चालू घडामोडी सराव पेपर – 20 जुलै 2020

पॅरा-बॅडमिंटनपटू रमेश टिकाराम यांचे कोविड-19 रोगामुळे निधन झाले. त्यांना 2002 साली अर्जुन पुरस्कार देण्यात आला होता.

तेहरीक-ए-तालिबान पाकिस्तान या दहशतवादी गटाचा नेता असलेला नूर वाली मेहसूद याला संयुक्त राष्ट्रसंघाने जागतिक दहशतवादी म्हणून घोषित केले.

पर्यावरण, वन व हवामान बदल मंत्री प्रकाश जावडेकर यांनी भागीरथी इको-सेन्सिटिव्ह झोन च्या क्षेत्रीय मास्टर योजनेला अनुमती दिली असून, त्याच्या अंतर्गत गौमुख ते उत्तराकाशी पर्यंतचा 4179.59 चौरस किलोमीटरचे क्षेत्र व्यापले जाणार आहे. उत्तराखंड सरकारने ही योजना तयार केली आणि जलशक्ती मंत्रालयाने त्याचे मूल्यांकन केले

गृहनिर्माण व शहरी कामकाज मंत्रालयाचे सचिव दुर्गा शंकर मिश्रा यांनी प्रधानमंत्री फेरीवाला आत्मनिर्भर निधी (पीएम स्वनिधी चे मोबाईल ॲप सुरु केले. या योजनेच्या अंतर्गत फेरीवाल्यांना वित्तपुरवठा करण्यासाठी आणि त्यांच्या कर्जाच्या अर्जांवर विचार करण्यासाठी या ॲप अंतर्गत कर्जपुरवठा करणाऱ्या संस्थांसाठी वापरायला सोयीचे डिजिटल इंटरफेस प्रदान करणे हा या ॲपचा उद्देश आहे.02 जुलै 2020 रोजी पीएम स्वनिधी अंतर्गत कर्ज देण्याची प्रक्रिया सुरू झाल्यापासून 1,54,000 हून अधिक फेरीवाल्यांनी राज्ये/केंद्रशासित प्रदेशांमध्ये क्रियाशील भांडवली कर्जासाठी अर्ज केले आहेत आणि त्यापैकी 48,000 पेक्षा जास्त मंजूर झाले आहेत. या योजनेच्या अंतर्गत फेरीवाऱ्यालांना 10 हजार रुपयांपर्यंतचे कर्ज दिले जात आहे. पानवाले, केशकर्तनालय चालविणारे, चांभारांनाही याचा लाभ मिळत आहे.

उत्तरप्रदेशाच्या आग्रा येथील संरक्षण संशोधन व विकास संघटना (DRDO) याची शाखा असलेल्या एरियल डिलिवरी रिसर्च अँड डेव्हलपमेंट ईस्टेब्लीशमेन्ट (ADRDE) या केंद्रांनी P7 हेवी ड्रॉप प्रणाली विकसित केली आहे. ही ऊंचीवरून IL76 विमानामधून खाली टाकलेला 7 टन वजनाच्या श्रेणीतले भार जमिनीवर सुरक्षित उतरविण्याची स्वदेशी प्रणाली आहे.

दरवर्षी 18 जुलै या दिवशी संयुक्त राष्ट्रसंघाच्या नेतृत्वात जगभरात नेल्सन मंडेला आंतरराष्ट्रीय दिन साजरा करण्यात येतो. या दिवशी नेल्सन मंडेला यांच्या नेतृत्वाचा आणि गरिबीला तोंड देण्यासाठी आणि सर्वांच्या सामाजिक न्यायासाठी समर्पणाचा सन्मान केला जातो.नोव्हेंबर 2009 मध्ये, दक्षिण आफ्रिकेचे माजी राष्ट्राध्यक्ष नेल्सन मंडेला यांच्या शांती आणि स्वातंत्र्य यामधील योगदानाच्या स्मृतीखातर 18 जुलै या तारखेला “नेल्सन मंडेला आंतरराष्ट्रीय दिन” म्हणून साजरा करण्याचे UNGA कडून घोषित केले गेले.

बॉलिवूड अभिनेत्री प्रियांका चोप्रा-जोनास यांना ;टोरोंटो आंतरराष्ट्रीय चित्रपट महोत्सव (TIFF) 2020 या कार्यक्रमाचे दूत म्हणून नेमण्यात आले

केंद्रीय वाणिज्य व उद्योग मंत्रालयाच्या आकडेवारीनुसार, 2019-20 या आर्थिक वर्षातही संयुक्त राज्ये अमेरिका हा देश भारताचा अव्वल व्यापार भागीदार म्हणून कायम आहे. 2019-20 या आर्थिक वर्षात दोन्ही देशांमध्ये 88.75 अब्ज डॉलरचा व्यापार झाला.

उत्तराखंड सरकारने कचरा ते ऊर्जा या उपक्रमांतर्गत राज्यात निर्माण होणाऱ्या कचर्याचे विजेमध्ये रूपांतर करण्याचा निर्णय घेतला आहे. राज्य कचऱ्यापासून 5 मेगावॅटपर्यंत वीज निर्मिती केली जाऊ शकते.

16 जुलै 2020 रोजी केंद्रीय नौवहन राज्यमंत्री (स्वतंत्र प्रभार) मनसुख मांडवीय यांनी कोलकाता येथून बांग्लादेशातील चट्टोग्राम बंदरमार्गे आगरतळाकडे जाणाऱ्या पहिल्या चाचणी मालवाहू जहाजाला एका आभासी समारंभाने हिरवा झेंडा दाखविला. भारत आणि बांग्लादेश यांच्यादरम्यान चट्टोग्राम आणि मोंगला या बांग्लादेशातील बंदरांतून भारताच्या मालवाहू जहाजांचे वहन करण्याविषयीचा करार झाला आहे. या मार्गामुळे बांग्लादेशातून भारताच्या ईशान्य भागात जाण्यासाठी वैकल्पिक आणि संक्षिप्त मार्ग उपलब्ध झाला आहे