चालू घडामोडी सराव पेपर – 11 जुलै 2020

9 जुलै 2020 रोजी पंतप्रधान नरेंद्र मोदी यांनी व्हिडिओ कॉन्फरन्सद्वारे ‘इंडिया ग्लोबल विक 2020’च्या उद्घाटन सत्राला संबोधित केले. यानिमित्त ब्रिटनमध्ये ;बी द रिव्हायवल – इंडिया अँड ए बेटर न्यू वर्ल्ड या विषयांखाली आयोजित करण्यात आलेल्या तीन दिवसांच्या या आभासी परिषदेमध्ये 30 राष्ट्रांमधून सहभाग होणार आहेत.

गोल्डन बर्डविंग (शास्त्रीय नाव: ट्रॉईडेज आयकस) याची सर्वात मोठा फुलपाखरू म्हणून नोंद करण्यात आली आहे. 88 वर्षांपूर्वी हिमालयात या फुलपाखराची नोंद करण्यात आली होती आणि एका ब्रिटीश अधिकाऱ्याने त्याचा नमुना जातं करून ठेवला होता. पंख पसरल्यानंतर पंखांची एकूण लांबी मादीमध्ये 194 मिलीमीटर तर नरमध्ये 190 मिलीमीटर इतकी नोंदविण्यात आली आहे

आशियाई पायाभूत सुविधा गुंतवणूक बँकेनी (AIIB) भारतातल्या अक्षय ऊर्जा प्रकल्पांनां वित्तापूरवठा करण्याच्या हेतूने एल अँड टी इन्फ्रास्ट्रक्चर फायनान्स लिमिटेड या कंपनीला 50 दशलक्ष डॉलरचे कर्ज मंजूर केले. AIIBने भारतातल्या एखाद्या बिगर-बँकिंग वित्तीय कंपनीला (NBFC) दिलेले हे पहिलेच कर्ज आहे. हा निधी मोठ्या आणि मध्यम स्वरूपाच्या पवन व सौर प्रकल्पांना दिला जाणार आहे.

झारखंडमध्ये उभारण्यात आलेल्या भारतीय कृषी संशोधन संस्थेच्या (IARI) नवीन इमारतीला डॉ. श्याम प्रसाद मुखर्जी यांचे नाव देण्यात आले आहे. भारतीय जन संघ याचे संस्थापक राहिलेल्या डॉ. श्याम प्रसाद मुखर्जी ह्यांच्या 119 व्या जयंतीनिमित्त इमारतीचे उद्घाटन नव्या नावाने करण्यात आले. त्यांनी देशाच्या ऐक्य आणि अखंडतेसाठी एक राष्ट्र-एक कायद्यासाठी हाक दिली होती आणि त्यासाठी त्यांनी काश्मीरमध्ये आपले प्राण अर्पण केले.

पाकिस्तान सरकारच्या मंजुरीनंतर राजधानी इस्लामाबाद येथे उभारण्यात येत असलेल्या श्री कृष्णा मंदिराचे बांधकाम काही दिवसांतच थांबविण्यात आले. उच्च न्यायालयात जागेवरून चाललेल्या वादाच्या पार्श्वभूमीवर बांधकाम थांबविण्यात आले आहे.

कोविड-19 संसर्गासंबंधी संयुक्तपणे संशोधन करण्यासाठी इंस्टीट्यूट ऑफ जेनोमिक्स अँड इंटिग्रेटिव्ह बायोलॉजी (CSIR-IGIB, नवी दिल्ली) आणि आयआयटी अल्युमनी कौन्सिल या संस्थेनी सामंजस्य करार केला.

8 जुलै 2020 रोजी केंद्रीय प्रत्यक्ष कर मंडळ (CBDT) आणि भारतीय रोखे व विनिमय मंडळ (SEBI) यांच्यादरम्यान माहितीचे आदान-प्रदान करण्यासाठी एका सामंजस्य करारावर स्वाक्षऱ्या करण्यात आल्या. व्हिडीओ काँन्फरन्सद्वारे झालेल्या या करारावर, आयकर खात्याच्या प्रमुख महासंचालिका अनु जे. सिंग आणि SEBIच्या पूर्णवेळ सदस्य असलेल्या माधबी पुरी बूच यांनी स्वाक्षऱ्या केल्या. या सामंजस्य करारानुसार, CBDT आणि SEBI यांच्यादरम्यान स्वयंचलित आणि नियमितपणे माहितीचे आदान-प्रदान होणार. याशिवाय ही दोन्ही मंडळे परस्परांमध्ये विविध कायद्यांच्या कक्षेत येणाऱ्या माहितीची देवाणघेवाण विनंतीवरून अथवा अधिकृत परवानगी शिवाय करू शकतील.

जम्मू व काश्मीरमध्ये आंतरराष्ट्रीय सीमा (IB) व नियंत्रण रेषे जवळच्या संवेदनशील भागात बांधण्यात आलेल्या सहा मुख्य पूलांचे उद्घाटन संरक्षण मंत्री राजनाथ सिंग यांनी 9 जुलै 2020 रोजी व्हिडिओ कॉन्फरन्सिंगद्वारे केले. धोरणात्मकदृष्ट्या महत्त्वाचे असलेले हे पूल सीमा रस्ते संघटनेने विक्रमी वेळेत पूर्ण केले आहेत. यापैकी दोन पूल कथुवा जिल्ह्यात तारनाह नाला येथे आणि चार पूल जम्मूतल्या अखनूर जिल्ह्यात अखनूर-पालनवाला रस्त्यावर बांधण्यात आले आहेत. आर्थिक वर्ष 2018-19 पेक्षा 2019-20 या आर्थिक वर्षात सीमा रस्ते दलाने 30 टक्के जास्तीची कामे पार पाडली आहेत.

9 जुलै 2020 रोजी चीनने एपस्टार-6D या नावाने एका दळणवळण उपग्रहाचे यशस्वीरित्या प्रक्षेपण केले.

भारतीय अंतराळ संशोधन संस्था (ISRO) ब्राझील देशाने प्रथमच तयार केलेल्या अॅमेझोनिया-1 नावाच्या पृथ्वी निरीक्षण उपग्रहाचे प्रक्षेपण करणार आहे.