चालू घडामोडी सराव पेपर – 23 जुलै 2020

सिस्टम, अॅप्लिकेशन्स अँड प्रॉडक्ट इन डेटा प्रोसेसिंग (SAP) कंपनीने त्याच्या SAP इंडियन सबकॉन्टिनेन्ट या उपकंपनीच्या अध्यक्ष व व्यवस्थापकीय संचालक पदावर कुलमीत बावा यांची नियुक्ती केली.

17 जुलै 2020 रोजी चेन्नईमध्ये प्रा. कांजीवरम श्रीरंगाचारी शेषाद्री यांचे निधन झाले. ते बीजगणित भूमिती क्षेत्रातील एक प्रसिद्ध भारतीय गणितज्ञ होते. ते त्यांनी शोधलेल्या शेषाद्री स्थिरांकसाठी ओळखले जातात. ते चेन्नई मॅथेमॅटिकल इंस्टीट्यूट या संस्थेचे संस्थापक होते. त्यांना देशाचा तिसरा सर्वोच्च नागरी सन्मान असणारा पद्मभूषण सा सहीत अनेक पुरस्काराने गौरविण्यात आले होते.

जुलै 2020 मध्ये हिंद महासागर प्रदेशात आयोजित केलेला पासएक्स (पॅसेज एक्सरसाइज / PASSEX) नावाचा सागरी सराव चालला. हा सराव अमेरिकेचे नौदल आणि भारतीय नौदल यांचा संयुक्त सराव आहे.

भारतात ऊर्जा कार्यक्षमतेमध्ये वाढ करण्यासाठी आणि विजेवर चालणाऱ्या ई-वाहनांना प्रोत्साहन देण्याच्या उद्देशाने, केंद्रीय ऊर्जा, नूतन आणि अक्षय ऊर्जा मंत्री आर. के. सिंग यांच्या हस्ते 20 जुलै 2020 रोजी नवी दिल्लीत चेम्सफर्ड क्लब येथे देशातील पहिल्या EV (इलेक्ट्रिक व्हेईकल) चार्जिंग प्लाझा चे उद्घाटन करण्यात आले. नवी दिल्ली महानगरपालिकेच्या सहकार्याने EESL या सार्वजनिक कंपनीने भारतातील पहिला-वहिला सार्वजनिक EV चार्जिंग प्लाझा मध्य दिल्लीत उभारला आहे. या केंद्रामध्ये विविध आकारमानाच्या पाच विजेरी वाहनांच्या चार्जिंगची सोय आहे.

राजस्थान सरकारच्या मंत्रिमंडळाने वन-स्टॉप शॉप योजनेला मान्यता दिली. ही योजना गुंतवणूक आणि क्षमतावृद्धी या संदर्भातल्या प्रस्तावांना फास्ट ट्रॅक पद्धतीने परवानगी देण्याच्या उद्देशाने आहे. 10 कोटी रुपयांहून अधिकची गुंतवणूक असलेल्या प्रस्तावाला आता एकाच छताखाली 98 प्रकारच्या परवाणग्या मिळू शकतील

दक्षिण कोरिया देशाने आर्मी/नेव्ही/एअर फोर्स सॅटलाइट इन्फॉर्मेशन सिस्टम 2 (ANASIS -2) या नावाने त्याचा पहिला लष्करी दळणवळण उपग्रह प्रक्षेपित केला. उपग्रहाला पृथ्वीच्या भूस्थिर कक्षेत ठेवण्यात आले आहे. या मोहिमेसाठी अमेरिकेच्या स्पेसएक्स कंपनीचे फाल्कन 9 प्रक्षेपक वापरण्यात आले. आता स्वतःचा लष्करी दळणवळण उपग्रह असलेला दहावा देश म्हणून दक्षिण कोरिया ठरला आहे.

केंद्रीय मंत्री रमेश पोखरियाल निशंकयांच्या हस्ते 21 जुलै 2020 रोजी मनोदर्पण या उपक्रमाचे उद्घाटन व्हिडिओ कॉन्फरन्सिंगच्या माध्यमातून करण्यात आले. हा केंद्रीय मनुष्यबळ मंत्रालयाचा उपक्रम आहे.मंत्रालयाने विद्यार्थ्यांना महामारीच्या काळात आणि त्यानंतर त्यांचे मानसिक आरोग्य स्वस्थ राखण्यासाठी आणि त्यांच्या कल्याणासाठी मानसिक व सामाजिक पाठबळ देणारा हा उपक्रम हाती घेतला आहे. मानवी भांडवल बळकट करण्याचा आणि उत्पादकता वाढवण्याचा तसेच शैक्षणिक क्षेत्रात प्रभावी सुधारणा व उपक्रम राबवण्याचा एक भाग म्हणून आत्मनिर्भर भारत अभियानात मनोदर्पण उपक्रमाचा समावेश करण्यात आला आहे.

साहित्य अकादमी पुरस्कार विजेते बलदेव सिंग सदकनामा हे सूरज केदे मरदा न हे शीर्षक असलेल्या पुस्तकाचे लेखक आहेत.

दिल्ली सरकारच्या मंत्रिमंडळाने केंद्रशासित प्रदेशात लागू करण्यासाठी मुख्यमंत्री घर घर रेशन योजना ला मान्यता दिली. राष्ट्रीय खाद्यान्न सुरक्षा अधिनियम-2013 अन्वये या योजनेच्या अंतर्गत 2016 स्वस्त धान्य दुकानामार्फत लाभार्थ्यांना घरपोच शिधा वितरित केले जाणार

GMR हैदराबाद आंतरराष्ट्रीय विमानतळ येथे भारतातील प्रथम पूर्णपणे संपर्क-विरहीत विमानतळ कार पार्किंग व्यवस्था तयार करण्यात आली आहे. त्यासाठी रीलोडेबल इलेक्ट्रॉनिक रेडिओ फ्रिक्वेन्सी आयडेंटिफिकेशन (RFID) तंत्राचा उपयोग केला गेला आहे.