चालू घडामोडी सराव पेपर – 24 जुलै 2020

भारतीय राष्ट्रीय देयके महामंडळ (NCPI) या संस्थेनी त्याच्या युनिफाइड पेमेंट्स इंटरफेस (UPI) ऑटो पे सुविधेचा प्रारंभ केला जे बिलांसारख्या आवर्ती देयकांसाठी समर्पित आहे.

सुमित देब यांची राष्ट्रीय खनिज विकास महामंडळ (NMDC लिमिटेड) याचे नवीन अध्यक्ष व व्यवस्थापकीय संचालक या पदावर नियुक्ती करण्यात आली. ही नियुक्ती एन. बिजेन्द्र कुमार यांच्या जागी झाली.NMDC ही भारत सरकारच्या पोलाद मंत्रालयाच्या अंतर्गत असलेली सार्वजनिक कंपनी आहे आणि भारतातला सर्वात मोठा लोह धातूक उत्पादक आहे.

प्रकाश चंद्र कंदपाल यांची SBI जनरल इन्शुरन्स या विमा कंपनीचे व्यवस्थापकीय संचालक आणि मुख्य कार्यकारी अधिकारी या पदावर नेमणूक करण्यात आली आहे. ही नियुक्ती पुषण महापात्राच्या जागी झाली.

तीन दिवस चालणार्या भारतीय हवाई दलाच्या कमांडर परिषदचे (AFCC) उद्घाटन संरक्षण मंत्री राजनाथ सिंग यांच्या हस्ते 22 जुलै 2020 रोजी करण्यात आले. इंडियन एअरफोर्स इन द नेक्स्ट डिकेड (भारतीय हवाई दल- आगामी दशकात) हा परिषदेचा विषय आहे. तीन दिवसांच्या परिषदेदरम्यान येणाऱ्या सर्व धोक्यांचा सामना करण्यासाठी, पुढील दशकात भारतीय हवाई दलाची क्षमता वाढवण्यावर विचारविनिमय करणार, तत्पूर्वी कमांडर सद्य परिचालन परिस्थिती व तैनातींचा आढावा घेतील.

संरक्षण संशोधन व विकास संघटनाने (DRDO) भारतीय भुदलाकडे भारत नावाचा ड्रोन सोपवला. हा स्वदेशी ड्रोन DRDOच्या चंदीगडच्या प्रयोगशाळेनी तयार केला. भारत ड्रोन ही जगातली सर्वात हलकी आणि ड्रोन पाळत यंत्रणा आहे.

स्वीडनची युवा पर्यावरण कार्यकर्ता असलेली ग्रेटा थुनबर्ग हिला 1,000,000 युरोच्या रकमेचा पहिला गुलबेनकियान प्राइज फॉर ह्यूमॅनिटी पुरस्कार मिळाला. कॅलोस्टे गुलबेनकियान फाउंडेशन या पुर्तगाली संस्थेतर्फे हा पुरस्कार दिला गेला.

केंद्रीय नौवहन राज्यमंत्री (स्वतंत्र प्रभार) मनसुख मांडवीय यांनी 16 जुलै 2020 रोजी कोलकाता येथून बांग्लादेशातील चट्टोग्राम बंदरमार्गे आगरतळा (त्रिपुरा) येथे जाणाऱ्या पहिल्या चाचणी मालवाहू जहाजाला आभासी समारंभाने हिरवा झेंडा दाखविला. 21 जुलै 2020 रोजी जहाज चट्टोग्राम बंदरावर पोहचले. आता ते रस्त्याने आगरतळाकडे पाठवले जाणार आहे.दोन्ही देशात झालेल्या चट्टोग्राम आणि मोंगला या बांग्लादेशातील बंदरांतून भारतीय मालवाहू जहाजांचे वहन करण्याच्या करारानुसार हे कार्य पार पडले. या मार्गामुळे बांग्लादेशातून भारताच्या ईशान्य भागात जाण्यासाठी वैकल्पिक आणि संक्षिप्त मार्ग उपलब्ध झाला आहे.

भारताने मालदीवची राजधानी माले या शहरात आपत्कालीन वैद्यकीय सेवा स्थापन करण्यासाठी मालदीव सोबत करार केला. भारताने लघु व मध्यम प्रकल्पांसाठी मालदीवला 20 दशलक्ष डॉलरची मदत दिली आहे.

गुजरात राज्यात 700 मेगावॅट क्षमतेचे काकरापार अणुऊर्जा संयंत्र-3 चा निर्णायक टप्पा संपूर्णपणे सामान्य परिचालन स्थितीत कार्यरत करण्यात आला आहे. ही स्वदेशी बनावटीची अणुभट्टी आहे.

भारताने नव्या ध्रुवास्त्र क्षेपणास्त्राची यशस्वी चाचणी केली आहे. हे क्षेपणास्त्र पूर्णपणे स्वदेशी निर्मित म्हणजेच मेड इन इंडिया आहे. ‘ध्रुवास्त्र’ क्षेपणास्त्राची चाचणी ओडीशाच्या बालासोर चाचणी क्षेत्रात घेण्यात आली. ही चाचणी हेलिकॉप्टर-विना घेण्यात आली. या क्षेपणास्त्राचा मारा पल्ला चार किलोमीटर ते सात किलोमीटर पर्यंत आहे. हे स्वयंचलितपणे मार्गक्रम करणारे म्हणजेच रणगाडा-भेदी गाइडेड क्षेपणास्त्र आहे. हे तिसऱ्या पिढीचे क्षेपणास्त्र आहे. या क्षेपणास्त्राची लांबी 1.9 मीटर आहे आणि व्यास 0.16 मीटर आहे. त्याचे वजन 45 किलोग्रॅम आहे.