षांत दाखल करण्यात आले होते. त्यात 95 टक्के हार्डवेअर संबंधी होते. सर्वाधिक पेटंट आरोग्य सेवा आणि वाहन निर्मिती उद्योगाशी संबंधित होते आणि एकूण पेटंटपैकी 80 टक्के इंडस्ट्री 4.0 तंत्राशी संबंधित होते.

बायोकोन लिमिटेड या कंपनीच्या प्रमुख किरण मजुमदार शॉ यांना EY वर्ल्ड एंत्रेप्रेनेऊर ऑफ द इयर 2020 हा सन्मान देण्यात आला आहे. अर्नस्ट अँड यंग या संस्थेच्या वतीने हा पुरस्कार देण्यात आला आहे. सिंगापूरच्या ओलिव्हिया लुम नंतर हा पुरस्कार जिंकणारी किरण मजुमदार दुसरी महिला ठरली. तसेच नारायण मूर्ती आणि उदय कोटक यांच्यानंतर हा पुरस्कार जिंकणारी ती तिसरी भारतीय आहे.

केंद्र सरकारने मातृत्व वय, मातामृत्यू दर कमी करण्यासाठी असलेल्या आवश्यक गोष्टी, पोषण पातळीत सुधारणा आणि इतर संबंधित बाबी तपासण्यासाठी एका कृती दलाची स्थापना केली आहे. जया जेटली या 10 सदस्य असलेल्या कृती दलाचे अध्यक्ष आहेत. हा गट शिशु मृत्यु दर (IMR), माता मृत्यु दर (MMR), एकूण प्रजनन दर (TFR), जन्माचे लिंग गुणोत्तर (SRB), बाल लिंग गुणोत्तर (CSR) इ. यासारख्या प्रमुख बाबींचा अभ्यास करणार आहे.

CSIRची राष्ट्रीय रसायन प्रयोगशाळा (CSIR-NCL), पुणे येथील संशोधकांनी कोविड-19 रूग्णाच्या घशातून नमुने गोळा करण्यासाठी स्वदेशी नासॉफरेन्जियल (NP) स्वॅब विकसित केले आहे. महामारीच्या परिस्थितीत, नासॉफरेन्जियल (NP) स्वॅबच्या वाढत्या मागणीच्या स्थितीत पुरवठा साखळीत विलंब होतो, किंमती वाढतात आणि गुणवत्तेमध्ये फरक पडतो. ही समस्या सोडविण्यासाठी हा शोध महत्त्वाचा ठरणार आहे.