चालू घडामोडी सराव पेपर – 30 जुलै 2020

इंडियन रेलवे केटरिंग अँड टुरिझम कॉर्पोरेशन (IRCTC) आणि SBI कार्ड कंपनी यांनी एकत्रितपणे रुपे या मंचावर कार्य करणारे नवीन को-ब्रँडेड कॉन्टॅक्टलेस क्रेडिट कार्ड सादर केले.

मनुष्यबळ विकास मंत्रालयाने इंडिया रिपोर्ट ऑन डिजिटल एज्युकेशन, 2020 या शीर्षकाचा अहवाल प्रसिद्ध केला आहे. या अहवालात महामारीच्या काळात विद्यार्थ्यांचे शिक्षण अबाधित राहावे म्हणून मंत्रालय तसेच राज्य व केंद्रशासित प्रदेशांच्या शैक्षणिक विभागांनी अवलंबलेल्या नव्या पद्धतींचा उल्लेख करण्यात आला आहे. मंत्रालयाने डिजिटल शिक्षण संस्कृतीला प्रोत्साहन दिले आहे. त्यासाठी दीक्षा प्लॅटफॉर्म, स्वयं प्रभा वाहिनी, शिक्षा वाणी, ई-पाठशाला आणि NCERT वाहिन्यांच्या माध्यमातून शिक्षण दिले जात आहे.

सोमालियाचे उपपंतप्रधान महदी मोहम्मद गुलाईद यांची सोमालिया देशाचे कार्यवाह पंतप्रधान म्हणून निवड करण्यात आली. ही निवड देशाचे राष्ट्रपती मोहम्मद अब्दुल्लाही फर्माजो यांनी केली आहे. ही नियुक्ती एक महिन्यासाठी केली गेली आहे.सोमालिया हा आफ्रिका शृंग प्रदेशात पूर्व आफ्रिका उपखंडातला एक देश आहे. मोगादिशु हे सोमालियाचे राजधानी शहर आहे आणि सोमाली शिलिंग हे राष्ट्रीय चलन आहे.

33 वर्षीय जेमी वर्डी हा प्रीमियर लीग गोल्डन बूट हा सन्मान जिंकणारा सर्वात वरिष्ठ खेळाडू ठरला. जेमी वर्डी हा इंग्लिश व्यवसायिक फुटबॉलपटू आहे आणि टु लीसेस्टर सिटी संघासाठी खेळतो.

पुणे (महाराष्ट्र) शहरातल्या प्रगत तंत्रज्ञान संरक्षण संस्था (DIAT) या संस्थेनी आश्रय या नावाने विलगीकरणाची वैद्यकीय सुविधा तयार केली आहे, जी तात्पुरत्या खाटांची सोय करते. कोविड-19 रुग्णांना त्यामध्ये उपचारासाठी ठेवले जाते. ही सुविधा कमी खर्चात, पुनर्वापरायोग्य आहे.

विराल आचार्य हे;क्वेस्ट फॉर रीस्टोरिंग फायनान्शियल स्टॅबिलिटी इन इंडिया हे शीर्षक असलेल्या पुस्तकाचे लेखक आहेत

संयुक्त राष्ट्रसंघाने (UN) रीपोर्ट ऑफ द अनॅलिटिकल सपोर्ट अँड सॅंक्शन्स मॉनिटरिंग टीम कंसर्निंग इसिस या शीर्षकाचा एक अहवाल प्रसिद्ध केला आहे. अहवालानुसार, इस्लामिक दहशतवादी संघटना (इसिस) यांच्या उपस्थितीबाबत हा अहवाल आहे

BelYo या नावाने भारताचे पहिले कोविड-19 ब्लॉकचेन प्लॅटफॉर्म तयार करण्यात आले आहे. हा मंच बेलफ्रिक्स बीटी ही कंपनी, बंगळुरूच्या भारतीय विज्ञान संस्थेच्या (IISc) संगोपनाखाली असलेली योसिंक ही स्टार्टअप कंपनी यांनी संयुक्तपणे विकसित केला आहे.भारतीय वैद्यकीय संशोधन परिषदेनी (ICMR) मान्यता दिलेल्या 730 शासकीय प्रयोगशाळा आणि 270 खासगी प्रयोगशाळांपर्यंत पोहोचणे आणि माहिती गोळा करणे हे हा मंच तयार करण्यामागचे उद्दीष्ट आहे. हा मंच भौतिक स्वरूपात असलेली नागरिकांची कोविड-19 संबंधित वैद्यकीय आणि लसीकरण माहिती डिजिटल स्वरूपात रूपांतरित करतो, जी रुग्णाच्या संपर्कात आलेल्यांचा शोध घेणाऱ्या आरोग्य सेतूसारख्या कोणत्याही अॅपमार्फत पुनर्प्राप्त केली जाऊ शकते.

दरवर्षी 29 जुलै या दिवशी जागतिक व्याघ्र दिन साजरा करतात. या दिवशी वाघांचे संरक्षण करण्याविषयी जनजागृती केली जाते. देअर सर्व्हायव्हल इज इन अवर हॅंड्स हा 2020 साली जागतिक व्याघ्र दिनाची घोषणा आहे.

पर्यावरण कार्यकर्त्या अर्चना सोरेंग यांची संयुक्त राष्ट्रसंघाने हवामानातले बदल याविषयक नेमलेल्या युवा सल्लागार गटात निवड केली गेली आहे. हा गट हवामानातल्या बदलांशी सामना करण्यासाठी दृष्टीकोन देणार आहे आणि उपाययोजना सुचविणार आहे. या गटात जगभरातून आणखी सहा युवा कार्यकर्ते आहेत.