चालू घडामोडी सराव पेपर – 21 जुलै 2020

दरवर्षी 20 जुलै या दिवशी जागतिक बुद्धिबळ दिन साजरा केला जातो. 2020 साली जागतिक बुद्धीबळ दिनची संकल्पना “चेस फॉर रिकव्हरिंग बेटर” ही आहे. 20 जुलै 1924 रोजी पॅरिसमध्ये आंतरराष्ट्रीय बुद्धीबळ महासंघाची (FIDE) स्थापना केली गेली होती, त्यानिमित्त हा दिवस पाळला जातो.

रोशनी नादर मल्होत्रा या HCL टेक्नॉलजीज या कंपनीचे नवे अध्यक्ष आहेत. त्या शिव नादरची जागा घेतील.

होप प्रोब किंवा एमिरेट्स मार्स मिशन (EMM) ही संयुक्त अरब अमिराती देशाची पहिली मंगळ मोहीम आहे. अरब जगातील ही पहिली मंगळ मोहीम आहे. होप उपग्रहाचे 14 जुलैला जापानच्या एका बेटावरून प्रक्षेपण केले गेले. फेब्रुवारी 2021 मध्ये हा उपग्रह मंगळाच्या कक्षेत प्रवेश करणार. यात मंगळावरील धूळ आणि ओझोन थराचा अभ्यास करण्यासाठी अत्युच्च दर्जाचा कॅमेरा, ग्रहानजीकच्या वातावरणाचा अभ्यास करण्यासाठी इन्फ्रारेड स्पेक्ट्रोमीटर, ग्रहावरील ऑक्सिजन आणि हायड्रोजन वायूंची पातळी मोजण्यासाठी अल्ट्राव्हायलेट स्पेक्ट्रोमीटर बसविण्यात आले आहे. उपग्रहाचे 1350 किलोग्रॅम वजन आहे.

संपूर्णतः स्वदेशी विकसित न्यूमोनिया वरील सर्वात पहिली न्यूमोकोकल पॉलिसेकेराइड कॉन्जुगेट लस पुण्याच्या सीरम इन्स्टिट्यूट ऑफ इंडिया प्रा. लिमिटेड या कंपनीने विकसित केली आहे. भारतीय औषध नियामक महामंडळाने या लसीला मान्यता दिली आहे. ही लस अर्भकांमध्ये “स्ट्रेप्टोकोकस न्यूमोनिया”मुळे होणारे आक्रमक रोग आणि न्यूमोनिया विरूद्ध सक्रिय लसीकरणासाठी वापरली जाते.

कोविड-19 महामारीमुळे उद्भवलेल्या संकटाच्या परिस्थितीत जागतिक आर्थिक दृष्टिकोनावर चर्चा करण्यासाठी तसेच 2020 या वर्षासाठी अन्य जी-20 वित्तीय प्राथमिकतेबाबत चर्चा करण्यासाठी केंद्रीय अर्थ मंत्री निर्मला सीतारमन 18 जुलै 2020 रोजी नवी दिल्ली येथे व्हिडिओ कॉन्फरन्सिंगद्वारे सौदी अरबच्या अध्यक्षतेखाली झालेल्या तिसर्या जी-20 अर्थमंत्री आणि सेंट्रल बँक गव्हर्नर्स (FMCBG) यांच्या बैठकीत सहभागी झाल्या. अर्थमंत्र्यांनी बैठकीच्या पहिल्या सत्रात कोविड-19 ला प्रत्योत्तर देण्याबाबत जी-20 कृती आराखड्यासंदर्भात चर्चा केली.

ब्लॅकरॉक मालवेयर माहिती चोरण्यास सक्षम आहे. थ्रेटफॅब्रिक या मोबाइल सुरक्षा कंपनीला हा मालवेयर सापडला आहे.

मद्रासच्या भारतीय तंत्रज्ञान संस्थेनी (IIT) हाताळण्याजोगे रुग्णालय तयार केले आहे, जे चार लोकांकडून केवळ दोन तासांच्या आत उभारले जाऊ शकते. मेडीकॅब असे त्याला नाव देण्यात आले आहे. पहिले रुग्णालय केरळमधील वायनाड जिल्ह्यात उभारण्यात आले. मेडिकॅब दुमडले जाऊ शकते आणि त्यात डॉक्टरचे कक्ष, विलगीकरण कक्ष, वैद्यकीय कक्ष आणि ICU कक्ष असे चार विभाग आहेत.

नव्याने सापडलेल्या झुरळाच्या प्रजातीला बॅथीनॉमस रसाका हे नाव देण्यात आले आहे. ही पहिली सुपर जायंट आयसोपॉड प्रजाती आहे. सिंगापूरच्या संशोधकांना हिंद महासागराच्या तळाशी झुरळाची ही नवीन प्रजाती सापडली. बांटममध्ये हिंद महासागराच्या न शोधलेल्या पाण्यावर काम करत असताना त्यांना प्रजाती सापडल्या. इंडोनेशियातील पश्चिम जावाच्या दक्षिणेकडील किनाऱ्यावर बांटम येथे ही प्रजाती सापडली.

डॉ. विधू पी. नायर यांना तुर्कमेनिस्तानमधील पुढील भारतीय राजदूत म्हणून नियुक्त करण्यात आले आहे. सध्या ते परराष्ट्र मंत्रालयात संचालक पदावर कार्यरत आहेत.

इंटरनॅशनल सेंटर फॉर ऑटोमोटिव्ह टेक्नॉलॉजीने (ICAT) या संस्थेनी अस्पायर (ऑटोमोबाईल सोल्युशन्स पोर्टल फॉर इंडस्ट्री, रिसर्च अँड एज्युकेशन – ASPIRE) नावाने एक ई-संकेतस्थळ कार्यरत केले. भारतीय वाहननिर्मिती क्षेत्राचे ज्ञान आणि कौशल्य सामायिक करून तांत्रिक क्षमता सुधारणे आणि देशाच्या एकूणच सामाजिक-आर्थिक प्रगतीसह वाहननिर्मिती क्षेत्राच्या विकासाला प्रोत्साहन देणे या यामागचा हेतू आहे.