चालू घडामोडी सराव पेपर – 19 जुलै 2020

उत्तराखंडचे मुख्यमंत्री त्रिवेंद्र सिंग रावत यांच्या हस्ते देहरादून येथे स्मृती वनाचे उद्घाटन करण्यात आले. हरेला महोत्सवाच्या दिवशी राज्यातील प्रसिद्ध दिवंगत लोक गायिका जीत सिंग नेगी यांच्या स्मृतिदिनानिमित्त उद्घाटनाचा कार्यक्रम झाला. हरेला महोत्सव उत्तराखंड राज्यातील कुमाऊं क्षेत्रात आणि हिमाचल प्रदेशाच्या काही भागात निवासी असलेल्या लोकांचा उत्सव आहे.

राष्ट्रीय कृषी व ग्रामीण विकास बँकेनी (NABARD) अम्फान चक्रीवादळामुळे नुकसान झालेल्या पायाभूत सुविधांची पुनर्रचना करण्यासाठी पश्चिम बंगालला देण्यासाठी 795 कोटी रुपयांचा निधी मंजूर केला. 16 मे 2020 रोजी आग्नेय बंगालच्या उपसागरात अम्फान चक्रीवादळाची निर्मिती झाली, ज्याला श्रेणी-5 चक्रीवादळ घोषित करण्यात आले.

केंद्रीय माध्यमिक शिक्षण मंडळाने (CBSE) उच्च शालेय अभ्यासक्रमात कृत्रिम बुद्धिमत्तेचा वापर करण्यासाठी इंटरनॅशनल बिझनेस मशिन कॉर्पोरेशन (IBM) संस्थेसोबत करार केला. या तंत्राचा उपयोग शैक्षणिक वर्ष 2020-2021 मध्ये केला जाणार आहे. हा अभ्यासक्रम पश्चिम बंगाल, तेलंगणा, महाराष्ट्र, मध्यप्रदेश, राजस्थान, पंजाब, दिल्ली, आंध्रप्रदेश, उत्तरप्रदेश, केरळ, तामिळनाडू, ओरिसा, कर्नाटक या राज्यांमधील 200 शाळांमध्ये सुरू केला जाणार आहे.

गॅबॉन देशाचे राष्ट्रपती अली बोंगो ओंडिम्बा यांनी रोज क्रिस्टिन ओसौका रॅपोंडा यांची पंतप्रधानपदी निवड केली. त्या गॅबॉन देशाच्या प्रथम महिला पंतप्रधान आहेत. त्यांनी ज्युलियन नकोघे बेकाले यांची जागा घेतली.

टाटा समूहाचे अध्यक्ष एन. चंद्रशेखरन आणि लॉकहीड मार्टिन कंपनीचे CEO जिम ताईक्लेट यांना USIBC ग्लोबल लीडरशिप अवॉर्ड 2020या पुरस्काराने सन्मानित करण्यात आले.

महाराष्ट्राची पहिली महिला निवडणूक आयुक्त राहिलेल्या निला सत्यनारायण यांचा 16 जुलै 2020 रोजी कोविड-19 रोगामुळे मृत्यू झाला. त्या एक कवी आणि कादंबरीकार देखील होत्या.

कमिटी टू प्रोटेक्ट जर्नालिस्ट्स या संस्थेनी आंतरराष्ट्रीय वृत्तपत्र स्वातंत्र्य पुरस्कार 2020 जाहीर केला. इराणचे मोहम्मद मोसाईद, बांग्लादेशाचे शाहिदुल आलम, नायजेरियाचे दापो ओलोरुन्योमी आणि रशियाचे स्वेतलाना प्रोकोपीएवा यांना हा पुरस्कार दिला जाणार आहे.

पाकिस्तान आणि चीन या देशांच्या दरम्यान 700 मेगावॅट क्षमतेचा जलविद्युत प्रकल्पासाठी करार झाला. झेलम नदीच्या काठी पाकिस्तानाच्या सुधोनी जिल्ह्यात आझाद पट्टन जलविद्युत प्रकल्प उभारला जाणार आहे. या प्रकल्पासाठी 1.5 अब्ज डॉलर खर्च येणार आहे. चीन-पाकिस्तान आर्थिक मार्गिका (CPEC) अंतर्गत उभारला जाणारा दुसरा प्रकल्प आहे.

दरवर्षी 17 जुलै या दिवशी जागतिक आंतरराष्ट्रीय न्याय दिन साजरा केला जातो. एमपॉवर इंटरनॅशनल जस्टिस अँड प्रोमोट्स विक्टीम्स राइट ही 2020 साली आंतरराष्ट्रीय न्याय दिनाची संकल्पना आहे.

16 जुलै 2020 रोजी केंद्रीय मनुष्यबळ विकास मंत्री रमेश पोखरियाल निशंक आणि आंध्रप्रदेशाचे मनुष्यबळ विकास राज्यमंत्री संजय धोत्रे यांच्या हस्ते संयुक्तपणे आंध्रप्रदेशात 1200 प्रमुख संसाधन व्यक्तींसाठी पहिल्या ऑनलाईन नॅशनल इनिशीएटिव्ह फॉर स्कूल हेड्स अँड टीचर्स होलीस्टिक अडवांसमेंट (निष्ठा) कार्यक्रमाचे उद्घाटन झाले. एकात्मिक प्रशिक्षणाद्वारे शालेय शिक्षणाची गुणवत्ता सुधारणे हे कार्यक्रमाचे उद्दीष्ट आहे. हा राष्ट्रीय शैक्षणिक संशोधन व प्रशिक्षण परिषदेचा (NCERT) कार्यक्रम आहे.