चालू घडामोडी सराव पेपर – 12 जुलै 2020

कोविड-19 महामारीच्या पार्श्वभूमीवर, भारतीय विमा नियमन व विकास प्राधिकरणाने (IRDAI) आरोग्य विमा कंपन्यांना कोरोना कवच ही आरोग्य विमा योजना सादर करण्याची परवानगी दिली. उपचारादरम्यान होणारा सर्व खर्च विमा योजनेतून दिला जाणार. याद्वारे 50 हजार ते 5 लक्ष रुपयांचा विमा उतरवला जाऊ शकतो

पंतप्रधान नरेंद्र मोदी यांच्या अध्यक्षतेखाली 8 जुलै 2020 रोजी पार पडलेल्या केंद्रीय मंत्रिमंडळाच्या बैठकीत कृषी पायाभूत सुविधा कोष या नव्या अखिल भारतीय केंद्रीय क्षेत्र योजनेला मंजुरी देण्यात आली. ही योजना कापणीच्या हंगामानंतर व्यवस्थापन, पायाभूत सोयी-सुविधा आणि सामुदायिक कृषीविषयक मालमत्तांसाठी व्यवहार्य प्रकल्पांमध्ये गुंतवणूक करण्याच्या हेतूने व्याज अनुदान आणि आर्थिक सहाय्याद्वारे मध्यम-दीर्घ मुदतीसाठी कर्जपुरवठा सुविधा उपलब्ध करुन देणार. योजनेचा कालावधी आर्थिक वर्ष 2020 ते आर्थिक वर्ष 2029 अर्थात 10 वर्षांचा असणार आहे.राष्ट्रीय बँका आणि वित्तीय संस्था या योजनेच्या अंतर्गत प्राथमिक कृषी पत संस्था, विपणन सहकारी संस्था, शेतकरी उत्पादक संघटना, बचत गट, शेतकरी, संयुक्त दायित्व गट, बहुउद्देशीय सहकारी संस्था, कृषी-उद्योजक, स्टार्टअप, एकत्रित पायाभूत सुविधा पुरविणारे आणि केंद्र/राज्य संस्था किंवा स्थानिक संस्था पुरस्कृत सार्वजनिक-खासगी भागीदारी प्रकल्प यांना सुमारे एक लक्ष कोटी रुपयांचे कर्ज प्रदान करणार.

आयव्हरी कोस्टचे पंतप्रधान अमाडौ गोन कौलिबली ह्यांचे 8 जुलै 2020 रोजी निधन झाले. ते एक राजकारणी होते.

पंतप्रधान नरेंद्र मोदी याच्या हस्ते 10 जुलै 2020 रोजी मध्यप्रदेशातल्या रीवा शहरात 750 मेगावॉट क्षमतेचा सौर प्रकल्प देशाला समर्पित करण्यात आला. रीवा सौर प्रकल्प हा ग्रीड पॅरिटी बॅरिअर तोडणारा देशातला पहिला सौर प्रकल्प आहे. दरवर्षीच्या कार्बनडाय ऑक्साइड उत्सर्जनाच्या तुलनेत या प्रकल्पामुळे सुमारे 15 लक्ष टन कार्बन उत्सर्जन कमी होणार. राज्याबाहेरील संस्थात्मक ग्राहकांना पुरवठा करणारा हा पहिला अक्षय ऊर्जा प्रकल्प आहे. दिल्ली मेट्रोला प्रकल्पाकडून 24 टक्के ऊर्जा पुरविली जाणार आहे. या प्रकल्पामुळे भारत जगात स्वच्छ ऊर्जेचा आदर्श बनला आहे.

दरवर्षी 10 जुलै या दिवशी राष्ट्रीय मत्स्य उत्पादक दिन साजरा केला जातो. डॉ. एच. एल. चौधरी आणि डॉ. के. एच. आलिकुंही यांच्या मत्स्यपालन क्षेत्राल्या योगदानाची आठवण म्हणून हा राष्ट्रीय दिन साजरा केला जातो. या दोन शास्त्रज्ञानी 10 जुलै 2020 रोजी त्यांनी फिश हायपोफिसेशनप्रजनन पद्धतीचा शोध लावला होता.संयुक्त राष्ट्रसंघ खाद्यान्न व कृषी संघटना (UNFAO) याच्या ग्लोबफिश रिपोर्ट 2019या अहवालानुसार, भारत हा जगातला द्वितीय क्रमांकाचा सर्वात मोठा मत्स्यपालन करणारा देश आणि जगातला तृतीय क्रमांकाचा सर्वात मोठा मत्स्य उत्पादक आहे.

भारत सरकारच्या कौशल्य विकास आणि उद्योजकता मंत्रालयाच्यावतीने मंत्री डॉ. महेंद्र नाथ पांडे यांच्या हस्ते कुशल लोकांना शाश्वत रोजगाराची संधी शोधण्यात मदत करण्यासाठी आत्मनिर्भर कुशल कर्मचारी नियोक्ता मानचित्रण (Atma Nirbhar Skilled Employee-Employer Mapping – ASEEM) या नावाने एका व्यासपीठाचे अनावरण करण्यात आले आहे. या संकेतस्थळावरून प्रदेश आणि स्थानिक उद्योगांच्या मनुष्यबळ मागणीची पूर्तता केली जाणार आहे.

के. श्रीकुमार आणि रूपा कुमार हे ‘महावीर: ए सोल्जर व्हू नेव्हर डाइड’ हे शीर्षक असलेल्या कादंबरीचे लेखक आहेत

गुगल कंपनीने त्याचे गुगल प्लस या सोशल नेटवर्किंग संकेतस्थळाचे नाव बदलून गुगल करंट्सअसे ठेवले आहे

महाराष्ट्राच्या नवी मुंबई शहरातल्या पनवेल भागात भारतातले आणि आशियातले सर्वात मोठे आणि जगातले द्वितीय क्रमांकाचे डेटा सेंटर उभारण्यात आले आहे. त्या केंद्राला ‘योट्टा NM1’ असे नाव देण्यात आले आहे. हे डेटा सेंटर अमेरिकेच्या योट्टा इनफ्रास्ट्रक्चर आणि NM1 या कंपन्यांनी उभारले.

ओडिशा राज्याचे मुख्यमंत्री नवीन पटनायक यांच्या हस्ते अंतराळ तंत्रज्ञानाचा वापर करून राज्य सरकारची मालकी असलेल्या भूखंडावरील अतिक्रमण रोखण्याच्या हेतूने BLUIS प्रणालीचे अनावरण केले