चालू घडामोडी सराव पेपर 27 ऑगस्ट 2020

25 ऑगस्ट 2020 रोजी भारत आणि उझबेकिस्तान या देशांच्या संयुक्त राष्ट्रीय समन्वय समितीची पहिली बैठक घेतली गेली होती. या बैठकीत संयुक्तपणे चालविल्या जाणाऱ्या प्रकल्पांच्या अंमलबजावणीवर चर्चा करण्यात आली. भारतीय परराष्ट्र राज्यमंत्री व्ही. मुरलीधरन आणि उझबेकिस्तानचे उपपंतप्रधान सरदोर उमूरझाकोव्ह यांच्या अध्यक्षतेखाली ही बैठक झाली.उझबेकिस्तान हा मध्य आशियातला एक देश आहे. ताश्केंत ही उझबेकिस्तानची राजधानी आहे. उझबेकिस्तानी सोम हे राष्ट्रीय चलन आहे.

बांगलादेशाचे सरकार देशात शरण घेतलेल्या सुमारे दहा दशलक्ष रोहिंग्या समुदायाच्या लोकांना मानववस्ती नसलेल्या भशन चार बेटे या ठिकाणी वसविण्याची योजना तयार करीत आहे. ही बेटे बंगालच्या उपसागरामध्ये आहेत ज्याचे एकूण क्षेत्रफळ 40 चौरस किलोमीटर आहे.

क्रिडा क्षेत्रातल्या उत्कृष्ठता वाखाणण्यासाठी आणि गौरव करण्यासाठी भारत सरकारच्या क्रिडा मंत्रालयाच्यावतीने दरवर्षी क्रिडा पुरस्कार दिले जातात. क्रिडा पुरस्कारांखेरीज, मंत्रालय देशभरातल्या लोकांमधले साहसिक क्रिडा प्रकारातले धैर्य वाखाणण्यासाठी टेनझिंग नॉरगे राष्ट्रीय साहसिक पुरस्कारदेत आहे.2019 सालाचे विजेते – अनिता देवी कुंडू (भूमि), कर्नल. सरफराज सिंग (भूमि), टाका तामूत (भूमि), नरेंद्र सिंग (भूमि), केवल हिरेन कक्का (भूमि), सत्येंद्र सिंग (जल), गजानंद यादव (हवाई), कै. श्री मगन बिस्सा (जीवनगौरव)

भारत सरकारने 2006 साली उत्कृष्ट सार्वजनिक व्यवस्थापनासाठी पंतप्रधान पुरस्कार या नावाची पुरस्कार योजना जाहीर केली होती. विशेष उल्लेखनीय आणि अभिनव कार्य करणारा जिल्हा अथवा केंद्र सरकारी किंवा राज्य सरकारी संस्था यांचा गौरव करण्यासाठी ही योजना आहे.राष्ट्रीय एकता दिनी म्हणजेच 31 ऑक्टोबर 2020 रोजी स्टॅच्यू ऑफ यूनिटी (केवडिया, गुजरात) या ठिकाणी नियोजित कार्यक्रमात पुरस्कारांचे वितरण पंतप्रधानांच्या हस्ते केले जाणार आहे. जिल्हा कामगिरी निर्देशक कार्यक्रम, अभिनव सर्वसाधारण श्रेणी, आकांक्षी जिल्हे कार्यक्रम आणि नमामि गंगे कार्यक्रम या चार प्रमुख विभागांमध्ये नामांकन मागविण्यात आले होते. 2020 साली योजनेत एकूण 15 पुरस्कार दिले जाणार आहेत.

जर्मनीच्या बायर्न म्यूनिच या फुटबॉल संघाने युनियन ऑफ युरोपियन फुटबॉल असोसिएशन (UEFA) चॅम्पियन्स लीग 2019-20 ही स्पर्धा जिंकली. पोर्तुगालच्या लिस्बन शहरात खेळवल्या गेलेल्या अंतिम सामन्यात पॅरिस सेंट-जर्मेन संघ पराभूत झाला.

