चालू घडामोडी सराव पेपर -14 May 2021

HDFC बँकेने AI तंत्रज्ञानावर आधारित असलेले EVA / इव्हा नामक चॅटबॉट कार्यरत करण्यासाठी सामान्य सेवा केंद्र (CSC) सोबत करार केला. ही सुविधा विशेष करून ग्रामीण आणि दुर्गम भागात राहणाऱ्या ग्रामीण पातळीवरील उद्योजकांसाठी दिली जाणार आहे, जी CSC मार्फत उपलब्ध करून दिली जाणार.

अमेरिकेच्या अॅक्सिओम स्पेस या कंपनीने आंतरराष्ट्रीय अंतराळ स्थानकाकडे (ISS) अंतराळवीरांची पहिली खासगी मोहीम पाठविण्याकरिता अमेरिकेच्या नॅशनल एरोनॉटिक्स अँड स्पेस अॅडमिनिस्ट्रेशन (NASA) या संस्थेसोबत करार केला आहे. करारानुसार अॅक्सिओम मिशन 1 (Ax-1) 2022 साली ISS कडे प्रक्षेपित केली जाईल. या अभियानाचा एक भाग म्हणून अंतराळवीरांना ISS वर आठ दिवस घालवावे लागतील.

केंद्रीय दत्तविधान स्त्रोत प्राधिकरण (CARA) हे एक सांविधिक मंडळ आहे. त्याची स्थापना बाल न्याय कायदा-2015 अंतर्गत झाली. ही संस्था केंद्र सरकारच्या महिला व बाल विकास मंत्रालयाच्या अंतर्गत कार्य करते. भारतातील मुलांना दत्तक देण्याच्या सुविधेसाठी केंद्रीय संस्था म्हणून CARA कार्य करते

फ्रान्स देश ऑक्सिजन एकता सेतू अभियान राबवत आहे.
कोविड आपत्तीमध्ये सुरु असलेल्या मदतकार्याचा भाग म्हणून भारतीय नौदलाने सुरु केलेल्या समुद्र सेतू 2या मोहिमेच्या अंतर्गत, वैद्यकीय वापरासाठीचा प्रत्येकी 20 मेट्रिक टन द्रवरूप ऑक्सिजन भरलेले दोन क्रायोजेनिक कंटेनर्स आणि 230 ऑक्सिजन सिलेंडर्स आणणारे भारतीय नौदलाचे INS तरकश हे जहाज 12 मे 2021 रोजी मुंबईत पोहोचले. फ्रान्सच्या ऑक्सिजन एकता सेतू अभियानातून ते ऑक्सिजन कंटेनर देण्यात आले.

पंतप्रधान नरेंद्र मोदी यांच्या अध्यक्षतेखालील केंद्रीय मंत्रिमंडळाने अवजड उद्योग विभागाच्या एका प्रस्तावाला 12 मे 2021 रोजी मान्यता दिली. ACC (अॅडवान्सड केमिस्ट्री सेल) अर्थात प्रगत रसायन संचयिका (बॅटरी) साठवणूक विषयक राष्ट्रीय कार्यक्रमाच्या अंमलबजावणीचा हा प्रस्ताव होता.
राष्ट्रीय प्रगत रसायन संचयिका (बॅटरी) साठवणूक कार्यक्रमएक उत्पादनाधारित प्रोत्साहन योजना (PLI) असून, 18100कोटी रुपये खर्चून ACC साठवणूक क्षमता 50 गिगावॅट अवर (GWh)आणि निश (विशिष्ट) ACC साठवणूक क्षमता 5गिगावॅट अवर एवढ्या मर्यादेपर्यंत उत्पादनक्षमता वाढविणे हा त्यामागील उद्देश आहे.
ACC म्हणजे विद्युत-रासायनिक किंवा रासायनिक स्वरूपात विद्युत ऊर्जा साठविण्याचे प्रगत तंत्रज्ञान असून,गरजेप्रमाणे त्या ऊर्जेचे पुन्हा विद्युत ऊर्जेत रूपांतर करणेही शक्य असते. ग्राहकोपयोगी इलेक्ट्रॉनिक वस्तू,विद्युतचलित वाहने,प्रगत विद्युत ग्रिड,सौर छत इत्यादी क्षेत्रांमध्ये मोठ्या प्रमाणात संचयिकांची (बॅटरी) गरज असते.

दरवर्षी 10 मे या दिवशी संयुक्त राष्ट्रसंघाच्या नेतृत्वात आंतरराष्ट्रीय अर्गानिया दिवससाजरा करतात.
अर्गान वृक्ष (अर्गानिया स्पिनोसा) ही मोरोक्को देशाच्या उप-सहारा प्रदेशाची एक मूळ वनस्पति प्रजाती आहे. ते शुष्क / कोरड्या प्रदेशात वाढते आणि कठोर वातावरणातही टिकाव धरून ठेवते. ते भूजल टंचाई, मातीची धूप आणि मातीचा कमी झालेला कस अश्या समस्या कमी करू शकते

जोस जे. कट्टूर हे 4 मे 2021 पासून भारतीय रिझर्व्ह बँकेचे नवीन कार्यकारी संचालक (ED) आहेत

भारतीय रोखे व विनिमय मंडळ (SEBI) बिझनेस रिस्पॉन्सिबिलिटी अँड सस्टेनेबीलिटी रीपोर्ट (BRSR)या शीर्षकाचा एक अहवाल प्रकाशित करणार आहे. बाजार भांडवलानुसार शीर्ष 1000 सूचीबद्ध कंपन्या वित्तीय वर्ष 2023 पर्यंत त्यांच्या शाश्वती संबधित अहवाल SEBI कडे सुपूर्द करतील.

हरयाणा राज्यात हरयाणा वन्यजीवन गणना 2021याचा भाग म्हणून माकडांची गणना झाली. संपूर्ण कार्यक्रम 2021 भारतीय वन्यजीवन गणना अंतर्गत आयोजित केला गेला. हा उपक्रम भारतीय वन्यजीवन संस्थेने (WII) पार पाडला.

102 वर्षांच्या के. आर. गौरी अम्मा यांना केरळची आयर्न लेडीम्हणून ओळखले जाते. त्या 1957 साली केरळच्या पहिल्या मंत्रिमंडळातील एकमेव महिला सदस्य होत्या. त्यांनी महसूलमंत्री म्हणून काम केले होते. केरळमधील सरंजामशाहीची सुरूवात असलेल्या ऐतिहासिक भू-सुधारणा विधेयकांच्या अंमलबजावणीची देखरेख केली.