चालू घडामोडी सराव पेपर – 10 ऑगस्ट 2020

नांदीफाउंडेशनची फूड सिस्टम व्हिजन 2050 प्राइज या पुरस्कारासाठी निवड झाली. त्याच्या अरकुनोमिक्स मॉडेलसाठी हैदराबादच्या नांदी फाउंडेशनची या पुरस्कारासाठी निवड झाली.

नीना राय या अमेझिंग अयोध्या या पुस्तकाच्या लेखिका आहेत.

भारत छोडो आंदोलन (किंवा चले जाव चळवळ किंवा ऑगस्ट क्रांती) ही महात्मा गांधींनी 8 ऑगस्ट 1942 रोजी अखिल भारतीय कॉंग्रेस समितीच्या मुंबई अधिवेशनात सुरू केलेली एक चळवळ होती. हे संपूर्ण स्वराज्यासाठी सूरू झालेले नागरी असहकार आंदोलन होते. मुंबई येथे 8 ऑगस्ट 1942 रोजी महात्मा गांधींनी भारत छोडोचा नारा देऊन ब्रिटीशांविरोधात स्वातंत्र प्राप्तीसाठी आंदोलन उभारले. या आंदोलनात जनता मोठ्या प्रमाणावर सहभागी झाली.

दरवर्षी 9 ऑगस्ट रोजी जगभरातल्या मूळनिवासी लोकांचा आंतरराष्ट्रीय दिन साजरा केला जातो. 2020 साली कोविड-19 अँड इंडिजिनस अँड पीपल्स रेझिलन्स या संकल्पनेखाली हा दिन पाळण्यात आला. आदिवासींना पाठिंबा दर्शविण्यासाठी आणि आदिवासींचा आर्थिक विकास व राजकीय सहभाग वाढविण्यासाठी हा दिवस साजरा केला जातो. लोकांच्या मूलभूत हक्कांच्या संरक्षणासाठी हा दिवस पाळला जातो.

पंतप्रधान नरेंद्र मोदी यांनी 8 ऑगस्ट 2020 रोजी नवी दिल्लीत राजघाट येथील गांधी स्मृती आणि दर्शन समिती येथे राष्ट्रीय स्वच्छता केंद्रनामक स्वच्छ भारत अभियानासंबंधी अनुभवांच्या आदानप्रदान केंद्राचे उद्घाटन केले. महात्मा गांधी यांना श्रद्धांजली म्हणून समर्पित या राष्ट्रीय स्वच्छता केंद्राची घोषणा पंतप्रधानांनी 10 एप्रिल 2017 रोजी गांधीजींच्या चंपारण सत्याग्रह शताब्दी समारंभाच्या निमित्ताने केली होती.राष्ट्रीय स्वच्छता केंद्र हे डिजिटल आणि बाह्य वास्तूंचे संतुलित मिश्रण असून यामध्ये भारताच्या परिवर्तनात्मक बदलाचे दर्शन घडवण्यात आले आहे. 2014 साली 50 कोटीहून अधिक लोक उघड्यावर शौचाला जात होते तेव्हापासून, 2019 साली उघड्यावरील शौचापासून मुक्त होण्यापर्यंतचा प्रवास उलगडला आहे .

पत्रकार यतीश यादव हे ‘रॉ: ए हिस्ट्री ऑफ इंडियाज कोव्हर्ट ऑपरेशन्स’ या पुस्तकाचे लेखक आहेत.

दिल्ली केंद्रशासित प्रदेश सरकार त्याच्या विजेरी वाहन धोरण च्या अंतर्गत विजेरी वाहने खरेदी करणार्यांना दीड लाखांपर्यंतची आर्थिक मदत देणार आहे

रशिया देशाने बहुपक्षीय रशियन कावकाझ 2020 नावाचा लष्करी सराव आयोजित केला. रशियाच्या अस्त्रखान येथे आयोजित करण्यात आलेल्या सरावामध्ये सहभागी होण्यासाठी भारताला आमंत्रित करण्यात आले आहे. हा सराव कॉकासुस-2020 या नावाने देखील ओळखला जातो.

10 ऑगस्ट 2020 पासून हरदयाल प्रसाद हे PNB हाउसिंग फायनान्स लिमिटेड या संस्थेचे नवे व्यवस्थापकीय संचालक आणि मुख्य कार्यकारी अधिकारी आहेत.

ट्रॅफिक या संस्थेनी स्पॉट्टेड इन इललीगल वाइल्डलाइफ ट्रेड: ए पीक इंटू ऑनगोइंग पोचिंग अँड इललीगल ट्रेड ऑफ लेपर्ड इन इंडियाया शीर्षकाचा अहवाल प्रकाशित केला. आंतरराष्ट्रीय निसर्ग संवर्धन संघ (IUCN) आणि WWF या संस्थांच्या संयुक्त विद्यमाने हा अहवाल तयार करण्यात आला आहे. सर्वाधिक शिकारीच्या घटना महाराष्ट्र आणि उत्तराखंड या राज्यांमध्ये नोंदवल्या गेल्या आहेत. 2014 साली बिबट्यांची संख्या 12-14 हजार पर्यंत होती.