चालू घडामोडी सराव पेपर – 12 ऑगस्ट 2020

10 ऑगस्ट 2020 रोजी पंतप्रधान नरेंद्र मोदी यांनी चेन्नई आणि पोर्ट ब्लेअरला जोडणार्या सबमरीन (समुद्र तळाशी टाकलेली केबल) ऑप्टिकल फायबर केबलचे उद्घाटन केले. हा अंदमान व निकोबार बेटांना मुख्य भूमीशी जोडणारा CANI (Chennai and Andaman Nicobar Islands) प्रकल्प आहे. ही 2300 किलोमीटर लांबीची केबल आहे. ही सेवा चेन्नई ते पोर्ट ब्लेअर, पोर्ट ब्लेअर ते लिटल अंदमान आणि पोर्ट ब्लेअर ते स्वराज आयलंड अशा काही ठराविक मुख्य बेटांवर सुरू झाली आहे.

छत्तीसगड राज्य सरकारने 9 ऑगस्ट 2020 रोजी राज्यात इंदिरा वन मितान योजना लागू केली. या योजनेच्या अंतर्गत आदिवासींच्या क्षेत्रातल्या सुमारे 10000 खेड्यांमधील तरुणांचे समूह तयार केले जाणार जे वन आधारित आर्थिक कामे व्यवस्थापित करणार. प्रत्येक गटात 10-15 व्यक्ती असणार.

दिल्लीच्या भारतीय तंत्रज्ञान संस्थेनी (IIT) वायू गुणवत्तेच्या संदर्भात व्यवस्थापनासाठी भौगोलिक माहिती प्रणाली (GIS)-आधारित व्यासपीठ तयार करण्यासाठी बिहार राज्य प्रदूषण नियंत्रण मंडळासोबत करार केला. या कराराच्या अंतर्गत PM2.5 आणि लहान कणांच्या उपस्थितीची माहिती सामायिक केली जाणार.

केंद्रीय अर्थ व कंपनी कल्याण मंत्री निर्मला सीतारामन यांनी नॅशनल इन्फ्रास्ट्रक्चर पाईपलाईन (NIP) यासाठीच्या ऑनलाईन मंचाचे व्हिडीओ कॉन्फरन्सच्या माध्यमातून उद्घाटन केले. भारतीय पायाभूत प्रकल्पासंबंधीची माहिती सर्व भागधारकांना एकाच ठिकाणी मिळावी यादृष्टीने ऑनलाईन व्यासपीठाची सुरुवात करण्यात आली आहे. इंडिया इन्वेस्टमेंट ग्रीडच्या (IIG) संकेतस्थळावर व्यासपीठ उपलब्ध आहे. IIG एक संवादात्मक आणि डायनॅमिक ऑनलाइन व्यासपीठ आहे जो देशातली अद्ययावत आणि वास्तविक वेळेत गुंतवणूक संधींची माहिती पुरवतो.

सुरक्षा या नावाने मानव-हत्ती संघर्षविषयक संकेतस्थळाचे उद्घाटन करण्यात आले आहे. या राष्ट्रीय मंचावर अद्ययावत माहिती आणि हे संघर्ष टाळण्यासाठी आवश्यक ते मार्गदर्शन मिळू शकणार. यातून संकलित झालेल्या माहितीच्या आधारावर, धोरणकर्त्यांना हा संघर्ष टाळण्यासाठीची धोरणनिर्मिती आणि कृती आराखडा तयार करता येणार.12 ऑगस्टला जागतिक हत्ती दिन साजरा हित असून, जगभरात हत्तींचे संवर्धन आणि संरक्षण करण्यासाठी हा दिवस समर्पित आहे. हत्तींचे संवर्धन करण्याबाबत जनजागृती करणे आणि त्यांच्या संरक्षणासाठी विविध उपाययोजनांचे आदानप्रदान व्हावे या दृष्टीने हा दिवस साजरा केला जातो. निसर्ग संवर्धनविषयक आंतरराष्ट्रीय महासंघ (IUCN) या च्या लाल यादीत म्हणजेच धोकादायक स्थितीत असलेल्या प्राण्यांच्या यादीत आशियाई हत्तींचा समावेश करण्यात आला आहे. सध्या जगात 50,000 ते 60,000 आशियाई हत्ती असून, त्यापैकी 60 टक्के हत्ती भारतात आहेत.

भारत-कॅनडा सेंटर फॉर इनोव्हेटिव्ह मल्टि डिसिप्लिप्लिनरी पार्टनरशिप टू एक्सीलरेट कम्युनिटी ट्रान्सफॉर्मेशन अँड सस्टेनेबिलिटी (IC-IMPACTS) यांनी 6 ऑगस्ट 2020 रोजी परिषदेचे आयोजन केले होते.IC-IMPACTS अंतर्गत मुख्यत्वे पर्यावरणपूरक इमारती आणि स्मार्ट शहरे, आगीदरम्यान इमारतीतल्या लोकांचे जीव वाचवणे, एकात्मिक जल व्यवस्थापन, सुरक्षित व शाश्वत पायाभूत सुविधा आणि पाण्यापासून तसेच संसर्गजन्य रोगांमुळे उद्भवणाऱ्या आरोग्य समस्या यावर संशोधन केले जाते.

दिल्ली आंतरराष्ट्रीय विमानतळाने भारताशी जुळलेल्या आंतरराष्ट्रीय प्रवाश्यांसाठी एयर सुविधा या नावाने एक संकेतस्थळ विकसित केले आहे. हे संकेतस्थळ व्यक्ती भारतात उतरल्यानंतर एक स्व-घोषित माहिती पत्र भरण्यासाठी सक्षम करते.

फुटबॉलपटू मनीतोम्बी सिंग यांचे निधन झाले. ते भारतीय संघाचे माजी डिफेंडर तसेच मोहून बागान संघाचे कर्णधार होते.

पतंजली झा यांची मुंबईत प्राप्तिकर विभागाचे प्रधान मुख्य आयुक्त पदावर नेमणूक झाली आहे.

माजी गृह सचिव जी. के. पिल्लई यांची निर्यात उत्पादनांवर शुल्क व करावर सूट (RoDTEP) या योजनेच्या अंतर्गत कमाल मर्यादा निश्चित करण्यासाठी नेमलेल्या समितीच्या अध्यक्षपदी नेमणूक करण्यात आली आहे. समितीचे अन्य दोन सदस्य गौतम रे आणि वाय. जी परांडे हे आहेत. ही समिती केंद्रीय अप्रत्यक्ष कर व सीमाशुल्क मंडळाने (CBIC) तयार केली आहे.