चालू घडामोडी सराव पेपर – 23 ऑगस्ट 2020

सर्फशार्क या संस्थेनी डिजिटल क्वालिटी ऑफ लाइफ 2020 क्रमवारी प्रसिद्ध केली आहे. यादीत डेन्मार्क देशाने पहिला क्रमांक पटकावला आहे. भारत 57 व्या क्रमांकावर आहे

भारतीय निवडणूक आयोगाचे आयुक्त म्हणून राजीव कुमार यांची नियुक्ती झाली आहे. ते 1 सप्टेंबरपासून आपला कार्यभार स्वीकारणार आहेत. ते अशोक लवासा यांच्या जागेवर पदभार स्वीकारतील.

फ्रान्सिस्को पास्क्युअल आयएगू ओबामा अस्यू यांची सलग तिसर् या कार्यकाळासाठी इक्वेटोरीयल गिनीचे प्रजासत्ताकाच्या पंतप्रधान पदावर निवड झाली आहे. ही निवड राष्ट्रपती तेओडोरो ओबियांग यांनी केली. अस्यू पंतप्रधान पदावर 201 सालापासून आहेत.इक्वेटोरीयल गिनीचे प्रजासत्ताक (किंवा विषुववृत्तीय गिनी) हा मध्य आफ्रिकेतला गिनीच्या आखाताच्या किनार्यावरचा एक देश आहे. मलाबो ही इक्वेटोरियल गिनीचे राजधानी शहर आहे, जे बियोको नावाच्या एका बेटावर वसले आहे. मध्य आफ्रिकन सीएफए फ्रॅंक ही राष्ट्रीय चलन आहे.

समानता आणि परस्परसंवाद तत्वांवर आधारित मानकीकरण व अनुरुप आकलन या क्षेत्रात सहकार्यासाठी भारतीय तंत्रज्ञान संस्था, रुडकी या संस्थेनी भारतीय मानक विभाग (BIS) सोबत एक सामंजस्य करार केला आहे.

वृद्ध आणि असहाय्य लोकांना मदत करण्याच्या उद्देशनए मध्यप्रदेश पोलीस विभागातर्फे एक संकल्प बुजुर्गो के नाम मोहीम राबविण्यात येत आहे. त्यांना अन्न आणि आरोग्य सेवा पुरविले जात आहे.

सागरी क्षेत्रात असलेल्या मोठ्या प्रमाणातल्या रोजगाराच्या संधी आणि यासाठी लागणाऱ्या कौशल्य संचाचे प्रमाणीकरण करण्यासाठी नौवहन मंत्रालय आणि कौशल्य विकास व उद्योजकता मंत्रालय यांच्यात परस्पर सामंजस्य करार करण्यात आला. सामंजस्य करारानुसार, कौशल्य विकास व उद्योकता मंत्रालय जलपर्यटन, सहाय्यभूत मदत, मासेमारी, जहाज बांधणी, जहाज दुरुस्ती आणि जहाज तोडणी, ड्रेजिंग, सागरी पुरवठा साखळी यासाठी अभ्यासक्रमाची निश्चिती, राष्ट्रीय व्यावसायिक मानके, मजकूर याविषयी सहकार्य करणार.

20 ऑगस्ट 2020 रोजी बिझिनेस स्वीडन कंपनीने भारताच्या स्टार्टअप परिसंस्थेला चालना देण्याच्या हेतूने भारतीय उद्योजकांच्या सक्षमतेला प्रोत्साहन देण्यासाठी अटल इनोव्हेशन मिशन, नीती आयोग यांच्यासोबत सहकार्य करार केला. इंडिया स्वीडन हेल्थकेअर इनोव्हेशन सेंटर च्या अंतर्गत हा करार झाला.

20 ऑगस्ट 2020 रोजी भारताने दक्षिण कोरियासोबत निशस्त्रीकरण व अप्रसार विरोधी करण्याच्या संदर्भात आभासी पद्धतीने सल्लामसलत केले.

उत्तरप्रदेश सरकारने बुंदेलखंड जल व्यवस्थापन प्रकल्पासाठी इस्त्रायल सरकारसोबत करार केला आहे. बुंदेलखंडमधील पाण्याचे संकट सोडविण्यासाठी आणि क्षेत्र शेतीच्या सिंचनाखाली आणण्यासाठी हा सहकार्य करार केला गेला आहे.

रस्ते वाहतूक व महामार्ग मंत्रालयाच्या अंतर्गत कार्यरत भारतीय राष्ट्रीय महामार्ग प्राधिकरण (NHAI) याने हरित पथमोबाईल अॅप तयार केले आहे. सर्व वृक्षारोपण प्रकल्पाच्या अंतर्गत लागवड करण्यात आलेल्या प्रत्येक रोपाची देखरेख करण्यासाठी हे ॲप आहे. राष्ट्रीय महामार्गाचे कंत्राटदारांकडे या वृक्षारोपणाची योग्य निगा आणि देखभाल करण्याची तसेच गहाळ / मृत झाडे बदलण्याची जबाबदारी असणार आहे. याशिवाय हा ॲप वापरुन सुमारे 7800 वनस्पतींना जिओ-टॅग देखील दिले जात आहे.