20 वर्षीय नीलकंठ भानू प्रकाश या युवकाने माइंड स्पोर्ट्स ऑलिम्पियाड 2020या स्पर्धांमध्ये मेंटल कॅल्युलेशन वर्ल्ड चॅम्पियनशीप गटातले सुवर्णपदक जिंकले. त्या स्पर्धेत पहिले स्थान पटकावणारा तो पहिला भारतीय खेळाडू ठरला आहे. आता त्याला जगातला सर्वात वेगवान ‘ह्युमन कॅलक्युलेटर’ (मानवी गणनयंत्र) म्हणून ओळखले जाणार आहे.

मुंबईची जीवनवाहिनी असलेल्या उपनगरी रेल्वे विभागाच्या रेल्वेप्रणालीची नेटवर्क क्षमता, सेवा गुणवत्ता आणि सुरक्षा अश्या घटकांच्या बाबतीत सुधारणा करण्यासाठी भारत सरकार, महाराष्ट्र सरकार, मुंबई रेल्वे विकास महामंडळ आणि अशियाई पायाभूत सुविधा गुंतवणूक बँक (AIIB) यांच्यामध्ये एक करार झाला आहे. करारानुसार, AIIB मुंबई शहरी परिवहन प्रकल्प-3यासाठी 500 दशलक्ष डॉलर (सुमारे 37.1004 अब्ज रुपये) एवढ्या रकमेचे कर्ज पुरविणार आहे. प्रकल्पासाठी अंदाजे 997 दशलक्ष डॉलर (जवळपास 73.97 अब्ज रुपये) खर्च येण्याचे अपेक्षित आहे

हवाईदल प्रमुख एअर चीफ मार्शल राकेश कुमार सिंग भदौरिया यांच्या हस्ते माय IAFमोबाईल ॲप्लिकेशनचे अनावरण करण्यात आले. सेंटर फॉर डेव्हलपमेंट ऑफ अॅडव्हान्स्ड कम्प्युटिंग (सी-डॅक) या संस्थेच्या संयुक्त विद्यमाने विकसित करण्यात आलेल्या अॅप्लिकेशनमधून भारतीय हवाई दलात रुजू होण्यास इच्छुक असणाऱ्यांना व्यवसाय संबंधित माहिती पुरवण्यात आली आहे. निवड प्रक्रिया, प्रशिक्षण, अभ्यासक्रम, वेतन आणि सुविधा यांची माहिती देण्यात आली आहे.

खर्च कमी करण्याच्या हेतूने कृषीकर्ज देण्यासाठी उपग्रहाने पाठविलेल्या प्रतिमांचा वापर करणारी ICICI बँक ही प्रथम ठरली आहे. प्रारंभी या प्रक्रियेच्या अंतर्गत उत्तर भारतातल्या सुमारे 500 खेड्यांचा समावेश करण्यात आला आहे; हा आकडा पुढे 63 हजारपर्यंत केला जाणार. यापूर्वी सिंचन व्यवस्था, पिकाची गुणवत्ता आणि उत्पन्न अश्या निकषांची तपासणी करण्यासाठी बँक कर्मचारीला प्रत्यक्ष पाहाणी करावी लागायची; मात्र ही कामे आता उपग्रहांदवारे केली जाणार आहे.

नागरी अणुऊर्जा, अंतराळ, सागरी विज्ञान आणि नवीन तंत्रज्ञान यासारख्या उदयोन्मुख क्षेत्रांमध्ये सहकार्याविषयी शोध घेऊन हिंद-प्रशांत भागीदारीला बळकटी देण्यासाठी व्हिएतनाम देशाने भारताला समर्थन दिले आहे.हिंद-प्रशांत प्रदेशाचा सर्वांगीण विकास करण्याच्या उद्देशाने भारताच्या पुढाकाराने प्रस्तावित केलेला इंडो-पॅसिफिक ओशन्स इनीशीएटीव्ह (IPOI) आणि ASEANआउटलूक हे दोन उपक्रम चालवले जात आहेत