चालू घडामोडी सराव पेपर – 22 जुलै 2020

दक्षिण-मध्य रेल्वे क्षेत्राचे ओनगोन उपविभागीय कार्यालय (विजयवाडा विभाग, आंध्रप्रदेश) हे भारत सरकारच्या जलशक्ती मंत्रालयाच्या वतीने एप्रिल 2020 या महिन्यात दिल्या गेलेल्या वॉटर हीरोज अवॉर्डचे विजेता ठरले.

तेलंगणा राज्यातील पोलीस विभागाच्या महिला सुरक्षा शाखेतर्फे CybHER नावाची आभासी जनजागृती मोहीम राबवली जात आहे. एक महिना चालणाऱ्या या कार्यक्रमातून मुली आणि महिलांमध्ये डिजिटल सुरक्षेसंबंधी जागृती निर्माण केली जाणार आहे. हा शी टीम आणि भरोसा योजनेच्या भागीदारीतला कार्यक्रम आहे.

उत्तरप्रदेशाच्या आग्रा येथील संरक्षण संशोधन व विकास संघटना (DRDO) याची शाखा असलेल्या एरियल डिलिवरी रिसर्च अँड डेव्हलपमेंट ईस्टेब्लीशमेन्ट (ADRDE) या केंद्रानी P7 हेवी ड्रॉप प्रणाली विकसित केली आहे. ही ऊंचीवरून IL76 विमानामधून खाली टाकलेला 7 टन वजनाच्या श्रेणीतले भार जमिनीवर सुरक्षित उतरविण्याची स्वदेशी प्रणाली आहे.

सॅप इंडिया या कंपनीने भारतीय युवांना कौशल्य प्रशिक्षण देण्यासाठी संयुक्त राष्ट्रसंघ बाल कोष (UNICEF) या संघटनेसोबत भागीदारी करार केला आहे. यु वाह / YuWaah हा UNICEF संघटनेचा बहु-भागधारक मंच आहे, ज्याच्या अंतर्गत हा व्यवसायिक प्रशिक्षण व डिजिटल शिक्षण कार्यक्रम चालवला जाणार आहे.केंद्रीय युवा कल्याण व क्रिडा मंत्रालयाने यु वाह / YuWaah (UNICEF संघटनेचा बहु-भागधारक मंच) यांच्यासोबतच्या भागीदारीवर स्वाक्षरी केली. या भागीदारीनूसार युवकांमध्ये स्वयंसेवकत्वाची भावना वाढीस लागण्यासाठी, त्यांना शिक्षण आणि उत्पादकता, कौशल्य आणि सक्रीय नागरीक होण्यासाठी कार्य केले जाणार आहे.

ऑस्ट्रेलियाची लेखिका टारा जून व्हीन्च ह्यांना तिच्या द यील्ड या पुस्तकासाठी 2020 सालाचा माईल्स फ्रँकलिन पुरस्कार देऊन सन्मानित करण्यात आले आहे. हा ऑस्ट्रेलियाचा साहित्यिक पुरस्कार आहे.

मरियाना वर्दीनोयानिस (ग्रीस) आणि डॉक्टर मोरिसाना कौयाते (गिनी) यांना 2020 सालाचा संयुक्त राष्ट्रसंघ नेल्सन रोलीलाहल्ला मंडेला पारितोषिक देण्याचे जाहीर करण्यात आले आहे.नेल्सन मंडेला यांच्या विलक्षण जीवनाचा आणि सामंजस्याचा वारसा यांना आदरांजली वाहताना संयुक्त राष्ट्रसंघाची उद्दीष्टे व तत्त्वांचा प्रचार करून मानवतेच्या सेवेसाठी आपले जीवन समर्पित करणार् यांचा सन्मान करण्यासाठी 2014 साली हा पुरस्कार जाहीर करण्यात आला होता.

कोविड-19 चा मृत्यूदर कमी करण्यासाठी भारत सरकारच्या सुरू असलेल्या प्रयत्नांना अजून बळकटी देण्याच्या उद्देशाने दिल्लीच्या अखिल भारतीय वैद्यकीय संशोधन संस्थेनी (AIIMS) 8 जुलै 2020 पासून अतिदक्षता विभागातल्या चिकित्सकांसाठी एका e-ICU व्हिडीओ सल्लामसलत कार्यक्रमाला सुरूवात केली आहे. कोविड-19 वर उपचार करणाऱ्या देशभरातील रुग्णालयातल्या चिकित्सकांमध्ये चर्चा घडवून आणणे हा या कार्यक्रमाचा प्रमुख उद्देश आहे

टर्टल सर्व्हायव्हल अलायन्स-इंडिया आणि वाइल्डलाइफ कॉन्झर्वेशन सोसायटी-इंडिया या संस्थांच्या भागीदारीने इंडियन टर्टल कॉन्झर्वेशन अॅक्शन नेटवर्क (ITCAN) या संस्थेनी भारतीय कासवांचा मागोवा घेण्यासाठी आणि त्यांची होणारी तस्करी रोखण्यासाठी कुर्मा नावाचे एक मोबाइल अॅप्लिकेशन तयार केले आहे.

मर्सिडीज संघाच्या लुईस हॅमिल्टन या फॉर्म्युला वन चालकाने 19 जुलै 2020 रोजी आठव्यांदाहंगेरियन ग्रँड प्रिक्स शर्यत जिंकून विक्रम रचला. त्याने मायकेल शुमाकरच्या आठ वेळा ग्रँड प्रिक्स जिंकण्याच्या विक्रमाची बरोबरी केली आहे.

सोलर ऑर्बिटर मिशन ही युरोपियन स्पेस एजन्सी (ESA) आणि नॅशनल एयरोनॉटिक्स अँड स्पेस अॅडमिनिस्ट्रेशन (NASA) यांची संयुक्त मोहीम आहे. या मोहीमेद्वारे सूर्याची सर्वात जवळची प्रतिमा घेतली गेली आहे. या मोहीमेदरम्यान यान सूर्यापासून केवळ 48 दशलक्ष मैलावर होते. प्रतिमांमधून असे दिसून आले आहे की सूर्यावर सर्वत्र सौर ज्वाळा आहेत ज्या आकाराने लहान आहेत. त्यामुळे त्याला कॅम्पफायर्स असे नाव देण्यात आले आहे.