चालू घडामोडी सराव पेपर – 17 जुलै 2020

कोरोना साथीच्या काळात सुरक्षितता बाळगून खेळवण्यात आलेल्या प्रथम क्रिकेट सामन्यात, वेस्ट इंडीज संघाने इंग्लंडविरुद्धचा पहिला आंतरराष्ट्रीय क्रिकेट कसोटी सामना जिंकला. तो सामना इंग्लंडच्या एजॉस बाऊल मैदानावर खेळवण्यात आला होता

अशोक लवासा (वर्तमान भारतीय निवडणूक आयुक्त) ह्यांना आशियाई विकास बँक (ADB) यामध्ये खासगी क्षेत्रातील कामकाज आणि सार्वजनिक-खासगी भागीदारी विभागाचे नवीन उपाध्यक्ष म्हणून नियुक्त करण्यात आले आहे. ही नियुक्ती दिवाकर गुप्ता यांच्या जागी करण्यात आली.

वेद प्रकाश दुडेजा ह्यांना 2020 सालासाठी “इन्फ्रा बिझिनेस लीडर ऑफ द इयरचा पुरस्कार देण्यात आला आहे. ते सध्या रेल भूमी विकास प्राधिकरणाचे (RLDA) उपाध्यक्ष आहेत.

भारतीय तंत्रज्ञान संस्था, दिल्ली या संस्थेच्या वतीने कोरोशुअरया नावाखाली जगातला सर्वात स्वस्त ठरलेला RT-PCR आधारित कोविड-19 निदान संच विकसित करण्यात आला आहे. या संचाची आधारभूत किंमत 399 रुपये इतकी ठरविण्यात आली आहे. या संचाला भारतीय वैद्यकीय संशोधन परिषद (ICMR) आणि DGCI यांनी मान्यता दिली आहे. ‘कोरोशुअर’ निदान संच स्वदेशी आहे आणि याची किंमत इतर संचाच्या तुलनेमध्ये अतिशय कमी आहे.

केंद्रीय मनुष्यबळ विकास मंत्री रमेश पोखरियाल ‘निशंक’ यांच्या हस्ते नवी दिल्लीत आभासी माध्यमातून डिजिटल शिक्षण देण्या-घेण्याच्या संदर्भात प्रज्ञाता
(PRAGYATA) या नावाने मार्गदर्शक तत्त्वांची एक यादी जाहीर करण्यात आली आहे. कोविड-19 टाळेबंदीमुळे सध्या घरी असणाऱ्या विद्यार्थ्यांसाठी ऑनलाईन/ मिश्रित/ डिजिटल शिक्षणावर लक्ष केंद्रित करून त्यांच्या अभ्यासक्रमाच्या दृष्टीकोनातून प्रज्ञाता मार्गदर्शक तत्त्वे विकसित केली गेली आहेत प्रज्ञाता (PRAGYATA) मार्गदर्शक तत्त्वांमध्ये ऑनलाईन / डिजिटल पद्धतीने शिकण्याच्या आठ टप्प्यांचा समावेश आहे, ते म्हणजे योजना आढावा – व्यवस्था करा मार्गदर्शक – चर्चा – अभ्यास नेमून द्या – मागोवा घ्या – कौतुक करा (Plan-Review-Arrange-Guide-Yak(talk)- Assign-Track, and Appreciate). हे सर्व टप्पे उदाहरणांसह डिजिटल शिक्षणाचे नियोजन आणि अंमलबजावणी बाबत मार्गदर्शन करतात.

कोविड-19 महामारीच्या काळात आणि त्यानंतरच्या काळात भारतातल्या अत्यंत असुरक्षित लोकसंख्या आणि लहान मुलांना आधार देण्याच्या उद्देशाने प्रतिसादात्मक कृतीसाठी संयुक्त राष्ट्रसंघ बाल कोष (UNICEF) या संघटनेच्या रिइमेजीन मोहीमेचा संयुक्तपणे विकास करण्यासाठी UNICEF इंडिया या संस्थेनी फेडरेशन ऑफ इंडियन चेंबर्स ऑफ कॉमर्स अँड इंडस्ट्रीज (FICCI), सोशल-इकोनॉमिक डेव्हलपमेंट फाउंडेशन (SEDF) या संस्थांसोबत करार केला आहे

दरवर्षीप्रमाणे 15 जुलै 2020 रोजी जगभरात स्किल्स फॉर ए रेजीलीएन्ट युथ या संकल्पनेखाली जागतिक युवा कौशल्य दिन साजरा करण्यात येत आहे. यावर्षी भारतात कौशल्य भारत अभियान सुरू करण्यात आल्याचा पाचवा वर्धापनदिन म्हणून हा दिवस साजरा होत आहे. कौशल्य विकास व नवउद्योजकता मंत्रालयातर्फे या दिवशी एका डिजिटल परिषदेचे आयोजन करण्यात आले

कोविड-19 महामारीचा प्रसार रोखण्यासाठी भारतीय रेल्वेच्यावतीने अनेक उपाययोजना करण्यात आल्या आहेत. रेल्वेच्या कपूरथला येथे असलेल्या बोगी निर्माण कारखान्यात कोविड साथीशी लढा देण्यासाठी सक्षम बोगी तयार करण्यात येत आहेत. कोविडपश्चात वापरण्यास योग्य ठरतील असा बदल बोगींच्या रचनेमध्ये करण्यात आला आहे. या बोगींमध्ये असलेल्या सुविधा वापरण्यासाठी त्या गोष्टींना प्रवाशाला हात लावावे लागणार नाही म्हणजेच संपर्करहीत असणार. तसेच दारांचे हँडल, लॅच यांच्यावर तांब्याचे लेपन करण्यात आले आहे. बोगीतली हवा शुद्ध करण्याची यंत्रणा बसविण्यात आली आहे. तसेच या बोगींना टिटॅनियम डाय-ऑक्साईडचे लेपन करण्यात आले आहे.

सचिन अवस्थी ह्यांना ग्लोबल ह्युमॅनिटेरियन अवॉर्ड 2020 कार्यक्रमातला टॉप पब्लिसिस्टचा पुरस्कार देऊन सन्मानित करण्यात आले आहे. सचिन अवस्थीने वंदे गंगे स्वच्छता जन जागरण यात्रा आयोजित केली होती.

भारतातील पहिले ट्रान्स-शिपमेंट हब म्हणजेच मध्यस्थी-जलवाहतुक केंद्र केरळमध्ये असलेल्या कोचीन बंदरातल्या वल्लारपदम टर्मिनलवर आहे. हे डीपी वर्ल्ड (दुबई पोर्ट्स वर्ल्ड) या कंपनीच्या व्यवस्थापनाच्या अंतर्गत असलेले बंदर आहे. बंदरात येणारे कंटेनर्स सांभाळणे, कंटेनर्स तात्पुरते साठवून ठेवणे आणि त्यांना दुसऱ्या जहाजांवर चढवणे हे काम येथे केले जाते. दक्षिण आशियातील पहिले ट्रान्स-शिपमेंट हब म्हणून हे बंदर आकारास येत आहे.