चालू घडामोडी सराव पेपर -24 जून 2020

झारखंड सरकारने राज्यात मुख्यमंत्री श्रमिक (शहरी रोजगार मंजुरी फॉर कामगार) योजना जॉब कार्ड जाहीर केली आहे. मुख्यमंत्री हेमंत सोरेन यांनी या योजनेची घोषणा केली. शहरी भागातल्या अकुशल कामगारांना रोजगार प्रदान करण्यासाठी ही योजना आहे आणि त्यांना 100 दिवसाच्या रोजगाराची हमी दिली जाणार आहे.

महाराष्ट्र राज्यातले पालघर जिल्हा पोलीस प्रशासन आदिवासी राहिवाश्यांशी संबंध सुधारण्यासाठी विश्वास अभियान चालवित आहे. एप्रिल 2020 मध्ये आदिवासींकडून तीन लोकांच्या हत्येनंतर आणि अनेक गावकऱ्यांच्या अटकेनंतर हा उपक्रम सुरू करण्यात आला.

एप्रिल 2020 या महिन्याच्या अखेरीस अमेरिकेच्या सरकारच्या सरकारी सिक्युरिटीमध्ये भारताने गुंतविलेल्या रकमेच्या बाबतीत भारताचे बारावे स्थान आहे. त्यात भारताने 157 अब्ज डॉलरची गुंतवणूक केली आहे.

नोबेल-पुरस्कार विजेता भारतीय अर्थशास्त्री अमर्त्य सेन यांना त्यांच्या योगदानासाठी जर्मन पब्लिशर्स एंड बुकसेलर्स एसोसिएशन या संस्थेकडून पीस प्राइज ऑफ द जर्मन बुक ट्रेड पुरस्कार देण्यात आला आहे.

आसाम राज्याच्या गुवाहाटी शहरातल्या कामाख्या मंदिराच्या परिसरात अंबुबाची मेळावा आयोजित करण्यात येतो. हा कार्यक्रम पाच दिवस चालतो आणि 1565 सालापासून केला जात आहे. कामाख्या मंदिर निलाचल डोंगरावर वसलेले आहे.

निकी कल्याणंद पूनाचा यांची भारताकडून वर्ल्ड टेनिस टूर साठी आंतरराष्ट्रीय टेनिस महासंघाच्या (ITF) समितीवर दोन वर्षांसाठी निवड करण्यात आली आहे. 18 जून 2020 रोजी ITF वर्ल्ड टेनिस टूर खेळाडूंच्या समितीची घोषणा करण्यात आली होती. 28 मे ते 10 जून 2020 या काळात आयोजित करण्यात आलेल्या वर्ल्ड टेनिस टूरमध्ये त्यासंबंधी आवश्यक ते निवेदन देण्यासाठी या समितीच्या माध्यमातून खेळाडूंना व्यासपीठ उपलब्ध करुन दिले गेले आहे

दरवर्षी 22 जून रोजी जागतिक वर्षावन दिन साजरा केला जातो. ऑस्टिन (टेक्सास, अमेरिका) येथील रेनफॉरेस्ट पार्टनरशिप या संस्थेच्या नेतृत्वात या दिनानिमित्त कार्यक्रम आयोजित केला जातो. पृथ्वीचे फुफुस ठरणारे वर्षावन जतन करण्यासाठी सरकारांना प्रोत्साहन देण्यासाठी साजरा केला जातो.

भारतात कमी कार्बन वाहतूक व्यवस्थेसाठी मार्ग तयार करण्याच्या उद्देशाने नीती आयोगाच्या सहकार्याने आंतरराष्ट्रीय परिवहन मंच (ITF) ही आंतरराष्ट्रीय संस्था 24 जून 2020 रोजी डिकार्बनायझिंग ट्रान्सपोर्ट इन इंडिया प्रकल्प प्रारंभ करणार आहे. या प्रकल्पाच्या अंतर्गत, भारतासाठी कार्बन उत्सर्जनाने मुक्त असलेली परिवहन व्यवस्थेच्या मूल्यांकनाविषयी कार्यचौकट तयार केली जाणार.

त्रिपुरा सरकारने कल्पनाक्षम शिक्षणासाठी एकतू खेलो, एकतू पढो नावाचा एक उपक्रम जाहीर केला. कोविड-19 महामारीच्या काळात मुलांना ऑनलाइन शिक्षण घेण्यास प्रोत्साहन देण्यासाठी 25 जून 2020 पासून हा उपक्रम प्रारंभ करण्यात आला. विद्यार्थ्यांना व्हॉट्सअॅप किंवा SMS सेवांद्वारे शिकविण्याच्या उपक्रम आहे ज्याच्या अंतर्गत मजेदार खेळांच्या उपक्रमातून द्रुक-ध्वनि सामग्री प्रदान केली जाणार.

आसाम सरकारने अशी घोषणा केली की या वर्षी ‘प्रज्ञान भारती’ योजनेच्या अंतर्गत दोन लक्ष विद्यार्थ्यांना उच्च माध्यमिक अभ्यासक्रमाची पाठ्यपुस्तके दिली जाणार. या योजनेच्या अंतर्गत राज्य सरकारच्या कक्षेत येणारी विविध महाविद्यालये व शाळांमध्ये प्रवेश मिळविण्यासाठी विद्यार्थ्यांना मदतीच्या स्वरूपात प्रवेश शुल्क देण्यात येणार आहे. तसेच लाभार्थ्यांना मोफत गणवेश, पाठ्यपुस्तके व इतर गरजा सरकार पुरविणार आहे.