चालू घडामोडी सराव पेपर -25 जून 2020

राजस्थान सरकारने समाजातल्या दुर्बल घटकांना पौष्टिक आहार मिळावा या उद्देशाने 22 जून 2020 रोजी इंदिरा रसोई योजना (इंदिरा किचन स्कीम) जाहीर केली, ज्याच्या अंतर्गत अशासकीय संस्थांच्या सहकार्याने दिवसातून दोन वेळा सवलतीच्या दरात जेवण उपलब्ध करून दिले जाणार.

दरवर्षी 21 जून या दिवशी संयुक्त राष्ट्रसंघाच्या नेतृत्वात आंतरराष्ट्रीय संक्रांतीचा उत्सव दिन (International Day of the Celebration of the Solstice) साजरा केला जातो. या दिवसाला सामान्यत: “ग्रीष्म संक्रांती” म्हणून देखील ओळखले जाते. या दिवशी सूर्य विषुववृत्ताच्या संदर्भात त्याच्या सर्वात उत्तर किंवा दक्षिण दिशेच्या कमानापर्यंत पोहोचलेला असतो आणि त्यामुळे पृथ्वीवर वर्षाचा प्रदीर्घ दिवस ठरतो.

गौरव माहेश्वरी यांची 22 जून 2020 रोजी स्टँडर्ड चार्टर्ड बँक ऑफ इंडिया चे मुख्य वित्तीय अधिकारी (CFO) म्हणून नेमणूक करण्यात आली आहे. ते दक्षिण आशिया या प्रदेशाचा कार्यभार सांभाळणार आहेत.

केंद्रीय नौवहन राज्य मंत्री (स्वतंत्र प्रभार), रसायन आणि खत मंत्री मनसुख मांडवीय यांच्या हस्ते दिनांक 22 जून 2020 रोजी भारताच्या सर्वात मोठ्या पहिल्या आभासी आरोग्यसेवा व वैयक्तिक स्वच्छता प्रदर्शनी 2020 या कार्यक्रमाचे उद्घाटन करण्यात आले. या कार्यक्रमाचे उद्घाटन आभासी पद्धतीने करण्यात आले. फेडरेशन ऑफ इंडियन चेंबर्स ऑफ कॉमर्स अँड इंडस्ट्री (FICCI) या संस्थेनी या प्रदर्शनीचे आयोजन केले आहे. 22 ते 26 जून 2020 या कालावधीत दररोज याचे थेट प्रक्षेपण केले जात आहे. ही भारतातली पहिली सर्वात मोठी आभासी प्रदर्शनी आहे.

दरवर्षी 23 जून या दिवशी ऑलिम्पिक दिन साजरा केला जातो. सर्वांना त्यांच्या दैनंदिन कामात सक्रिय बनविण्याच्या उद्देशाने आरोग्य, क्रिडा आणि तंदुरुस्ती याला प्रोत्साहन देण्यासाठी हा दिवस साजरा केला जातो. हा दिवस 23 ऑक्टोबर 1894 रोजी फ्रान्सची राजधानी पॅरिस येथे आंतरराष्ट्रीय ऑलिम्पिक समिती (IOC) याची स्थापना करण्यात आली होती.

लंडन नेहरू सेंटरचे संचालक असलेले अमिश त्रिपाठी हे लिजेन्ड ऑफ सुहेलदेव: द किंग हू सेव्ह्ड इंडिया या पुस्तकाचे लेखक आहेत.

संयुक्त राज्ये अमेरिका देशाच्या संसदेनी नॅशनल सायन्स फाउंडेशन या संस्थेचे नवे संचालक म्हणून भारतीय-अमेरिकावासी वैज्ञानिक डॉ. सेतुरामन पंचनाथन यांच्या नावाची पुष्टी केली आहे. ही नियुक्ती डॉ. सुब्रा सुरेश यांच्याजागी झाली.

टी. रबी शंकर यांची भारतीय वित्तीय तंत्रज्ञान व संबंधित सेवा (IFTAS)याचे अध्यक्ष या पदावर नेमणूक करण्यात आली आहे. ही भारतीय रिझर्व्ह बँकेची संपूर्ण मालकी असलेली भारतीय वित्तीय तंत्रज्ञान व संबंधित सेवा (IFTAS) ही संस्था 15 मे 2020 पासून कार्यरत आहे. सध्या ते RBIचे कार्यकारी संचालक आहेत. IFTAS संस्थेनी डॉ. एन. राजेंद्रन यांना 27 मे 2020 पासून संस्थेचे मुख्य कार्यकारी अधिकारी (CEO) म्हणून नियुक्त करण्यात आले आहे.

कोलिन शाह यांची रत्न व दागिने निर्यात जाहिरात परिषद (GJEPC) याचे नवीन अध्यक्ष म्हणून नियुक्त करण्यात आले आहे. ही नियुक्ती 2 वर्षांच्या मुदतीसाठी झाली आहे

नटराजन चंद्रशेखरन यांची भारतीय रिझर्व्ह बँकेच्या मध्यवर्ती मंडळामध्ये अनाधिकृत संचालक part-time non-official director या पदावर नेमणूक आणखी दोन वर्षांसाठी करण्यात आली आहे. नटराजन चंद्रशेखरन टाटा समूहाचे अध्यक्ष आहेत.